'കമ്മീഷന് പറഞ്ഞതിലും കൂടുതല് വെട്ടിമാറ്റി കൃത്രിമത്വം നടത്തിയത് ആരെ രക്ഷിക്കാൻ'; ചോദ്യങ്ങളുമായി വിഡി സതീശൻ
മലപ്പുറം: ഹേമ കമ്മിറ്റി റിപ്പോർട്ടിൽ സർക്കാരിനെ അതിരൂക്ഷമായി വിമർശിച്ച് പ്രതിപക്ഷ നേതാവ് വിഡി സതീശൻ. ആരോപണവിധേയരെ രക്ഷിക്കാനുള്ള ശ്രമത്തിൽ സർക്കാർ ഒന്നാം പ്രതിയാകുന്ന ദാരുണമായ കാഴ്ചയാണ് ഇപ്പോൾ ഉണ്ടാകുന്നതെന്ന് അദ്ദേഹം കുറ്റപ്പെടുത്തി. യഥാർത്ഥ കുറ്റവാളികൾ ആരാണെന്ന് സർക്കാർ മറച്ചുവെക്കുന്നതിനാൽ നിരപരാധികൾ പോലും സമൂഹത്തിന് മുൻപിൽ അപമാനിക്കപ്പെടുകയാണെന്നും വിഡി സതീശൻ പറഞ്ഞു. മലപ്പുറം പുത്തനത്താണിയിൽ മാധ്യമങ്ങളോട് സംസാരിക്കവേയാണ് അദ്ദേഹത്തിന്റെ പ്രതികരണം.
സർക്കാരിന് മുൻപിൽ അഞ്ച് ചോദ്യങ്ങളും സതീശൻ ഉന്നയിച്ചു. തന്റെ ചോദ്യങ്ങൾക്ക് കൃത്യമായ മറുപടി നല്കാന് മുഖ്യമന്ത്രി തയാറാകണമെന്നും അദ്ദേഹം ആവശ്യപ്പെട്ടു.
1. കുറ്റകൃത്യങ്ങളുടെ പരമ്പര നടന്നെന്നു വ്യക്തമാക്കുന്ന ഹേമ കമ്മിറ്റി റിപ്പോര്ട്ടില് എന്തുകൊണ്ടാണ് സര്ക്കാര് അന്വേഷണം നടത്താത്തത്?
2. ഭാരതീയ നാഗരിക് സുരക്ഷാ സംഹിതയുടെ 176 (1) വകുപ്പും ഭാരതീയ ന്യായ സംഹിതയുടെ 199 (സി) വകുപ്പും പോക്സോ ആക്ടിലെ 21 വകുപ്പും അനുസരിച്ച് സ്ത്രീകള്ക്കും കുട്ടികള്ക്കും എതിരായ ലൈംഗിക അതിക്രമങ്ങള് മറച്ചു വയ്ക്കുന്നത് കുറ്റകരമാണ്. എന്നിട്ടും എന്തുകൊണ്ടാണ് നടപടി സ്വീകരിക്കാത്തത്?
3. ഹേമ കമ്മിറ്റി റിപ്പോര്ട്ട് വിവരാവകാശ നിയമപ്രകാരം നല്കിയപ്പോള് സംസ്ഥാന വിവരാവകാശ കമ്മിഷന് പറഞ്ഞതിലും കൂടുതല് പേജുകളും ഖണ്ഡികകളും സര്ക്കാര്
കാട്ടിയത് ആരെ രക്ഷിക്കാനാണ്?
4. സിനിമ മേഖലയിലെ സ്ത്രീകള് നേരിടുന്ന കൊടും ക്രൂരതകള്ക്കൊപ്പം മയക്കുമരുന്നിന്റെയും മറ്റ് ലഹരി പദാര്ഥങ്ങളുടെയും അനിയന്ത്രിത ഉപയോഗവും അതുണ്ടാക്കുന്ന ഭീകരാവസ്ഥയെ കുറിച്ചും ഹേമ കമ്മിറ്റി റിപ്പോര്ട്ടില് പറയുന്നുണ്ട്. സര്ക്കാര് എന്ത് നടപടി സ്വീകരിച്ചു?
5. എന്തുകൊണ്ടാണ് സര്ക്കാര് സ്ത്രീ വിരുദ്ധ നിലപാട് സ്വീകരിച്ചിരിക്കുന്നത്?, സതീശൻ ചോദിച്ചു.
ഹേമകമ്മിറ്റി റിപ്പോർട്ടിൽ തുടർനടപടികൾ വേണമെന്ന് നേരത്തേ കെ സുധാകരനും ആവശ്യപ്പെട്ടിരുന്നു. പ്രായപൂർത്തിയാകാത്ത പെൺകുട്ടികളടക്കംം നേരിടുന്ന വലിയ അവഗണനകളുടെയും, പീഡനങ്ങളുടെയും അത്യന്തം ഗുരുതരമായ വെളിപ്പെടുത്തലുകൾ അടങ്ങിയ റിപ്പോർട്ട് ഇത്രയും കാലം മൂടിവച്ചത് ഒരു രീതിയിലും നീതീകരിക്കാനാവുന്നതല്ല. മൂന്നാംകിട ഗുണ്ടായിസം മാത്രം അറിയാവുന്നൊരു മുഖ്യമന്ത്രി നയിക്കുന്ന ഭരണസംവിധാനത്തിൽ ഇത്രയും മികച്ച രീതിയിൽ തയ്യാറാക്കിയ റിപ്പോർട്ട് താങ്കൾക്ക് സമർപ്പിക്കേണ്ടി വന്നതിൽ ഞങ്ങൾക്ക് വിഷമമുണ്ട്.വിജയൻ എത്ര തന്നെ സംരക്ഷിച്ചു പിടിക്കാൻ ശ്രമിച്ചാലും, 2026-ൽ അധികാരത്തിൽ വരുന്ന കോൺഗ്രസ് സർക്കാർ കുറ്റക്കാർക്കെതിരെ കർശന നടപടികൾ സ്വീകരിക്കുമെന്ന് ജനങ്ങൾക്ക് ഞങ്ങൾ വാക്ക് നൽകുന്നുവെന്നായിരുന്നു സുധാകന്റെ പ്രതികരണം.
Click it and Unblock the Notifications
Sign in with Google