കുട്ടികളിലും സെറോ പ്രിവലന്സ് പഠനം, ഈ മാസം അവസാനത്തോടെ പൂർത്തിയാകുമെന്ന് മുഖ്യമന്ത്രി
തിരുവനന്തപുരം: സംസ്ഥാനത്ത് സിറൊ പ്രിവലന്സ് പഠനം ഈ മാസം അവസാനത്തോടെ പഠനം പൂര്ത്തിയാക്കാന് സാധിക്കുമെന്നാണ് കരുതുന്നതെന്ന് മുഖ്യമന്ത്രി പിണറായി വിജയൻ. നിലവിൽ എല്ലാ ജില്ലകളിലും നടക്കുകയാണ്. സംസ്ഥാനത്ത് എത്ര പേര്ക്ക് കൊവിഡ് വന്നു മാറി എന്നു മനസ്സിലാക്കാനാണ് ഈ പഠനം. കുട്ടികളിലും സെറോ പ്രിവലന്സ് പഠനം നടത്തുന്നുണ്ട്. രോഗ വ്യാപനത്തിന്റെ തോതും സ്വഭാവവും മനസ്സിലാക്കാനും അതനുസരിച്ച് വാക്സിന് വിതരണവും പ്രതിരോധ പ്രവര്ത്തനങ്ങളും കൂടുതല് കൃത്യതയോടെ നടപ്പിലാക്കാനും ഈ പഠനം സഹായകമാകുമെന്ന് മുഖ്യമന്ത്രി വ്യക്തമാക്കി.
കൊവിഡ് ബാധിച്ച ശേഷം ആശുപത്രികളില് വൈകി ചികിത്സ തേടിയെത്തുന്നവരുടെ കാര്യത്തിൽ മുഖ്യമന്ത്രി ആശങ്ക പ്രകടിപ്പിച്ചു. ചികിത്സിക്കാൻ വൈകുന്ന രോഗികളുടെ എണ്ണത്തില് നേരിയ വര്ദ്ധന ഉണ്ടാകുന്നുണ്ട്. ചികിത്സയ്ക്ക് താമസിച്ച് എത്തുന്നവരുടെ എണ്ണം 30 ശതമാനമായി വര്ദ്ധിച്ചിരിക്കുന്നു. ആഗസ്റ്റ് മാസത്തില് അത് 22 ശതമാനമായിരുന്നു. ഇത്തരമൊരു പ്രവണത ആശാസ്യമല്ലെന്ന് മുഖ്യമന്ത്രി പറഞ്ഞു.
കോവിഡ് കാരണം മരണമടയുന്നവരില് കൂടുതലും പ്രായാധിക്യമുള്ളവരും അനുബന്ധ രോഗങ്ങള് ഉള്ളവരുമാണ്. തക്ക സമയത്ത് ചികിത്സ നേടിയാല് വലിയൊരളവ് മരണങ്ങള് കുറച്ചു നിര്ത്താന് സാധിക്കും. എത്രയും പെട്ടെന്ന് ചികിത്സ നേടാന് പ്രായാധിക്യമുള്ളവരും അനുബന്ധ രോഗമുള്ളവരും ശ്രദ്ധിക്കണം. അവരുടെ ബന്ധു മിത്രാദികളും ഇക്കാര്യം ഗൗരവത്തോടെ പരിഗണിക്കണമെന്ന് അഭ്യര്ഥിക്കുന്നു. വാര്ഡ് തല കമ്മിറ്റികളും ഇതിനായി സക്രിയമായി ഇടപെടണമെന്ന് മുഖ്യമന്ത്രി നിർദേശിച്ചു.
സെപ്റ്റംബര് 8 മുതല് 14 വരെയുള്ള കാലയളവില്, ശരാശരി കോവിഡ് ആക്ടീവ് കേസുകള് 1,53,067 ആണ്. കഴിഞ്ഞ ആഴ്ചയെ അപേക്ഷിച്ച് 42,998 കേസുകളും കുറഞ്ഞിട്ടുണ്ട്. കഴിഞ്ഞ ആഴ്ചയുമായി താരതമ്യപ്പെടുത്തുമ്പോള് ഈ ആഴ്ചയില് ടിപിആറിന്റെയും പുതുതായി ഉണ്ടായ കേസുകളുടെയും വളര്ച്ചാ നിരക്ക് യഥാക്രമം 6 ശതമാനവും 21 ശതമാനവും കുറഞ്ഞിട്ടുണ്ട്.
ആരെയാണീ നോക്കുന്നത്? ദിലീപിന്റെയും കാവ്യയുടെ പുതിയ ചിത്രങ്ങൾ ഏറ്റെടുത്ത് ആരാധകർ
ഇന്നലെ വരെ 1,98,865 കോവിഡ് കേസുകളില്, 13.7 ശതമാനം രോഗികളാണ് ആശുപത്രി, ഡി.സി.സി., സി.എഫ്.എല്.ടി.സി., സി.എസ്.എല്.ടി.സി. എന്നിവിടങ്ങളില് ചികിത്സയിലുള്ളത്. ആകെ രോഗികളില് 2 ശതമാനം പേര്ക്ക് മാത്രമേ ഈ കാലയളവില് ഓക്സിജന് കിടക്കകള് വേണ്ടിവന്നിട്ടുള്ളൂ. ഒരു ശതമാനം മാത്രമേ ഐ.സി.യു.വിലുള്ളൂ. പ്രതിവാര ഇന്ഫെക്ഷന് പോപ്പുലേഷന് റേഷ്യോ (ഡബ്ല്യൂ.ഐ.പി.ആര്) എട്ടിന് മുകളിലുള്ള 678 തദ്ദേശ സ്വയംഭരണ പ്രദേശങ്ങളിലായി 2507 വാര്ഡുകളാണുള്ളത്. ഇവിടെ കര്ശന നിയന്ത്രണമുണ്ടാകുമെന്ന് മുഖ്യമന്ത്രി വ്യക്തമാക്കി.
Click it and Unblock the Notifications
Sign in with Google