പ​ച്ച​ക്ക​റി​യും പ​ല​വ്യ​ഞ്ജ​ന​വും തൊട്ടാൽ പൊള്ളും; വില കുതിച്ചുകയറുന്നു

കൊ​ല്ലം: നി​ത്യോ​പ​യോ​ഗ സാ​ധ​ന​ങ്ങ​ളു​ടെ വി​ല കുറവില്ലാതെ കുതിച്ചുകയറുകയാണ്. ഇതോടെ കു​ടും​ബ ബ​ജ​റ്റ് താ​ളം തെ​റ്റിക്കിടക്കുന്ന അവസ്ഥയാണ്. എങ്ങനെയാണ് കുടുംബത്തിലെ ചെലവ് കൊണ്ടുപോവുക എന്നറിയാതെ തലവേദനപിടിച്ചുനടക്കുകയാണ് ആളുകൾ.
പ​ച്ച​ക്ക​റി​ക​ളു​ടെ​യും പ​ല​വ്യ​ഞ്ജ​ന​ത്തി​ന്റെ​യും വി​ല ദി​വ​സം​തോ​റും കൂ​ടു​ക​യാ​ണ്. മം​ഗ​ല​പു​രം ക​ശ്മീ​രി മു​ള​കി​ന് 200 രൂ​പ​ക്ക് മു​ക​ളി​ലാ​യി വ​ർ​ധ​ന.

മൊ​ത്ത​വി​പ​ണി​യി​ൽ ഒ​രു കി​ലോ ക​ശ്മീ​രി മു​ള​കി​ന് 740-800 രൂ​പ​യാ​യി ഉ​യ​ർ​ന്നു. അ​ടു​ത്തി​ടെ വ​രെ 540-600 രൂ​പ​യാ​യി​രു​ന്നു വി​ല. ഗു​ണ്ടൂ​ർ (പാ​ണ്ടി) വ​റ്റ​ൽ മു​ള​കി​ന് കി​ലോ​യ്ക്ക് 15 രൂ​പ ഉ​യ​ർ​ന്ന് മൊ​ത്ത വി​പ​ണി​യി​ൽ 260 രൂ​പ​യാ​യി. ഗു​ണ്ടൂ​ർ പി​രി​യ​ൻ മു​ള​കി​നു 360 രൂ​പ​യാ​യി. 10 രൂ​പ​യാ​ണ് വ​ർ​ധി​ച്ച​ത്. കി​ലോ​ഗ്രാ​മി​ന് ക​ഴി​ഞ്ഞ​മാ​സം 30 രൂ​പ​യാ​യി​രു​ന്ന പ​ച്ച​മു​ള​കി​ന് 60 രൂ​പ​യാ​യി. വ​റ്റ​ൽ​മു​ള​ക് 220ൽ​നി​ന്ന് 280 ആ​യി.

മു​ള​ക്, പ​യ​ർ, പ​രി​പ്പ് തു​ട​ങ്ങി​യ നി​ത്യോ​പ​യോ​ഗ സാ​ധ​ന​ങ്ങ​ൾ​ക്ക് വി​ല ഉ​യ​രു​ക​യാ​ണ്. പ​ച്ച​ക്ക​റി​ക​ളി​ൽ ഇ​ഞ്ചി​ക്കും വെ​ളു​ത്തു​ള്ളി​ക്കും 100ന് ​മു​ക​ളി​ലാ​ണ് കി​ലോ വി​ല. അ​രി വി​ല മാ​റ്റ​മി​ല്ലാ​തെ തു​ട​രു​കയാണ്. പക്ഷേ ഇ​ന്ധ​ന സെ​സ് വ​ർ​ധി​പ്പി​ച്ച​ത് വി​ല വ​ർ​ധി​ക്കാ​നി​ട​യാ​ക്കു​മോ​
എന്നൊരു ആ​ശ​ങ്ക നിലവിലുണ്ട്.

വെ​ള്ള​ക്ക​ട​ല, ഉ​ഴു​ന്ന്, തു​വ​ര​പ്പ​രി​പ്പ്, വ​ട​പ്പ​രി​പ്പ് എ​ന്നി​വ​ക്ക് 100 രൂ​പ​ക്ക് മു​ക​ളി​ലാ​ണ് കി​ലോ വി​ല. പ​ച്ച​ക്ക​റി​ക​ളി​ൽ വെ​ണ്ട, ബീ​റ്റ്റൂ​ട്ട്, സ​വാ​ള, ത​ക്കാ​ളി എ​ന്നി​വ​യ്ക്കാ​ണ് വി​ല​യി​ൽ ആ​ശ്വാ​സ​മു​ള്ള​ത്. ചെ​റു​നാ​ര​ങ്ങ​ക്ക് 110-120 രൂ​പ, കാ​ര​റ്റ്, ബീൻ​സ്, ക​ത്തി​രി എ​ന്നി​വ​യ്ക്ക് 50ന് ​മു​ക​ളി​ലു​മാ​ണ് വി​ല.

English summary

Kollam: Prices of vegetables and spices are increasing, because of these Reasons