ശരിയാണ് പിണറായി... എല്ഡിഎഫ് വന്നപ്പോള്... അവസാന കമ്യൂണിസ്റ്റ് മുഖ്യമന്ത്രി... രൂക്ഷ പ്രതികരണം
കോഴിക്കോട്: ടിപി ചന്ദ്രശേഖരന് വധത്തിന്റെ ഓര്മയിലാണ് കേരളം. പ്രത്യയ ശാസ്ത്രം മാറിയതിന്റെ പേരില് കൊല്ലപ്പെട്ട നേതാവ്. എത്ര സോഷ്യലിസം വിളമ്പിയാലും സിപിഎം പോലൊരു ഗുണ്ടാ പാര്ട്ടിയില് നിന്ന് ഇതില്കൂടുതല് പ്രതീക്ഷിക്കരുത്. ടിപിയെ ഓര്ക്കുന്നവര് ഒരു കാര്യം കൂടി പ്രത്യേകം ഓര്ക്കണം. ടിപി കൊലക്കേസില് ശിക്ഷിക്കപ്പെട്ട പ്രതികള് എത്രകാലം ജയിലില് കഴിഞ്ഞെന്ന്.
ഓരോ പേരില് എല്ലാവരും ഇടക്കിടെ പുറത്തിറങ്ങി. ശരിയാണ് പിണറായി. എല്ഡിഎഫ് വന്നപ്പോള് ഇവരെ പോലുള്ള പാര്ട്ടി ക്രിമിനലുകള്ക്ക് എല്ലാം ശരിയായിക്കിട്ടി.... വളരെ രൂക്ഷമായ ഭാഷയിലാണ് കേന്ദ്രമന്ത്രിയും ബിജെപി നേതാവുമായി വി മുരളീധരന് പ്രതികരിച്ചത്. അദ്ദേഹത്തിന്റെ കുറിപ്പിന്റെ പൂര്ണ രൂപം ഇങ്ങനെ....
ഓര്മദിനമാണിന്ന്
ടി.പി.ചന്ദ്രശേഖരന്റെ ഓര്മദിനമാണിന്ന്. ജരാനരകള് ബാധിച്ച് , സാധാരണ മരണമായിരുന്നില്ല ആ മനുഷ്യന്റേത്. ഇരുട്ടിന്റെ മറവില് 51 വെട്ടിന് സിപിഎം ഗുണ്ടകള് അവസാനിപ്പിച്ച ജീവിതം. പാളയത്തില് നിന്ന് പുറത്തുപോയവനെ പതുങ്ങിയിരുന്ന് വകവരുത്തിയതിന്റെ വാര്ഷികം.
എന്തൊക്കെ പ്രത്യയ ശാസ്ത്രം വിളമ്പിയാലും, എത്രയൊക്കെ സോഷ്യലിസം സുവിശേഷിച്ചാലും സിപിഎം പോലൊരു ഗുണ്ടാ പാര്ട്ടിയില് നിന്ന് ഇതില്ക്കൂടുതല് ഒന്നും പ്രതീക്ഷിക്കേണ്ട.
ഒന്നുകൂടി ഓര്ക്കണം
ടി.പി ചന്ദ്രശേഖരന്റെ ചരമവാര്ഷികം ആചരിക്കുന്നവര് ഒന്നുകൂടി ഓര്ക്കണം. ഈ കേസില് ശിക്ഷിക്കപ്പെട്ട പ്രതികള് എത്രകാലം ജയിലില്ക്കിടന്നെന്ന്. ഭരണത്തിന്റെ മറവില് കൊടി സുനിയടക്കമുളളവര് എത്ര തവണ പരോളിലിറങ്ങിയെന്ന്. ജയിലില്ക്കഴിയുന്ന കുഞ്ഞനന്തനെപ്പോലുളളവര്ക്കായി രോഗത്തിന്റെ പേരു പറഞ്ഞ് സര്ക്കാര് തന്നെ എത്ര തവണ നിയമത്തിന്റെ നട്ടെല്ലൊടിച്ചെന്ന്! ശരിയാണ് പിണറായി, എല് ഡി എഫ് വന്നപ്പോള്, ഇവരെപ്പോലുളള പാര്ട്ടി ക്രിമിനലുകള്ക്ക് എല്ലാം ശരിയായിക്കിട്ടി.
ചന്ദ്രശേഖരന് മാത്രമല്ല
ടി.പി ചന്ദ്രശേഖരന് മാത്രമല്ല, പതിറ്റാണ്ടുകളായി സിപിഎം ഗുണ്ടകള് അവസാനിപ്പിച്ച എത്രയോ ജീവിതങ്ങളുണ്ട്. ക്ലാസ് മുറിയില് പിഞ്ചു കുഞ്ഞുങ്ങളുടെ മുന്നിലിട്ടാണ് ജയകൃഷ്ണന് മാസ്റ്ററെ വെട്ടിക്കൊലപ്പെടുത്തിയത്. പാര്ട്ടി ഗുണ്ടകള്ക്കൊപ്പം സിപിഎമ്മിന്റെ സൈബര് ഗൂണ്ടകള് കൂടി പിണറായി ഭരണത്തില് കൊലക്കത്തിയുമായി 51 വെട്ടിനൊരുങ്ങി നില്പ്പുണ്ടെന്ന് മറക്കരുത്.
ആക്രമിച്ച് ഒറ്റപ്പെടുത്താന്
എതിര്ത്ത ടി.പിയെപ്പോലുളളവരെ കൊലക്കത്തികൊണ്ടാണ് നേരിട്ടിരുന്നതെങ്കില്, ഇപ്പോള് സൈബറിടങ്ങളെക്കൂടി ഭീഷണിക്കും ശത്രുനിഗ്രഹത്തിനും ഉപയോഗിക്കുന്നു. അതുകൊണ്ടാണല്ലോ നിര്ബന്ധിത സാലറി കട്ടിനുളള ഉത്തരവ് കത്തിച്ച് പ്രതിഷേധിച്ച അധ്യാപകരെ സൈബറിടത്തില് ആക്രമിച്ച് ഒറ്റപ്പെടുത്താന് നോക്കിയത്.
സിപിഎം മാറിയിട്ടില്ല
കാലം എത്ര മാറിയാലും സിപിഎം മാറിയിട്ടില്ല . ഇതിന്റെ തെളിവാണ് ആര്ത്തിപ്പണ്ടാരങ്ങള് എന്ന് അധ്യാപകരെ മന്ത്രി കടകംപള്ളി സുരേന്ദ്രന് പരസ്യമായി വിളിച്ചധിക്ഷേപിച്ചതിലൂടെ പുറത്തുവരുന്നത്. ഇത് ഫാസിസ്റ്റ് ഭരണമല്ലെന്ന് പിണറായി വിജയന് ഓര്ക്കണം. വിയോജിപ്പുളളവര്ക്ക് പരസ്യമായി പ്രതിഷേധിക്കാന് അവകാശമുളള നാടാണിത്. സിഎഎ ക്കെതിരായ പ്രതിഷേധത്തില് പൗരത്വബില് കത്തിച്ച് പ്രതിഷേധിച്ച സിപിഎമ്മാണ് , ശമ്പളം പിടിക്കുന്നതിനോട് വിയോജിച്ച അധ്യാപകരെ അടച്ചാക്ഷേപിക്കുന്നത്.
താങ്കള് കൂടി ഉത്തരവാദിയാണ്
സിപിഎമ്മിനുണ്ടായ ഈ അധപതനത്തിന് പിണറായി വിജയന്, താങ്കള് കൂടി ഉത്തരവാദിയാണ്.എല്ലാത്തിനുമുളള മറുപടി കാലം നല്കുമെന്നതാണ് ചരിത്രം. അവസാനത്തെ കമ്യൂണിസ്റ്റ് മുഖ്യമന്ത്രിയെന്ന ചരിത്രത്തിലേക്കാണ് താങ്കള് നീങ്ങുന്നത് !
-
രാജീവ് ഗാന്ധിയുടെ സോറി- ‘ഡീൽ’ ആരോപണം ചൂടുപിടിക്കുമ്പോൾ മൂന്നര പതിറ്റാണ്ടിനിപ്പുറവും ലൈവായി ‘കോലീബി സഖ്യം’ -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം
Click it and Unblock the Notifications
Sign in with Google