Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
കരിപ്പൂര്‍ വിമാനത്താവളത്തില്‍ വീണ്ടും മോഷണം...യാത്രക്കാര്‍ ജാഗ്രതെ!!
Recommended Video
നാട്ടിലെ പ്രിയപ്പെട്ടവര്‍ക്ക് ആശിച്ച് വാങ്ങിയ സമ്മാനങ്ങളെല്ലാം വിമാനത്താവളത്തില്‍ വെച്ച് ഉദ്യോഗസ്ഥര്‍ കൈയിട്ട് വാരുന്നെന്ന പരാതിക്ക് ഒരു പക്ഷേ കരിപ്പൂര്‍ വിമാനത്താവളത്തോളം തന്നെ പഴക്കമുണ്ട്. പലപ്പോഴും ആരാണെന്ന് പോലും വ്യക്തമാകാതെ പൂട്ടിക്കെട്ടിയ ബാഗുകള്‍ കുത്തിത്തുറന്ന് സാധനങ്ങള്‍ മോഷ്ടിക്കപ്പെടുന്നതും അവിടുത്തെ സ്ഥിരം സംഭവമാണ്. പരാതിപ്പെട്ടിട്ടോ നടപടി ആവശ്യപ്പെട്ടിട്ടോ ഒരു കാര്യമില്ലെന്ന് പ്രവാസികള്‍ക്ക് തന്നെ അറിയാം.
ഇതിനിടെ കഴിഞ്ഞ ദിവസം എയര്‍ ഇന്ത്യ എക്സ്പ്രസില്‍ കരിപ്പൂരിലെത്തയ യാത്രക്കാരുടെ ബാഗുകളില്‍ നിന്ന് പണമടക്കമുള്ള സാധനങ്ങള്‍ നഷ്ടപ്പെട്ടിരുന്നു. ലഗേജുകള്‍ കുത്തിതുറന്ന നിലയിലായിരുന്നു. കുത്തിതുറന്ന ബാഗേജുകളുമായി യാത്രക്കാര്‍ പ്രതിഷേധിക്കുന്ന വീഡിയോ പ്രചരിച്ചതോടെയാണ് സംഭവം പുറത്തറിഞ്ഞത്. ഇതിനിടെ കഴിഞ്ഞ ദിവസം വീണ്ടും യാത്രക്കാര്‍ക്ക് സാധനങ്ങള്‍ നഷ്ടമായെന്ന വാര്‍ത്തയാണ് ഇപ്പോള്‍ വരുന്നത്.
ഇത്തവണ സ്പൈസ് ജെറ്റ്
കഴിഞ്ഞ തവണ എയര്‍ ഇന്ത്യയില്‍ വന്നിറങ്ങിയ ആറ് യാത്രക്കാരുടെ ബാഗുകളായിരുന്നു കുത്തി തുറന്ന രീതിയില്‍ കണ്ടെത്തിയത്. ഇത്തവണ സ്പൈസ്ജെറ്റിലെത്തിയ രണ്ട് പേരുടെ ബാഗുകളാണ് കുത്തി തുറന്ന നിലയില്‍ കണ്ടെത്തിയത്.
പോയത് ഐഫോണ്‍
എയര്‍ ഇന്ത്യ എക്സ്പ്രസിന്റെ ഐഎക്സ്-344 ദുബായ്-കോഴിക്കോട് വിമാനത്തിലെത്തിയ കോഴിക്കോട് സ്വദേശിയുടെ ഐഫോണാണ് പോയത്. ബാഗിന്‍റെ സിബ്ബ് പൊളിച്ചാണ് ഫോണ്‍ മോഷ്ടിക്കപ്പെട്ടിരിക്കുന്നത്.
ബാഗുകള്‍ കീറി
സിബ്ബ് പൊട്ടിച്ചാണ് ഫോണ്‍ മോഷ്ടിച്ചിരിക്കുന്നതെങ്കില്‍ രണ്ട് ബാഗുകള്‍ കീറിയാണ് മറ്റ് സാധനങ്ങള്‍ കടത്തിയിരിക്കുന്നത്. കീറിയ ബാഗിനുളളില്‍ നിന്ന് നഷ്ടപ്പെട്ടത് എന്തൊക്കെയാണെന്ന് വ്യക്തമായിട്ടില്ല.
പണവും പോയി
എയര്‍ ഇന്ത്യ വിമാനത്തില്‍ കോഴിക്കോട് എത്തിയ മുംബൈ യാത്രക്കാരന്‍റെ ബാഗില്‍ സൂക്ഷിച്ച പണവും അടിച്ചുമാറ്റിയിട്ടുണ്ട്. ട്രോളി ബാഗിന്‍റെ ഉള്ളില്‍ വെച്ച 2000 രൂപയാണ് പോയത്.
കൈമലര്‍ത്തി ഉദ്യോഗസ്ഥര്‍
എന്നാല്‍ എവിടെ നിന്നാണ് സാധനങ്ങള്‍ നഷ്ടമാകുന്നെന്ന് കണ്ടെത്താന്‍ ഇപ്പോഴും എയര്‍പോര്‍ട്ട് അധികൃതര്‍ക്ക് കഴിഞ്ഞിട്ടില്ല. ദുബൈയില്‍ വെച്ചാകും സാധനങ്ങള്‍ നഷ്ടമാകുന്നതെന്നാണ് ഇപ്പോഴും ഉദ്യോഗസ്ഥര്‍ പറയുന്നത്. എന്നാല്‍ കരിപ്പൂരില്‍ നിന്നാണ് സാധനം പോകുന്നതെന്ന് യാത്രക്കാര്‍ പറയുന്നു. അതേസമയം സിസിടിവിയില്‍ അസ്വാഭാവികമായി ഒന്നും കണ്ടെത്താന്‍ സാധിച്ചിട്ടില്ലെന്നും ഉദ്യോഗസ്ഥര്‍ ചൂണ്ടിക്കാട്ടുന്നു.
