ഭൂമിയിടപാട് കേസില് കര്ദിനാള് മാര് ആലഞ്ചേരിക്ക് തിരിച്ചടി, കേസ് റദ്ദാക്കില്ലെന്ന് സുപ്രീം കോടതി
കാക്കനാട് മജിസ്ട്രേറ്റ് കോടതിയിലുള്ള കേസുകളിലെ നടപടികള് റദ്ദാക്കണമെന്നാണ് മാര് ആലഞ്ചേരി സുപ്രീം കോടതിയില് ആവശ്യപ്പെട്ടിരുന്നത്.
കൊച്ചി: സീറോ മലബാര് സഭയുടെ ഭൂമി വില്പ്പനയില് ക്രമക്കേടുകള് ആരോപിച്ചുള്ള കേസുകള് റദ്ദാക്കണമെന്ന ആവശ്യം സുപ്രീം കോടതി തള്ളി. കര്ദിനാള് മാര് ആലഞ്ചേരി നല്കിയ ഹര്ജിയാണ് സുപ്രീം കോടതി തള്ളിയത്.
കാക്കനാട് മജിസ്ട്രേറ്റ് കോടതിയിലുള്ള കേസുകളിലെ നടപടികള് റദ്ദാക്കണമെന്നാണ് മാര് ആലഞ്ചേരി സുപ്രീം കോടതിയില് ആവശ്യപ്പെട്ടിരുന്നത്. ജസ്റ്റിസുമാരായ ദിനേശ് മഹേശ്വരി, ബേല എം ത്രിവേദി എന്നിവര് അടങ്ങിയ ബെഞ്ച് കര്ദിനാളിന്റെ ഹര്ജി തള്ളുകയായിരുന്നു.
സിറോ മലബാര് സഭയുടെ ഭൂമിയിടപാടുമായി ബന്ധപ്പെട്ട കേസില് പരാതിക്കാരന് കോടതിയെ സമീപിച്ച് അനുകൂല വിധി സമ്പാദിക്കാന് ശ്രമിച്ചെന്നും, ആലഞ്ചേരി സുപ്രീം കോടതിയില് ആരോപിച്ചിരുന്നു.
അതേസമയം കര്ദിനാളിന് അനുകൂലമായ നിലപാടാണ് സംസ്ഥാന സര്ക്കാര് സുപ്രീം കോടതിയില് സ്വീകരിച്ചത്. നേരത്തെ ആലഞ്ചേരിക്കെതിരായ ഒരു പരാതിയില് സംസ്ഥാന സര്ക്കാര് നടത്തിയിരുന്ന അന്വേഷണം അവസാനിപ്പിച്ചിരുന്നു. സര്ക്കാര് ഭൂമിയാണ് വിറ്റത് എന്ന പരാതിയിലെ ആരോപണമാണ് തെറ്റാണെന്ന് കണ്ടെത്തിയത്.
വിചാരണയടക്കം നേരിടണമെന്ന ഹൈക്കോടതി ഉത്തരവ് ചോദ്യം ചെയ്താണ് കര്ദിനാല് ഹര്ജി നല്കിയത്. ഹൈക്കോടതി ഇതുസംബന്ധിച്ച് ഇറക്കിയ ഉത്തരവിന്റെ പ്രധാനഭാഗം സുപ്രീം കോടതി ശരിവെച്ചു. ഹൈക്കോടതി വിധിയില് രൂപത സ്വത്തുക്കളുടെ അവകാശത്തെ കുറിച്ചും പരാമര്ശമുണ്ടായിരുന്നു.
പള്ളിയുടെ സ്വത്ത് പൊതു ട്രസ്റ്റിന്റെ ഭാഗമായി വരുമെന്നും, ഇവ കൈമാറ്റം ചെയ്യാന് ബിഷപ്പുമാര്ക്ക് പൂര്ണ അ ധികാരമില്ലെന്നും നേരത്തെ ഹൈക്കോടതി വ്യക്തമാക്കിയിരുന്നു. കര്ദിനാളിനെതിരായ കേസ് മാത്രം മുന്നിലുള്ളപ്പോള് ഹൈക്കോടതി മറ്റ് നടപടികളിലേക്ക് കടന്നതില് സുപ്രീം കോടതി അതൃപ്തി രേഖപ്പെടുത്തി.
സീറോ മലബാര് സഭയുടെ ഭൂമി ഇടപാടുകളിലെ ക്രമക്കേടുകള് ചൂണ്ടിക്കാട്ടി ജോഷി വര്ഗീസാണ് ഹര്ജി നല്കിയത്. മാര് ആലഞ്ചേരി അടക്കം 24 പേരാണ് കേസിലെ പ്രതികള്. ഇടനിലക്കാരും, ഭൂമി വാങ്ങിയവരും പ്രതിപട്ടികയിലുണ്ട്. ആധാരം വിലകുറച്ച് കാണിച്ച് കോടികളുടെ ഇടപാട് നടത്തിയെന്നാണ് ഇഡി കേസ്.
നേരത്തെ നികുതി വെട്ടിപ്പിന് ആദായ നികുതി വകുപ്പ് സഭയ്ക്ക് 6.5 കോടി പിഴ ചുമത്തിയിരുന്നു. അതേസമയം കേസില് ഹൈക്കോടതി പുറപ്പെടുവിച്ച തുടര് ഉത്തരവുകള് സുപ്രീം കോടതി റദ്ദാക്കി. ഈ നടപടിയിലാണ് സുപ്രീം കോടതി അതൃപ്തി രേഖപ്പെടുത്തിയത്.
-
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ്
Click it and Unblock the Notifications
Sign in with Google