അവിഹിത ബന്ധം: കാമുകന്‍ യുവതിയെ കൊന്നു

കുമളി: ആറ്റിങ്ങല്‍ കൊലയ്ക്ക് പിന്നാലെ കേരളത്തില്‍ അവിഹിത ബന്ധങ്ങളെ തുടര്‍ന്നുള്ള കൊലപാതക സംഭവങ്ങളും തുടരുന്നു. കഴിഞ്ഞ ദിവസം കൊല്ലത്ത് കാമുകിയെ മണ്ണെണ്ണയൊഴിച്ചു കൊന്നതും വാര്‍ത്തയായിരുന്നു. ഇപ്പോഴിതാ കുമളിയില്‍ നാട്ടുകാര്‍ നോക്കി നില്‍ക്കെ നടുറോഡില്‍ യുവതിയെ കാമുകന്‍ കഴുത്തറുത്ത് കൊന്നു. ശേഷം വിഷം കഴിച്ച് ആത്മഹത്യ ചെയ്യാന്‍ ശ്രമിച്ച ഇയാളെ നാട്ടുകാര്‍ പിടികൂടി പൊലീസില്‍ ഏല്‍പ്പിച്ചു.

കുമളി ബസ്റ്റാന്റില്‍ രാവിലെ ഏട്ടേ കാലോടെയാണ് സംഭവം. 25കാരിയായ തമിഴ്‌നാട് സ്വദേശി അന്ന ലക്ഷ്മിയാണ് കാമുകന്‍ മണികണ്ഠ(28)നാല്‍ കൊല ചെയ്യപ്പെട്ടത്. കൂലിപ്പണിക്കാരായ ഇരുവരും കുമളിയില്‍ ജോലിക്കെത്തിയതായിരുന്നു.

നേരത്തെ വേറെ വേറെ വിവാഹം കഴിച്ച ഇരുവും കുറച്ചുനാളായി ഒരുമിച്ചായിരുന്നു താമസം. എന്നാല്‍ ഈ ബന്ധം അന്നയുടെ വീട്ടുകാര്‍ എതിര്‍ത്തതിനെ തുടര്‍ന്ന് കഴിഞ്ഞ ദിവസം ഇവര്‍ വീട്ടിലേക്ക് തിരികെ വന്നു. ഇതിനെച്ചൊല്ലിയുള്ള വഴക്കാണ് കൊലപാതകത്തില്‍ കലാശിച്ചത്. അന്നലക്ഷ്മി മറ്റൊരാളുമായി അടുപ്പത്തിലാണെന്ന സംശയമാണ് മണികണ്ടനെ കൊലചയ്യാന്‍ പ്രേരിപ്പിച്ചതെന്നും റിപ്പോര്‍ട്ടുകളുണ്ട്.

ബസ് സ്റ്റാന്റില്‍ വച്ച് ഇരുവരും തമ്മില്‍ വാക്കേറ്റമുണ്ടായി. തുടര്‍ന്ന് കയ്യിലുണ്ടായിരുന്ന കത്തിയെടുത്ത് മണികണ്ഠന്‍ അന്നയുടെ കഴുത്തറുക്കുകയും പിന്നീട് തുടരെ തുടരെ കുത്തുകയും ചെയ്തു. ശേഷം വിഷം കഴിച്ച് ആത്മഹത്യ ചെയ്യാന്‍ ശ്രമിച്ച ഇയാളെ നാട്ടുകാര്‍ പിടികൂടി പൊലീസില്‍ ഏല്‍പ്പിച്ചു.

സംഭവസ്ഥലത്തു തന്നെ മരിച്ച അന്ന ലക്ഷ്മിയെ പൊലീസ് എത്തിയാണ് ആശുപത്രിയിലേക്ക് മാറ്റിയത്. മൃതദേഹം ഇപ്പോള്‍ കുമളി താലൂക്ക് ആശുപത്രിയില്‍ സൂക്ഷിച്ചിരിക്കുകയാണ്. രണ്ട് കുട്ടികളുടെ അമ്മയാണ് ഇവര്‍. അറസ്റ്റിലായ മണികണ്ഠനെ പൊലീസ് ചോദ്യം ചെയ്തു വരികയാണ്.

English summary

A youth stabbed his lover to death out of suspicion. The local residents caught him and handed him over to the police when he tried to flee after the incident.