തൃശൂരില് മരിച്ച യുവാവിന് വിദേശത്ത് നടത്തിയ പരിശോധനയില് മങ്കി പോക്സ്: ഉന്നതതല അന്വേഷണം നടത്തും
പത്തനംതിട്ട: തൃശൂരില് മരിച്ച യുവാവിന് വിദേശത്ത് നടത്തിയ പരിശോധനയില് മങ്കി പോക്സ് സ്ഥിരീകരിച്ചിരുന്നെന്ന് ആരോഗ്യമന്ത്രി വീണ ജോര്ജ് അറിയിച്ചു. യുവാവ് ചികിത്സ തേടിയത് കടുത്ത ക്ഷീണവും മസ്തിഷ്ക ജ്വരവും ബാധിച്ചാണ്. 21 ാം തീയതിയാണ് യുവാവ് നാട്ടിലെത്തിയത്. എന്തുകൊണ്ടാണ് ചികിത്സ തേടാന് വൈകിയത് എന്ന് സംബന്ധിച്ച് അന്വേഷിക്കുമെന്നും വീണ ജോര്ജ് അറിയിച്ചു.
മങ്കി പോക്സ് മൂലം സാധാരണഗതിയില് മരണമുണ്ടാകാനുള്ള സാധ്യതില്ല. കേരളത്തില് എത്തിയ യുവാവ് കുടുംബാംഗങ്ങള്ക്കൊപ്പമാണ് കഴിഞ്ഞത്. 27ന് മാത്രമാണ് ഇയാള് ആശുപത്രിയില് എത്തിയത്. എന്തുകൊണ്ടാണ് ആശുപത്രിയില് ചികിത്സ തേടാന് വൈകിയ കാര്യം അന്വേഷിക്കും. യുവാവിന്റെ സാമ്പിള് ഒരിക്കല് കൂടി ആലപ്പുഴ വൈറോളജി ലാബില് പരിശോധിക്കുമെന്നും ആരോഗ്യമന്ത്രി വ്യക്തമാക്കി.
വ്യാപനശേഷി കുറവാണെങ്കിലും പകര്ച്ചവ്യാധിയായതിനാല് ഒരു രോഗം പകരാതിരിക്കാന് സ്വീകരിക്കുന്ന എല്ലാ പ്രതിരോധമാര്ഗങ്ങളും പാലിക്കേണ്ടതാണ്. മങ്കിപോക്സിന്റെ മരണനിരക്കും താരതമ്യേന കുറവാണ്. മറ്റ് ആരോഗ്യപ്രശ്നങ്ങളൊന്നും ഇല്ലാതിരുന്ന ഇരുപത്തിരണ്ടുകാരന്റെ മരണം എന്തുകൊണ്ട് സംഭവിച്ചു എന്നതില് വിശദമായ പരിശോധന നടത്തും. എന്തുകൊണ്ടാണ് ഇത്രദിവസം ആശുപത്രിയില് എത്താതിരുന്നത് എന്നതും പരിശോധിക്കുമെന്നും മന്ത്രി വ്യക്തമാക്കി.
അതേസമയം, രാജ്യത്ത് ആദ്യമായി മങ്കിപോക്സ് സ്ഥിരീകരിച്ച് തിരുവനന്തപുരം മെഡിക്കല് കോളേജ് ആശുപത്രിയില് ചികിത്സയില് കഴിഞ്ഞ കൊല്ലം സ്വദേശി (35) രോഗമുക്തി നേടി. ആദ്യ കേസായതിനാല് എന്ഐവിയുടെ നിര്ദേശ പ്രകാരം 72 മണിക്കൂര് ഇടവിട്ട് രണ്ട് പ്രാവശ്യം പരിശോധനകള് നടത്തി. എല്ലാ സാമ്പിളുകളും രണ്ട് പ്രാവശ്യം നെഗറ്റീവായി. രോഗി മാനസികമായും ശാരീരികമായും പൂര്ണ ആരോഗ്യവാനാണ്. ത്വക്കിലെ തടിപ്പുകള് പൂര്ണമായി ഭേദമായിട്ടുണ്ട്.
ഹിമാചലില് ന്യൂ ജനറേഷന് ഫ്രീക്കത്തിയായി അനശ്വര; ചിത്രങ്ങള് പൊളിച്ചെന്ന് സോഷ്യല് മീഡിയ
കഴിഞ്ഞ 12ന് യുഎഇയില് നിന്നും വന്ന യുവാവിന് 14നാണ് മങ്കി പോക്സ് സ്ഥിരീകരിച്ചത്. രോഗം സംശയിച്ചപ്പോള് തന്നെ മന്ത്രിയുടെ നേതൃത്വത്തില് അവലോകന യോഗങ്ങള് ചേര്ന്ന് പ്രതിരോധ പ്രവര്ത്തനങ്ങള് ശക്തമാക്കിയിരുന്നു. എല്ലാ ജില്ലകള്ക്കും ജാഗ്രതാ നിര്ദേശം നല്കി. ഇദ്ദേഹവുമായി പ്രാഥമിക സമ്പര്ക്കപ്പട്ടികയിലുള്ള കുടുംബാംഗങ്ങളുടെ ഫലവും നെഗറ്റീവ് ആണ്. നിലവില് മങ്കിപോക്സ് സ്ഥിരീകരിച്ച മറ്റ് രണ്ട് പേരുടെ ആരോഗ്യ നില തൃപ്തികരമായി തുടരുന്നു. പ്രതിരോധ പ്രവര്ത്തനങ്ങള് ശക്തമായി തുടരുമെന്നും മന്ത്രി പറഞ്ഞു.
ഓഫീസുകളില് ഈ വര്ഷം 25 ക്രഷുകള്: മന്ത്രി വീണാ ജോര്ജ്
തിരുവനന്തപുരം: 'തൊഴിലിടങ്ങളില് ശിശു പരിപാലന കേന്ദ്രം' എന്ന പദ്ധതിയുടെ ആദ്യഘട്ടമായി സര്ക്കാര്, പൊതുമേഖല ഓഫീസുകളില് വനിത ശിശുവികസന വകുപ്പിന്റെ ആഭിമുഖ്യത്തില് ഈ വര്ഷം 25 ക്രഷുകള് ആരംഭിക്കുമെന്ന് ആരോഗ്യ വനിത ശിശു വികസന വകുപ്പ് മന്ത്രി വീണാ ജോര്ജ്. ഇതിലേയ്ക്കായി ക്രഷ് ഒന്നിന് 2 ലക്ഷം രൂപ വിതം ആകെ 50 ലക്ഷം രൂപ നടപ്പ് സാമ്പത്തിക വര്ഷം അനുവദിച്ചു കഴിഞ്ഞു. സര്ക്കാരിന്റെ കീഴിലുള്ള വിവിധ വകുപ്പുകള് പ്രവര്ത്തിക്കുന്നതും 50ല് അധികം ജീവനക്കാര് ജോലിചെയ്യുന്നതുമായ ഓഫീസ് സമുച്ചയങ്ങളിലാണ് ക്രഷ് സൗകര്യങ്ങള് ഏര്പ്പെടുത്തുന്നതിന് നടപടികള് സ്വീകരിച്ചത്. എല്ലാ ജില്ലകളിലും ഈ പദ്ധതി വ്യപിപ്പിക്കുന്നതാണെന്ന് മന്ത്രി വ്യക്തമാക്കി.
ഇത്തരത്തില് ആരംഭിക്കുന്ന ക്രഷില് ആവശ്യമായ ഫ്രിഡ്ജ്, വാഷിംഗ് മെഷീന്, ഗ്യാസ് സ്റ്റൗ, ഗ്യാസ് കണക്ഷന്, ശിശു സൗഹൃദ ഫര്ണിച്ചറുകള്, പാചകത്തിനുള്ള പാത്രങ്ങള്, ബ്രെസ്റ്റ് ഫീഡിംഗ് സ്പേസുകള്, ക്രാഡില്സ്, ബേബി മോണിറ്ററിംഗ് ഉപകരണങ്ങള്, മെത്ത, കളിപ്പാട്ടങ്ങള്, ബെഡ്ഷീറ്റ്, പായ, ബക്കറ്റ്, മോപ്പുകള്, മറ്റ് ക്ലീനിംഗ് ഉപകരണങ്ങള്, ഷീറ്റുകള് എന്നിവ വാങ്ങുന്നതിന് ആവശ്യമായ തുക ജില്ല വനിത ശിശു വികസന ഓഫീസര്മാര്ക്ക് അനുവദിച്ചിട്ടുണ്ട്.
Click it and Unblock the Notifications
Sign in with Google