എംടി പറഞ്ഞത് ഇങ്ങനെയാണ്; പറഞ്ഞതിനെ വളച്ചൊടിച്ചവര്, അസത്യപ്രചാരണം നടത്തിയവര് മാപ്പ് പറയുമോ?
കോഴിക്കോട്: വിഖ്യാത എഴുത്തുകാരന് എംടി വാസുദേവന് നായര് മുസ്ലീം വിരുദ്ധ പരാമര്ശം നടത്തി എന്ന ആരോപണം ആണ് രണ്ട് ദിവസങ്ങളായി സോഷ്യല് മീഡിയയില് സജീവ ചര്ച്ച. ഒരു വിദ്യാര്ത്ഥി ഫേസ്ബുക്കില് കുറിച്ച വരികളുടെ അടിസ്ഥാനത്തില് ആയിരുന്നു ഈ ആരോപണങ്ങള് പ്രചരിച്ചത്.
എന്നാല് തുടക്കത്തിലെ ആവേശക്കമ്മിറ്റിക്കാര്ക്ക് ശേഷം കൂലങ്കഷമായ ചര്ച്ചകളാണ് സാമൂഹ്യമാധ്യമങ്ങളില് ഉണ്ടായത്. എംടി വാസുദേവന്നായരെ പോലെ ഒരാള് അത്തരം പരാമര്ശം നടത്താനിടയില്ലെന്ന നിഗമനത്തിലായിരുന്നു പലരും. എന്നാല് എംടിയെ വര്ഗ്ഗീയതയുടെ ആലയില് കെട്ടാന് മെനക്കിട്ടിറങ്ങിയവരും കുറവായിരുന്നില്ല.
ഈ വിവാദത്തെ കുറിച്ച് എംടി വാസുദേവന് നായര് തന്നെ പ്രതികരിച്ചിരിക്കുകയാണ് ഇപ്പോള്. ഓണ്ലൈന് മാധ്യമങ്ങളോടായിരുന്നു അദ്ദേഹത്തിന്റെ പ്രതികരണം. ഇതും ഇപ്പോള് മറ്റ് ചില വിവാദങ്ങള്ക്ക് വഴിമരുന്നിട്ടിട്ടുണ്ട്.
ഇസ്ലാം വിരുദ്ധമായി ഒന്നും താന് പറഞ്ഞിട്ടില്ലെന്ന് തന്നെയാണ് എംടി വാസുദേവന്നായര് വ്യക്തമാക്കുന്നത്. തനിക്ക് ഒരു ബന്ധവും ഇല്ലാത്ത ഒരു പരിപാടിയുടെ സര്ട്ടിഫിക്കറ്റില് ഒപ്പിടാന് നിര്ബന്ധിച്ചപ്പോള് നിഷേധിക്കുകയായിരുന്നു എന്നാണ് എംടി വാസുദേവന് നായര് വിശദീകരിക്കുന്നത്.
സമസ്തയുടെ ഇകെ വിഭാഗത്തിന്റെ കീഴിലുള്ള ദാറുല് ഹുദ സര്വ്വകലാശാലയുടെ തൃശൂര് ചാമക്കാല നഹ്ജൂര് റഷാദ് ഇസ്ലാമിക് കോളേജിലെ വിദ്യാര്ത്ഥിയുടെ ഫേസ്ബുക്ക് പോസ്റ്റ് ആയിരുന്നു വിവാദം സൃഷ്ടിച്ചത്. ഇവര് നടത്തിയ ദ്വിദിന ശില്പശാലയുടെ കാര്യദര്ശിയായി എംടിയെ തിരഞ്ഞെടുത്തിരുന്നു എന്നാണ് പോസ്റ്റില് പറഞ്ഞിരുന്നത്. പരിപാടിയില് പങ്കെടുക്കാന് വിസമ്മതിച്ച എംടി, ശില്പശാലയുടെ പങ്കാളിത്ത സര്ട്ടിഫിക്കറ്റില് ഒപ്പിട്ട് നല്കാനുള്ള അപേക്ഷയും നിരസിച്ചു എന്ന് പറയുന്നു.
'ഈ കുട്ടികള് എങ്ങാനും ഭാവിയില് തീവ്രവാദികളായി വന്നാല് ഞാന് എന്ത് ചെയ്യും ? ഇനി സ്വര്ഗ്ഗത്തില് വച്ച് കാണാം എന്ന് പറഞ്ഞല്ലേ വേള്ഡ് ട്രേഡ് സെന്റര് തകര്ത്തത്' - എംടിയുടെ പ്രതികരണം ഇങ്ങനെ ആയിരുന്നു എന്നാണ് ആ വിദ്യാര്ത്ഥി ഫേസ്ബുക്ക് പോസ്റ്റില് കുറിച്ചത്.
എന്നാല് അത് അടര്ത്തിയെടുത്ത് പറഞ്ഞ ഒരു കാര്യമാണെന്നാണ് എംടി വിശദീകരിച്ചിരിക്കുന്നത്. പരിപാടിയുടെ കാര്യദര്ശിയായി തന്നെ തിരഞ്ഞെടുത്തത് പോലും അനുവാദത്തോടെ ആയിരുന്നില്ല എന്നാണ് എംടിയുടെ പക്ഷം. ഇങ്ങനെയൊരു ക്യാമ്പില് പങ്കെടുക്കുന്ന കുട്ടികള്ക്ക് കൊടുക്കുന്ന സര്ട്ടിഫിക്കറ്റില് തനിക്ക് എങ്ങനെയാണ് ഒപ്പിട്ട് കൊടുക്കാന് സാധിക്കുക എന്നും അദ്ദേഹം ചോദിക്കുന്നുണ്ട്.
പക്ഷേ, സമാനമായ ഒരു പരാമര്ശം നടത്തിയതായി അദ്ദേഹം തന്നെ സമ്മതിക്കുന്നുണ്ട്. ഈ ക്യാമ്പില് പങ്കെടുക്കുന്ന കുട്ടികളില് ആരെങ്കിലും തീവ്രവാദ പ്രവര്ത്തനം നടത്തിയാല് അത് തന്നേയും ബാധിക്കില്ലേ എന്നായിരുന്നേ്രത അദ്ദേഹം ചോദിച്ചത്. പക്ഷേ, അത് ഇപ്പോള് ആഘോഷിക്കപ്പെടുന്നതുപോലെ മുസ്ലീം വിരുദ്ധമായിട്ടല്ല താന് പറഞ്ഞത് എന്നും എംടി വാസുേവന് നായര് വിശദീകരിക്കുന്നുണ്ട്.
-
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ഉല്ലാസ് പന്തളത്തിന് 10,000 രൂപ നൽകി സഹായിച്ചു, പക്ഷെ വിളിച്ച് പറയുന്ന ആളല്ല ഞാനെന്ന് അഖിൽ മാരാർ; വൻ ട്രോൾ -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
യുഎഇയിൽ ശക്തമായ മഴ വരുന്നു; പ്രവാസികൾ ജാഗ്രത പാലിക്കുക, സുരക്ഷാ നിർദ്ദേശങ്ങൾ ഇങ്ങനെ -
'മത്സരിക്കാന് രാഹുല് അനുവദിച്ചു.. എന്നിട്ടും അത് മുടക്കി, ആളെ എനിക്കറിയാം'; തുറന്നടിച്ച് സുധാകരന് -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല് -
ഇറാനെ ചുട്ടെരിക്കാൻ അമേരിക്ക; വൈദ്യുത നിലയങ്ങൾ തകർക്കും, ട്രംപിന്റെ അന്ത്യശാസനം -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ഇസ്രായേലില് രൂക്ഷമായ മിസൈലാക്രമണവുമായി ഇറാന്; ഡിമോണും അറാദും ആക്രമിക്കപ്പെട്ടു -
13000 രൂപയുടെ ഇടിവില് സ്വര്ണം.. വെള്ളിയ്ക്ക് കുറഞ്ഞത് 32000 രൂപ! അടുത്ത ആഴ്ചയിലും വില കുറയും?
Click it and Unblock the Notifications
Sign in with Google