വിജയ യാത്ര കോട്ടയത്ത് എത്തുമ്പോള് പിസി ജോര്ജ് എന്ഡിഎയില്? സ്വാഗതം ചെയ്ത് രാധാകൃഷ്ണ മേനോന്
കോട്ടയം: നിയമസഭ തിരഞ്ഞെടുപ്പിന് മുന്നോടിയായി പിസി ജോര്ജ് എന്ഡിഎ മുന്നണിയില് എത്താനുള്ള നീക്കങ്ങള് സജീവമാവുന്നു. യുഡിഎഫ് പ്രവേശനത്തിനുള്ള സാധ്യതകള് അടഞ്ഞതോടെയാണ് എന്ഡിഎയുമായുള്ള ചര്ച്ചകള്. പിസി ജോര്ജിനെ എന്ഡിഎയിലേക്ക് സ്വാഗതം ചെയ്ത് ബിജെപി സംസ്ഥാന സമിതിയംഗം ബി രാധാകൃഷ്ണ മേനോന് രംഗത്ത് എത്തി. ബിജെപി നയിക്കുന്ന എന്ഡിഎ മുന്നണിയിലേക്ക് വരാന് താല്പര്യമുണ്ടെങ്കില് പാര്ട്ടിയും മുന്നണിയും പിസി ജോര്ജിന്റെയും ജനപക്ഷത്തിന്റെയും കാര്യം ഗൗരവപരമായി പരിഗണിക്കുമെന്നുമെന്നും ഒരു ചാനലിന് നല്കിയ അഭിമുഖത്തില് രാധാകൃഷ്ണ മേനോന് വ്യക്തമാക്കി.
രാഹുല്ഗാന്ധി തമിഴ്നാട്ടില് തെരഞ്ഞെടുപ്പ് പ്രചാരണത്തില്, ചിത്രങ്ങള് കാണാം
പൂഞ്ഞാറും മറ്റുള്ളവയും
എന്ഡിഎയുടെ ഭാഗമായി പൂഞ്ഞാറും മറ്റ് ചില സീറ്റുകളുമാണ് പിസി ജോര്ജിന്റെ ആവശ്യം. കഴിഞ്ഞതവണ പൂഞ്ഞാറില് സ്വതന്ത്രനായി വിജയിച്ചെങ്കിലും ഇത്തവണ അത്തരമൊരു വിജയം വലിയ പ്രയാസം ആയിരിക്കുമെന്നാണ് പിസി ജോര്ജിന്റെ തന്നെ വിലയിരുത്തല്. അതോണ്ട് തന്നെയാണ് ഏതെങ്കിലും മുന്നണിയുടെ ഭാഗമാവാനുള്ള ശ്രമം പിസി ജോര്ജ് ശക്തമാക്കിയത്.
യുഡിഎഫ് മോഹിച്ച പിസി ജോര്ജ്
ഏറ്റവും ഉചിതം യുഡിഎഫ് എന്ന് തന്നെയായിരുന്നു പിസി ജോര്ജിന്റെ വിലയിരുത്തല്. മുന്നണി പ്രവേശനം ഉണ്ടാവണമെന്ന് അവസാന നിമിഷം വരെ പിസി ജോര്ജ് പ്രതീക്ഷിച്ചിരുന്നു. എന്നാല് കാഞ്ഞിരപ്പള്ളിയില് യുഡിഎഫ് സ്വതന്ത്രനായി മത്സരിക്കാം എന്ന വാഗ്ദാനം മാത്രമാണ് യുഡിഎഫ് നല്കിയത്. ഇത് നിരസിച്ച അദ്ദേഹം മുന്നണി പ്രവേശനത്തിന് ഇല്ലെന്നും പൂഞ്ഞാറില് സ്വതന്ത്രമായി മത്സരിക്കുമെന്ന് പ്രഖ്യാപിക്കുകയുമായിരുന്നു.
ബിജെപി നീക്കങ്ങള്
ഇതിന് പിന്നാലെയാണ് അദ്ദേഹം എന്ഡിഎയുമായുള്ള നീക്കങ്ങള് സജീവമാക്കിയത്. ബിജെപി സംസ്ഥാന നേതാക്കള് തന്നെയാണ് ഇപ്പോള് പിസി ജോര്ജുമായി ബന്ധപ്പെടുന്നത്. പിസി ജോര്ജിന്റെ വിഷയം ഇന്നലെ കൊടുങ്ങല്ലൂരില് കേന്ദ്രമന്ത്രി പ്രഹ്ലാദ് ജോഷിയുടെ സാന്നിധ്യത്തില് ചേര്ന്ന പാര്ട്ടി കോര് കമ്മറ്റി യോഗത്തില് ചര്ച്ച ചെയ്യുകയും ചെയ്തു. എന്നാല് കൃത്യമായ തീരുമാനം എടുക്കാനും സാധിച്ചില്ല.
കോട്ടയത്ത് എത്തുമ്പോള്
കെ സുരേന്ദ്രന്റെ വിജയ യാത്ര കോട്ടയത്ത് എത്തുന്നതിന് മുമ്പ് പിസി ജോര്ജിന്റെ വിഷയത്തില് ബിജെപി നിലപാട് പ്രഖ്യാപിക്കും. തീരുമാനം ഉണ്ടായാല് കോട്ടയത്തെ വിജയ യാത്ര വേദിയില് പിസി ജോര്ജിനും സ്വീകരണം ലഭിക്കും. പിസിയെ കൂട്ടിയാല് കോട്ടയത്തെ എ പ്ലസ് മണ്ഡലമായ കാഞ്ഞിരപ്പള്ളിയില് ഗുണം ചെയ്യുമെന്നാണ് ബിജെപി കണക്ക്.
ഷോണ് ജോര്ജിനും സീറ്റ്
പൂഞ്ഞാറില് പിസി ജോര്ജിനും കാഞ്ഞിരപ്പള്ളിയില് ഷോണ് ജോര്ജിനും സീറ്റെന്ന വാഗ്ദാനം ബിജെപി മുന്നോട്ട് വെക്കുന്നുവെന്നാണ് സൂചന. പിസി ജോര്ജിന് മുസ്ലിം സമുദായത്തില് നിന്നും ഉയര്ന്ന് വരുന്ന എതിര്പ്പും ബിജെപി പ്രതിരോധിക്കുന്നു. പിസി ജോര്ജ് വന്നാല് ക്രിസ്ത്യന് വോട്ടുകള് പാര്ട്ടിയിലേക്ക് കൂടുതലായി എത്തിക്കാന് കഴിയുമെന്നും ബിജെപി പ്രതീക്ഷിക്കുന്നു.
യുവനടി അഹാന കൃഷ്ണയുടെ വൈറല് ചിത്രങ്ങള് കാണാം
-
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
'പാലക്കാട് നേമം ആവർത്തിക്കാനുളള പുറപ്പാട്, ബിജെപിയെ നേരിടേണ്ടത് കോമഡി കൊണ്ടല്ല', രമേഷിനെതിരെ ഐസക് -
''കോൺഗ്രസ്സ് കേരളത്തിൽ മതരാഷ്ട്രം നടപ്പിലാക്കാൻ ശ്രമിച്ചാലും അത്ഭുതപ്പെടാനില്ല..'', തുറന്നടിച്ച് അഖിൽ മാരാർ -
എല്ലാം കണക്കാ...- കാൽനൂറ്റാണ്ടിനിടെ എൽഡിഎഫ് പതുങ്ങിയതും യുഡിഎഫ് കുതിച്ചതും 2001ൽ -
രാജീവ് ഗാന്ധിയുടെ സോറി- ‘ഡീൽ’ ആരോപണം ചൂടുപിടിക്കുമ്പോൾ മൂന്നര പതിറ്റാണ്ടിനിപ്പുറവും ലൈവായി ‘കോലീബി സഖ്യം’ -
പ്രചാരണത്തിന് ‘ഇന്ദിര ഗ്യാരന്റി’ വരുന്നു, വാഗ്ദാനങ്ങളുമായി കേരളം ചുറ്റും -
ആത്മവിശ്വാസവും പ്രതീക്ഷയും സ്വപ്നവും ഒഴുകി നടക്കുന്ന എറണാകുളം -
യുവ മനസ്സുകളിലെന്താണ്? 2021ലെ വോട്ട് വിഹിതം വർധിപ്പിക്കാൻ ‘ജെൻ സി’യെ കയ്യിലെടുക്കാൻ മുന്നണികൾ -
സൗദി അറേബ്യയും ഖത്തറും വീണു; ലാഭം കൊയ്യാന് മറ്റൊരു രാജ്യം, ബ്രിട്ടനില് സുപ്രധാന ചര്ച്ച -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ്
Click it and Unblock the Notifications
Sign in with Google