പ്രതിഷേധങ്ങളെ ചോരയില് മുക്കാനാണ് പോലീസ് ശ്രമിക്കുന്നതെങ്കില് തിരിച്ചടിയുണ്ടാകും: ഷിബു ബേബി ജോണ്
കൊല്ലം : മുഖ്യമന്ത്രി പിണറായി വിജയനെതിരെയും സംസ്ഥാന സര്ക്കാരിനെതിരെയും വിമര്ശനവുമായി ആര് എസ് പി നേതാവ് ഷിബു ബേബി ജോണ് രംഗത്ത്. കൊല്ലത്ത് ആര് എസ് പി മാര്ച്ചിനുനേരെ നടന്ന പൊലീസ് അതിക്രമത്തില് പ്രതിഷേധിച്ചാണ് വിമര്ശനം. ഇത് ഉത്തരകൊറിയയല്ല, സ്റ്റാലിന്റെ റഷ്യയല്ല. ജനാധിപത്യപരമായ പ്രതിഷേധങ്ങളെ ചോരയില് മുക്കാനാണ് പിണറായിയുടെ പോലീസ് ശ്രമിക്കുന്നതെങ്കില് തത്തുല്യമായ തിരിച്ചടിയുണ്ടാകും എന്നുകൂടി പ്രതീക്ഷിച്ചുകൊള്ളണമെന്ന് ഷിബു ബേബി ജോണ് പറഞ്ഞു .
കൊല്ലത്ത് ആര് എസ് പി മാര്ച്ചിനുനേരെ ഏകപക്ഷീയമായി ആക്രമണമഴിച്ചുവിട്ട പിണറായിയുടെ പോലീസ് എന്.കെ. പ്രേമചന്ദ്രന് എംപി അടക്കം നിരവധി നേതാക്കളെയും പ്രവര്ത്തകരെയും നിഷ്ഠൂരമായി തല്ലിച്ചതച്ചു. പ്രായം പോലും നോക്കാതെ സ. എ.എ. അസീസിനു മേലുണ്ടായ ആക്രമണത്തെ പ്രവര്ത്തകര് ഇടപെട്ടാണ് വിഫലമാക്കിയതെന്നും അദ്ദേഹം കൂട്ടിച്ചേര്ത്തു. സംസ്ഥാനസര്ക്കാരിന്റെ ശ്രമം ഒരു ജനാധിപത്യ ഭരണകൂടത്തിന് ഒരിക്കലും ഭൂഷണമല്ല. പൊതുജനങ്ങളെ മുഴുവന് ശത്രുപക്ഷത്ത് നിര്ത്തി ഈ രാജാവിനും വിദൂഷകകൂട്ടങ്ങള്ക്കും അധികകാലം മുന്നോട്ടുപോകാനാവില്ലെന്ന് ഓര്മിപ്പിക്കുകയാണെന്നും അദ്ദേഹം ഫേസ്ബുക്കില് കുറിച്ചു. ഫേസ്ബുക്ക് പോസ്റ്റിന്റെ പൂര്ണരൂപം..
ഇത് ഉത്തരകൊറിയയല്ല, സ്റ്റാലിന്റെ റഷ്യയല്ല. ജനാധിപത്യപരമായ പ്രതിഷേധങ്ങളെ ചോരയില് മുക്കാനാണ് പിണറായിയുടെ പോലീസ് ശ്രമിക്കുന്നതെങ്കില് തത്തുല്യമായ തിരിച്ചടിയുണ്ടാകും എന്നുകൂടി പ്രതീക്ഷിച്ചുകൊള്ളണം.
കൊല്ലത്ത് ആര് എസ് പി മാര്ച്ചിനുനേരെ ഏകപക്ഷീയമായി ആക്രമണമഴിച്ചുവിട്ട പിണറായിയുടെ പോലീസ് എന്.കെ. പ്രേമചന്ദ്രന് എംപി അടക്കം നിരവധി നേതാക്കളെയും പ്രവര്ത്തകരെയും നിഷ്ഠൂരമായി തല്ലിച്ചതച്ചു. പ്രായം പോലും നോക്കാതെ സ. എ എ. അസീസിനു മേലുണ്ടായ ആക്രമണത്തെ പ്രവര്ത്തകര് ഇടപെട്ടാണ് വിഫലമാക്കിയത് .
ജനാധിപത്യകേരളത്തെ ഒരു ഏകാധിപത്യപ്രവിശ്യയായി മാറ്റിയെടുക്കാമെന്നുള്ള ചിലരുടെ സ്വപ്നങ്ങളാണ് കേരളത്തിലെ തെരുവുകളെ ചോരക്കളങ്ങളാക്കിത്തീര്ക്കുന്നത്. ജനാധിപത്യപരമായ പ്രതിഷേധങ്ങളോ സമാധാനപരമായ സമരങ്ങളോ പോലും അവര്ക്ക് സഹിക്കാനാകുന്നില്ല. ഇതിനേക്കാള് വലിയ ഏകാധിപതിയായിരുന്ന സര് സി.പിയെ വെട്ടി നാടുകടത്തിയ പ്രസ്ഥാനമാണ് ആര്.എസ്.പി. ആ ഞങ്ങളെ നിങ്ങളുടെ കൈക്കരുത്ത് കൊണ്ട് തളര്ത്തിക്കളയാമെന്ന് വ്യാമോഹിക്കണ്ട.
കോൺഗ്രസ് ഓഫീസ് അക്രമം; വെളിപ്പെടുന്നത് സിപിഎമ്മിന്റെ ഭീരുത്വവും ഭീതിയുമെന്ന് കൊടിക്കുന്നിൽ
Recommended Video
എതിര്ക്കുന്നവര്ക്കെതിരെ കേസെടുത്തും, പ്രതിഷേധിക്കുന്നവരെ ക്രൂരമായി മര്ദ്ധിച്ചും എതിര്ശബ്ദങ്ങളെ ഇല്ലാതാക്കാനുള്ള സംസ്ഥാനസര്ക്കാരിന്റെ ശ്രമം ഒരു ജനാധിപത്യ ഭരണകൂടത്തിന് ഒരിക്കലും ഭൂഷണമല്ല. പൊതുജനങ്ങളെ മുഴുവന് ശത്രുപക്ഷത്ത് നിര്ത്തി ഈ രാജാവിനും വിദൂഷകകൂട്ടങ്ങള്ക്കും അധികകാലം മുന്നോട്ടുപോകാനാവില്ലെന്ന് ഓര്മിപ്പിക്കുകയാണ്.