ഗവര്ണര്ക്കെതിരായ നിയമോപദേശം; സര്ക്കാര് ചെലവഴിച്ചത് 46.90 ലക്ഷം രൂപ
തിരുവനന്തപുരം: ഗവര്ണര് ആരിഫ് മുഹമ്മദ് ഖാന് എതിരായ നിയമ നടപടികള്ക്കായി നിയമോപദേശത്തിന് സംസ്ഥാന സര്ക്കാര് ചെലവാക്കുന്നത് ലക്ഷക്കണക്കിന് രൂപ. തടഞ്ഞ് വെച്ച ബില്ലുകള് ഉള്പ്പെടെ നിയമസഭ പാസാക്കിയ ബില്ലുകളെ സംബന്ധിച്ച് നിയമോപദേശം തേടിയതിന് സംസ്ഥാന സര്ക്കാര് ചെലവഴിച്ചത് 46.90 ലക്ഷം രൂപയാണ് എന്നാണ് റിപ്പോര്ട്ട്.
കഴിഞ്ഞ നിയമസഭ സമ്മേളനത്തില് 11 ബില്ലുകളാണ് നിയമസഭ പാസാക്കിയിരുന്നത്. ഇതില് ലോകായുക്ത, സര്വകലാശാല ഭേദഗതി ബില് അടക്കമുള്ള 4 ബില്ലുകള്ക്കും കഴിഞ്ഞ വര്ഷം നിയമസഭ പാസാക്കിയ രണ്ട് ബില്ലുകള്ക്കും ഗവര്ണര് ഇതുവരെ അംഗീകാരം നല്കിയിട്ടുണ്ടായിരുന്നില്ല.
ഇതില് ഗവര്ണര്ക്കെതിരെ സ്വീകരിക്കേണ്ട നിയമ നടപടികളെ സംബന്ധിച്ച് നിയമോപദേശം നല്കിയതിനാണ് ഇത്രയും ഫീസ്. സുപ്രീം കോടതിയിലെ സീനിയര് അഭിഭാഷകന് ഫാലി എസ് നരിമാന് മാത്രം നിയമോപദേശത്തിന് നല്കിയത് 30 ലക്ഷം രൂപയാണ്. അഡ്വ. സുഭാഷ് ശര്മയ്ക്ക് 9.90 ലക്ഷം രൂപയും സഫീര് അഹമ്മദിന് 3 ലക്ഷവും നല്കി.
ക്ലാര്ക്ക് വിനോദ് കെ ആനന്ദിന് 3 ലക്ഷവും പ്രതിഫലമായി നല്കിയിട്ടുണ്ട്. അഡ്വക്കേറ്റ് ജനറലിന്റെ നിര്ദേശം അനുസരിച്ചാണ് തുക അനുവദിച്ചിരിക്കുന്നത്. ഇത് സംബന്ധിച്ച ഉത്തരവ് സംസ്ഥാന നിയമ വകുപ്പ് പുറത്തിറക്കിയിട്ടുണ്ട്. കേരള നിയമസഭ ബില്ലുകളുമായി ബന്ധപ്പെട്ട വിഷയത്തില് നിയമോപദേശം എഴുതി നല്കുന്നതിനാണ് ഫീസ് കൈമാറുന്നത് എന്നാണ് ഉത്തരവില് വ്യക്തമാക്കിയിട്ടുള്ളത്.
പിണറായി വിജയന് മുഖ്യമന്ത്രി ആയതിന് ശേഷം ഇത് രണ്ടാം തവണയാണ് ഫാലി എസ് നരിമാനില് നിന്ന് നിയമോപദേശം തേടുന്നത്. കിഫ്ബിയും മസാല ബോണ്ടുകളും ഭരണഘടനാ വിരുദ്ധമാണെന്ന് പ്രഖ്യാപിക്കണം എന്നാവശ്യപ്പെട്ട് ഹൈക്കോടതിയുടെ പരിഗണനയില് ഉള്ള റിട്ട് ഹര്ജിയില് ഒന്നാം എല് ഡി എഫ് സര്ക്കാര് നരിമാനില് നിന്ന് നിയമോപദേശം തേടിയിരുന്നു.
സ്വര്ണക്കടത്ത് കേസിലെ വിചാരണ കേരളത്തിന് പുറത്തേക്ക് മാറ്റണം എന്ന ഇ ഡിയുടെ ഹര്ജിയില് സംസ്ഥാന സര്ക്കാരിന് വേണ്ടി ഹാജരാകാന് 15.50 ലക്ഷം രൂപയാണ് കപില് സിബലിന് സര്ക്കാര് അനുവദിച്ചത്.
-
നീചഭംഗ രാജയോഗം ജീവിതം മാറ്റി മറിക്കും; ഈ രാശിക്കാരുടെ പ്രണയം പൂവണിയും..! സാമ്പത്തികമായി നല്ല കാലം -
സ്വർണ വില 1 ലക്ഷത്തിന് താഴേക്കോ അതോ 2 ലക്ഷത്തിന് മുകളിലേക്കോ? സ്വർണം കൈയ്യിലുള്ളവർ അറിയാൻ -
തൊഴിലില് അപ്രതീക്ഷിത മാറ്റങ്ങള്, സാഹസികമായി പ്രവര്ത്തിക്കും, സര്ക്കാര് ആനുകൂല്യം ലഭിക്കും, നാൾഫലം -
സ്വര്ണം എവിടെപോയി നില്ക്കും; ഇന്ന് രണ്ടാംതവണയും വില കുറഞ്ഞു, സ്വര്ണ പ്രേമികള്ക്ക് സന്തോഷം -
ബെംഗളൂരുവില് വര്ക്ക് ഫ്രം ഹോം; സാമ്പത്തിക ലാഭം 10000 രൂപയിലേറെ; കണക്കുകള് നിരത്തി ടെക്കി യുവാവ് -
ബുധനും സൂര്യനും ചേർന്നാൽ നല്ല കാലം; ഈ രാശിക്കാരുടെ പ്രണയജീവിതം സുഖകരം, കൈകളിൽ പണം നിറയും! -
ബെംഗളൂരുവില് രണ്ടാമതൊരു വിമാനത്താവളം യാഥാര്ത്ഥ്യമാകുമോ? ഡികെ ശിവകുമാറിന് കേന്ദ്രത്തിന്റെ മറുപടി -
ബെംഗളൂരുവിൽ ഇനി എത്ര മഴ വന്നാലും പേടിക്കേണ്ട; നടപടികൾ ശക്തമാക്കി ജിബിഎ, 2000 കോടിയുടെ പദ്ധതി -
ബെംഗളുരുവിന്റെ തലവര മാറ്റുന്ന ബിദാദി ടൗൺഷിപ്പ് പദ്ധതി; 7400 ഏക്കർ ഭൂമി ഏറ്റെടുക്കാൻ നടപടിയുമായി സർക്കാർ -
വിജയ് സ്വത്തുക്കള് വിറ്റഴിക്കുന്നു; നടന്റെ നീക്കത്തിന് പിന്നില് എന്ത്? സംഗീതയുടെ വിവാഹ മോചനം ചര്ച്ച -
ചെറിയ പെരുന്നാളിന് സ്വര്ണം ഉയര്ന്നു! ഇന്ന് കൂടിയത് ഇത്ര; ഏറ്റവും കുറഞ്ഞ വിലയില് നിന്ന് കയറി -
സബ്സ്ക്രിപ്ഷന് വീഡിയോകള് ലീക്കാക്കി; യൂട്യൂബര്മാര്ക്കെതിരേ നിയമനടപടിയുമായി രേണു സുധി
Click it and Unblock the Notifications
Sign in with Google