കുട്ടികള്ക്കിടെയിലെ രോഗവ്യാപനം: അപായസൂചനകള് അവഗണിക്കരുത്, ആശങ്ക വേണ്ടെന്ന് മന്ത്രി
തിരുവനന്തപുരം: സംസ്ഥാനത്തെ കുട്ടികള്ക്കിടെയില് പനി ഉള്പ്പടെയുള്ള രോഗങ്ങള് വര്ദ്ധിക്കുന്ന സാഹചര്യത്തില് ആശങ്ക വേണ്ടെന്ന് ആരോഗ്യമന്ത്രി വീണ ജോര്ജ് അറിയിച്ചു. എന്നാല് അപായ സൂചനകള് അവഗണിക്കരുതെന്ന് മന്ത്രി ഫേസ്ബുക്കില് കുറിച്ചു. ശ്വാസംമുട്ടല്, കഫത്തില് രക്തം, അസാധാരണ മയക്കം, തളര്ച്ച, നാക്കിലോ ചുണ്ടിലോ നഖത്തിലോ നീലനിറം, ശക്തിയായ പനി, അതിയായ തണുപ്പ്, ജെന്നി, ക്രമത്തില് കൂടുതല് വേഗതയിലുള്ള ശ്വാസമെടുപ്പ് എന്നീ അപായ സൂചനകള് കണ്ടാല് ഉടന്തന്നെ കുട്ടിയ്ക്ക് ചികിത്സ ഉറപ്പാക്കേണ്ടതാണെന്നും മന്ത്രി അറിയിച്ചു. മന്ത്രിയുടെ വാക്കുകളിലേക്ക്...
പനി, ജലദോഷം, ചുമ തുടങ്ങിയവ ബാധിച്ച കുട്ടികള്ക്ക് വീണ്ടും അവ വരുന്നതില് ആശങ്ക വേണ്ട. എങ്കിലും കുട്ടികളായതിനാല് ശ്രദ്ധ വേണം. നിരീക്ഷണം ശക്തമാക്കാന് ആരോഗ്യ വകുപ്പ് ജില്ലകള്ക്ക് നിര്ദേശം നല്കിയിട്ടുണ്ട്. ട്രെന്ഡ് നിരന്തരം വിലയിരുത്തി വരുന്നു. ഐ.എല്.ഐ., എസ്.എ.ആര്.ഐ. എന്നിവയുടെ പര്യവേഷണം മുഖേന ഇത് നിരിക്ഷിച്ചു വരുന്നു. ഏതെങ്കിലും ജില്ലയിലോ പ്രദേശത്തോ രോഗത്തിന്റെ വര്ധനവുണ്ടായാല് റിപ്പോര്ട്ട് ചെയ്യാനും പ്രതിരോധം ശക്തമാക്കാനും നിര്ദേശം നല്കി. വിദ്യാഭ്യാസ വകുപ്പുമായി സഹകരിച്ച് സ്കൂളുകള് വഴി അവബോധം നല്കാനും ലക്ഷ്യമിടുന്നത്.
കുട്ടികള്ക്കുണ്ടാകേണ്ട പ്രതിരോധ ശേഷിയില് കോവിഡ് കാലത്ത് ഏറ്റക്കുറച്ചിലുകളുണ്ടാകാന് സാധ്യതയുണ്ട്. ഇമ്മ്യൂണിറ്റി ഡെബ്റ്റ് എന്നാണ് ഇതിനെ അറിയപ്പെടുന്നത്. ആഗോളതലത്തില് തന്നെ ഈയൊരു ഇമ്മ്യൂണിറ്റി ഡെബ്റ്റ് കാണപ്പെടുന്നുണ്ട്. കുട്ടികളില് വൈറസ് മൂലമുള്ള ശ്വാസകോശ രോഗങ്ങളുടെ വര്ധന ലോകത്തെമ്പാടും രേഖപ്പെടുത്തിയിട്ടുണ്ട്. ഇതുതന്നെയാണ് ഇവിടേയുമുണ്ടായത്. ശ്വാസകോശ അണുബാധ ശരിയായ വിധത്തില് ചികിത്സിച്ചില്ലെങ്കില് കുട്ടികള്ക്ക് ന്യുമോണിയ ഉണ്ടാകാനുള്ള സാധ്യതയുമുണ്ട്. അതിനാല് അപായ സൂചനകള് കണ്ടാല് എത്രയും വേഗം ചികിത്സ തേടേണ്ടതാണ്.
അപായ സൂചനകള്
ശ്വാസംമുട്ടല്, കഫത്തില് രക്തം, അസാധാരണ മയക്കം, തളര്ച്ച, നാക്കിലോ ചുണ്ടിലോ നഖത്തിലോ നീലനിറം, ശക്തിയായ പനി, അതിയായ തണുപ്പ്, ജെന്നി, ക്രമത്തില് കൂടുതല് വേഗതയിലുള്ള ശ്വാസമെടുപ്പ് എന്നീ അപായ സൂചനകള് കണ്ടാല് ഉടന്തന്നെ കുട്ടിയ്ക്ക് ചികിത്സ ഉറപ്പാക്കേണ്ടതാണ്.
ശ്വാസമെടുപ്പ് ശ്രദ്ധിക്കണം
ശ്വാസമെടുപ്പിലൂടെയും അപായ സൂചന കണ്ടെത്താം. രണ്ട് മാസത്തിന് താഴെയുള്ള കുട്ടികള്ക്ക് 60ന് മുകളിലും, 2 മാസം മുതല് 1 വയസുവരെ 50ന് മുകളിലും 1 വയസുമുതല് 5 വയസുവരെ 40ന് മുകളിലും 5 വയസുമുതലുള്ള കുട്ടികള് 30ന് മുകളിലും ഒരു മിനറ്റില് ശ്വാസമെടുക്കുന്നതു കണ്ടാല് ഡോക്ടറെ കാണിക്കേണ്ടതാണ്. കുട്ടി ഉറങ്ങുമ്പോഴോ, സ്വസ്ഥമായി ഇരിക്കുമ്പോഴോ ആണ് ഇതു നോക്കേണ്ടത്.
കുട്ടികള് ശ്രദ്ധിക്കേണ്ടത്
മാസ്ക് കൃത്യമായി ധരിക്കണം
ചുമ, തുമ്മല് ഉണ്ടെങ്കില് തൂവാല ഉപയോഗിക്കണം
കൈ കഴുകുന്നത് ശീലമാക്കണം
രക്ഷിതാക്കള് അറിയേണ്ടത്
രോഗലക്ഷണങ്ങള് ഉണ്ടെങ്കില് കുട്ടികളെ സ്കൂളില് വിടരുത്
കുട്ടികള്ക്ക് ഇഷ്ടമുള്ള പോഷകാഹാരം, പാനീയം എന്നിവ നല്കണം
തണുത്ത ആഹാരമോ പാനീയമോ നല്കരുത്
ആഹാരം അളവ് കുറച്ച് കൂടുതല് തവണ നല്കുക
പോഷണഗുണമുള്ള ചൂടുപാനീയങ്ങള് നല്കണം (ഉദാ: ചൂട് കഞ്ഞിവെള്ളത്തില് ചെറുനാരങ്ങ, ഉപ്പ് എന്നിവ ചേര്ത്ത് നല്കാം)
പപ്പായ, മാങ്ങ തുടങ്ങി ലഭ്യമായ പഴങ്ങള് നല്കണം
രോഗലക്ഷണങ്ങള് നിരീക്ഷിക്കണം
അപായ സൂചനകള് കണ്ടാല് ഡോക്ടറെ കാണണം
കൃത്യമായി മരുന്ന് നല്കണം
-
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ?
Click it and Unblock the Notifications
Sign in with Google