താല്ക്കാലിക ആശ്വാസം; കേരളത്തിന് അടിയന്തരമായി 3 ലക്ഷം ഡോസ് വാക്സിന് കൂടി അനുവദിച്ച് കേന്ദ്രം
തിരുവനന്തപുരം: സംസ്ഥാനത്തെ വാക്സിന് ക്ഷാമത്തിന് താല്കാലിക പരിഹരമാവുന്നു. ഇന്ന് ഉച്ചയോടെ മുന്ന് ലക്ഷം ഡോസ് വാക്സിന് കൂടി സംസ്ഥാനത്ത് എത്തും. വാക്സിന് സ്റ്റോക്ക് തീര്ന്നതിനെ തുടര്ന്ന് അഞ്ച് ജില്ലകളില് വിതരണം നിര്ത്തിവെച്ചിരിക്കുകയാണ്. തിരുവനന്തപുരം, കൊല്ലം, ആലപ്പുഴ, കോട്ടയം, വയനാട് എന്നീ ജില്ലകളിലാണ് വാക്സിനേഷന് മുടങ്ങിയത്. ഈ വിവരം സംസ്ഥാന കേന്ദ്രത്തെ അറിയിച്ചിരുന്നു. ഇതേ തുടര്ന്നാണ് അടിയന്തരമായി മൂന്ന് ലക്ഷം ഡോസ് വാക്സിന് കൂടി കേരളത്തിന് അനുവദിച്ചത്. അടുത്ത ബാച്ച് വാക്സിന് നാളെ കേരളത്തിന് ലഭ്യമാക്കുമെന്നായിരുന്നു കേന്ദ്ര നേരത്തെ അറിയിച്ചിരുന്നത്.
സാരിയിലും ഹോട്ട് ആയി പ്രിയ താരം ഒവിയ ഹെലന്: ചിത്രങ്ങള് വൈറല്
സംസ്ഥാനത്തെ വാക്സിന് സ്ഥിതി വിലയിരുത്താൻ ആരോഗ്യ വകുപ്പിന്റെ അടിയന്തര യോഗവും ഇന്നലെ ചേര്ന്നിരുന്നു. സംസ്ഥാനത്ത് വാക്സിന് ക്ഷാമം രൂക്ഷമാണെന്നെന്നായിരുന്നു ആരോഗ്യമന്ത്രി വീണ ജോര്ജിന്റെ അധ്യക്ഷതയില് ചേര്ന്ന യോഗത്തിന്റെ വിലയിരുത്തല്. വാക്സിന് സ്റ്റോക്കുള്ള കേന്ദ്രങ്ങളില് പൂര്ണമായും നല്കി തീര്ക്കുന്നതാണ്. ഇക്കാര്യം കേന്ദ്ര ആരോഗ്യ മന്ത്രാലയത്തെ അറിയിക്കാനും എത്രയും വേഗം സംസ്ഥാനത്തിന് കേന്ദ്രം കൂടുതല് വാക്സിന് ലഭ്യമാക്കണമെന്നും ആവശ്യപ്പെടാനുമായിരുന്നു യോഗ തീരുമാനം. ഇതേ തുടര്ന്നാണ് കേരളത്തിലെ സ്ഥിതി ആരോഗ്യ വകുപ്പ് കേന്ദ്രത്തെ അറിയിച്ചത്.
വീണ്ടും ഹോട്ട് ലുക്കിൽ ആരാധകരെ ഞെട്ടിച്ച് അനു ഇമ്മാനുവൽ... വൈറലായി ചിത്രങ്ങൾ
വാക്സിനേഷന് വര്ധിപ്പിച്ച് പരമാവധി പേര്ക്ക് വാക്സിന് നല്കാനാണ് ഈ യജ്ഞത്തിലൂടെ ശ്രമിക്കുന്നതെന്നായിരുന്നു യോഗ ശേഷമുള്ള ആരോഗ്യമന്ത്രിയുടെ പ്രതികരണം. ഘട്ടം ഘട്ടമായിട്ടായിരിക്കും വാക്സിനേഷന് യജ്ഞം നടപ്പിലാക്കുക. ആദ്യ ഘട്ടത്തില് 60 വയസിന് മുകളില് പ്രായമുള്ള എല്ലാവര്ക്കും ആദ്യ ഡോസ് വാക്സിനെങ്കിലും നല്കുക എന്നതാണ് ലക്ഷ്യം. ഈ വിഭാഗത്തിലുള്ള 9 ലക്ഷത്തോളം ആള്ക്കാരാണ് ഇനി ആദ്യ ഡോസ് വാക്സിനെടുക്കാനുള്ളത്. അവര്ക്ക് ആഗസ്റ്റ് 15നുള്ളില് തന്നെ ആദ്യ ഡോസ് വാക്സിന് നല്കി തീര്ക്കാനും നിര്ദേശം നല്കി. പ്രതിദിനം 5 ലക്ഷത്തോളം പേര്ക്ക് വാക്സിന് നല്കാന് കഴിയുമെന്ന് സംസ്ഥാനം തെളിച്ചതാണ്. വാക്സിന് ലഭ്യമാകുന്ന മുറയ്ക്ക് രണ്ട് മൂന്ന് ദിവസത്തിനുള്ളില് ഈ വിഭാഗത്തിന് പൂര്ണമായും ആദ്യ ഡോസ് വാക്സിന് നല്കാന് സാധിക്കുന്നതാണ്. ഇതിനായി പ്രത്യേക പദ്ധതി തയ്യാറാക്കിയിട്ടുണ്ടെന്നും മന്ത്രി വീണാ ജോര്ജ് അറിയിച്ചു.
ഇതുവരെ എല്ലാ സ്രോതസ്സുകളിൽ നിന്നും 52.56 കോടിയിൽ അധികം (52,56,35,710) വാക്സിൻ ഡോസുകൾ സംസ്ഥാനങ്ങൾക്കും/കേന്ദ്രഭരണ പ്രദേശങ്ങൾക്കും നൽകിയെന്നാണ് കേന്ദ്ര ആരോഗ്യ വകുപ്പ് വ്യക്തമാക്കിയിരിക്കുന്നത്. കൂടാതെ, 48,43,100 ഡോസുകൾ കൂടി കേന്ദ്രം ഉടൻ കൈമാറും. ഇതിൽ പാഴായതുൾപ്പെടെ 51,09,58,562 ഡോസാണ് മൊത്തം ഉപഭോഗമായി കണക്കാക്കുന്നത് (ഇന്ന് രാവിലെ എട്ട് മണി വരെയുള്ള കണക്കുകൾ പ്രകാരം).
2.07 കോടിയിലധികം (2,07,55,852) കോവിഡ് വാക്സിൻ ഡോസുകൾ സംസ്ഥാനങ്ങളുടെയും കേന്ദ്രഭരണ പ്രദേശങ്ങളുടെയും സ്വകാര്യ ആശുപത്രികളുടെയും പക്കൽ ഇപ്പോഴും ലഭ്യമാണെന്നും കേന്ദ്ര ആരോഗ്യ മന്ത്രാലയം അറിയിച്ചു.
Recommended Video
അതേസമയം, ഇന്നലെ കേരളത്തില് 2,49,943 പേര്ക്കാണ് വാക്സിന് നല്കിയത്. സംസ്ഥാനത്ത് ഇതുവരെ ഒന്നും രണ്ടും ഡോസ് ചേര്ത്ത് ആകെ 2,20,88,293 പേര്ക്കാണ് വാക്സിന് നല്കിയത്. അതില് 1,56,63,417 പേര്ക്ക് ഒന്നാം ഡോസ് വാക്സിനും 64,24,876 പേര്ക്ക് രണ്ടാം ഡോസ് വാക്സിനുമാണ് നല്കിയത്. 2021-ലെ എസ്റ്റിമേറ്റ് ജനസംഖ്യ അനുസരിച്ച് 44.63 ശതമാനം പേര്ക്ക് ഒന്നാം ഡോസും 18.3 ശതമാനം പേര്ക്ക് രണ്ടാം ഡോസ് വാക്സിന് നല്കിയിട്ടുണ്ട്.
ഗ്ലാമറസ് ലുക്കില് ബിഗ് ബോസ് മലയാളം സീസണ് 3 താരം ഏഞ്ചല് തോമസ്
Click it and Unblock the Notifications
Sign in with Google