സിവിൽ സർവ്വീസ് പരീക്ഷയിൽ കേരളത്തിന്റെ അഭിമാനമായി സിദ്ധാർത്ഥും ഹംന അഷ്റഫും....
എറണാകുളം സ്വദേശി സിദ്ധാർത്ഥിന് 15ാം റാങ്കും, കോഴിക്കോട് സ്വദേശിനി ഹംന അഷ്റഫിന് 28ാം റാങ്കുമാണ് ലഭിച്ചത്.
തിരുവനന്തപുരം: സിവിൽ സർവ്വീസ് പരീക്ഷയിൽ തിളക്കാമർന്ന വിജയത്തോടെ മലയാളികളും. 15ാം റാങ്കോടെ എറണാകുളം സ്വദേശി ബി സിദ്ധാർത്ഥും, 28ാം റാങ്ക് നേടിയ കോഴിക്കോട് സ്വദേശിനി ഹംന അഷ്റഫുമാണ് കേരളത്തിന്റെ അഭിമാനമായി മാറിയത്.
എറണാകുളം കലൂർ കൈപ്പിള്ളി ലൈനിൽ താമസിക്കുന്ന ബി സിദ്ധാർത്ഥി കോതമംഗലം എംഎ എൻജിനീയറിംഗ് കോളേജിൽ നിന്നും ബിടെക്ക് ബിരുദം നേടിയ ശേഷമാണ് സിവിൽ സർവ്വീസ് പരീക്ഷയെഴുതിയത്. ഐഎഫ്എസിന് സിലക്ഷൻ ലഭിക്കുമെന്ന പ്രതീക്ഷയിലാണ് സിദ്ധാർത്ഥ്.
ദില്ലി സർവകലാശാലയിൽ നിന്നും ബിരുദവും ബിരുദാനന്തര ബിരുദവും നേടിയ കോഴിക്കോട് സ്വദേശിനിയായ ഹംന അഷ്റഫ് കോഴിക്കോട് ഫാറൂഖ് കോളേജിലെ ഇംഗ്ലീഷ് അധ്യാപികയാണ്. ഹംനയുടെ പിതാവ് ടി.പി അഷറഫും മാതാവ് ജൌഹറയും കോഴിക്കോട് മെഡിക്കല് കോളേജിലെ ഡോക്ടര്മാരാണ്. ജവഹർലാൽ നെഹ്രുവിന്റെ ആശയങ്ങളാണ് തന്നെ പ്രചോദിപ്പിക്കുന്നതായും, ഇന്ത്യൻ ഫോറിൻ സർവ്വീസിൽ ചേരാനാണ് താൽപര്യമെന്നും ഹംന മീഡിയവൺ ടിവിയ്ക്ക് നൽകിയ അഭിമുഖത്തിൽ വ്യക്തമാക്കി.
Click it and Unblock the Notifications
Sign in with Google