വിവാഹിത യുവാവിനൊപ്പം ഒളിച്ചോടി, പൊലീസ് സ്റ്റേഷനിലെത്തിയപ്പോള് മനംമാറ്റം; പിന്നീട് സംഭവിച്ചത്...
കോഴിക്കോട്: തിരുവനന്തപുരത്ത് നിന്ന് കാണാതായ യുവതിയെ കോഴിക്കോട് കണ്ടെത്തി. കാമുകനൊപ്പം കോഴിക്കോട് സ്റ്റേഷനിലാണ് യുവതി ഹാജരായത്. എന്നാല് ഇതിന് പിന്നാലെ നടന്ന സംഭവങ്ങള് പൊലീസിനെ വലയ്ക്കുകയും ചെയ്തു.
വിവാഹിതയും അഞ്ച് വയസുള്ള കുട്ടിയുടെ അമ്മയുമായ തിരുവനന്തുരം സ്വദേശിയായ യുവതിയാണ് മലപ്പുറം ജില്ലയിലെ നിലമ്പൂര് കരുളായി സ്വദേശിയായ യുവാവിനൊപ്പം ഒളിച്ചോടിയത്. വാട്സാപ്പ് ഗ്രൂപ്പിലൂടെ ആണ് ഇരുവരും തമ്മില് പരിചയത്തിലായത്.
യുവതിയെ കാണാനില്ല എന്ന പരാതി വ്യാഴാഴ്ച തന്നെ ബന്ധുക്കള് തിരുവനന്തപുരം പൊലീസ് സ്റ്റേഷനില് നല്കിയിരുന്നു. ഇത് പ്രകാരം മിസ്സിംഗ് കേസും രജിസ്റ്റര് ചെയ്തിരുന്നു. ഈ കേസില് അന്വേഷണം നടക്കുന്നതിനിടെ ആണ് യുവതിയും യുവാവും കോഴിക്കോട് പൊലീസ് സ്റ്റേഷനില് എത്തുന്നത്. കോഴിക്കോട് സിറ്റി വനിതാ പൊലീസ് സ്റ്റേഷനില് ആണ് ഇരുവരും എത്തിയത്.
ഇന്നലെ രാത്രിയോടെ ആണ് ഇരുവരും കോഴിക്കോട് സിറ്റി വനിതാ പൊലീസ് സ്റ്റേഷനില് എത്തിയത്. തങ്ങള് ഒരുമിച്ച് ജീവിക്കാന് തീരുമാനിച്ചു എന്ന് ഇരുവരും പൊലീസ് സ്റ്റേഷനില് അറിയിച്ചു. എന്നാല് തിരുവനന്തപുരത്ത് മിസ്സിംഗ് കേസുള്ളതിനാല് യുവതിയെ കസ്റ്റഡിയില് വെക്കാനായിരുന്നു പൊലീസ് തീരുമാനം. ഇതിന് പിന്നാലെയാണ് പൊലീസ് സ്റ്റേഷനില് അസാധാര സംഭവങ്ങള് അരങ്ങേറിയത്.
ദ്വയാര്ത്ഥ തമാശകള് ആസ്വദിക്കുന്നവരുമുണ്ട്... എനിക്ക് അങ്ങനെയുള്ള പ്രേക്ഷകരെ മതി; സംവിധായകന്
യുവാവിനൊപ്പം മലപ്പുറത്തെ വീട്ടിലേക്ക് പോകുന്നതിനെ ചൊല്ലി ഇരുവരും തമ്മില് തര്ക്കമായി. പിന്നാലെ യുവാവിനൊപ്പം പോകുന്നില്ല എന്ന് യുവതി അറിയിച്ചു. ഇതോടെ യുവവ് അടുത്തുള്ള കടയില് പോയി ബ്ലേഡ് വാങ്ങി കൊണ്ടുവന്നു. ശേഷം ബ്ലേഡെടുത്ത് യുവാവ് കൈഞരമ്പ് മുറിക്കുകയും ചെയ്തു.
'നിരപരാധിയെന്ന് തെളിയിക്കാന് ദിലീപിന് വീണ്ടും അവസരം കിട്ടിയില്ലേ... തിരിച്ചടിയല്ല'; സജി നന്ത്യാട്ട്
യുവാവിനെ ഉടന് തന്നെ പൊലീസുകാര് ചേര്ന്ന് ആശുപത്രിയിലെത്തിച്ചു. അതേസമയം യുവാവിന്റെ മുറിവ് ഗുരുതരമല്ലെന്ന് പൊലീസ് അറിയിച്ചു. സ്റ്റേഷനിലെത്തിയപ്പോള് യുവതിക്ക് മനം മാറ്റമുണ്ടായതാണ് യുവാവിനെ പ്രകോപിപ്പിച്ചത് എന്നാണ് പൊലീസ് പറയുന്നത്.