Click it and Unblock the Notifications
Just In
Don't Miss
-
ചുവപ്പ് മാത്രമല്ല, 'വെള്ള' കണ്ടാലും കലിപ്പ്! വൈറ്റ് എല്ഇഡി ലൈറ്റുള്ള വാഹനങ്ങള്ക്ക് പണി കിട്ടും -
IPL 2024: 8ല്‍ 4ലും തോറ്റു, സിഎസ്കെയ്ക്ക് പ്ലേ ഓഫിലെത്താനാവുമോ? സാധ്യകള് ഇങ്ങനെ -
ഷൈന് ടോം തോച്ചോ? മറുപടി നല്കി തനു; ബ്രേക്കപ്പ് വാർത്തകള്ക്കിടെ ചര്‍ച്ചയായി മറുപടികള് -
ഫോൺ പൊട്ടിത്തെറിക്കുമോ എന്ന് പേടിയുണ്ടോ? പ്രഷർ കൂട്ടേണ്ട! ഇക്കാര്യങ്ങൾ ശ്രദ്ധിച്ചാൽ മതി -
മേയ് സമ്പൂര്ണഫലം: ശനി വര്ഷത്തില് അതിഗംഭീര നേട്ടങ്ങള്ക്ക് തുടക്കം -
മുന്നേറ്റം തുടരാൻ ഗ്രീൻ സ്റ്റോക്ക്, വളർച്ച 37 ശതമാനം വരെ, ഓഹരി വാങ്ങാൻ ബ്രോക്കറേജ് നിർദ്ദേശം -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
ഇത് അല്‍പ്പത്തരം; ശശി തരൂരിന്റെ പെരുന്നയിലെ പ്രസംഗത്തിനെതിരെ യൂത്ത് കോണ്‍ഗ്രസ്
കോട്ടയം: എന്‍ എസ് എസ് ആചാര്യന്‍ മന്നത്ത് പദ്മാനഭന്റെ ജയന്തിയോട് അനുബന്ധിച്ച് എന്‍ എസ് എസ് ആസ്ഥാനത്ത് ശശി തരൂര്‍ എം പി നടത്തിയ പ്രസംഗത്തില്‍ വിമര്‍ശനവുമായി യൂത്ത് കോണ്‍ഗ്രസ്. യൂത്ത് കോണ്‍ഗ്രസ് സംസ്ഥാന ജനറല്‍ സെക്രട്ടറി ബിനു ചുള്ളിയില്‍ ആണ് ശശി തരൂരിന്റെ പ്രസംഗത്തിന് എതിരെ രംഗത്തെത്തിയിരിക്കുന്നത്. ശശി തരൂരിന്റെ പ്രസംഗം അങ്ങേയറ്റം അല്‍പ്പത്തരമായിപ്പോയി എന്ന് ബിനു ചുള്ളിയില്‍ പറഞ്ഞു.
തന്റെ ഫേസ്ബുക്ക് പോസ്റ്റിലൂടെ ആണ് ബിനു ചുള്ളിയിലിന്റെ പ്രതികരണം. രാഷ്ട്രീയ പാര്‍ട്ടിയില്‍ എന്നല്ല സമൂഹത്തിന്റെ ഏത് മേഖലയില്‍ പ്രവര്‍ത്തിക്കുന്നവര്‍ക്കും അവരവരുടെ ഇടങ്ങളില്‍ മത്സരരങ്ങള്‍ ഉണ്ടാവാറുള്ളത് സ്വഭാവികമാണ് എന്നും അത് ജാതീയമായ കുശുമ്പിന്റെ പേരിലാണ് എന്ന് തരൂരിനെ പോലെ നെഹ്റുവിയന്‍ സോഷ്യലിസ്റ്റ് എന്ന് അവകാശപെടുന്ന ആള്‍ പറയുന്നത് അല്‍പത്തരമാണ് എന്നാണ് ബിനു ചുള്ളിയില്‍ പറഞ്ഞത്.
ഒരു നായര്‍ക്ക് മറ്റൊരു നായരെ കണ്ടുകൂടാ എന്ന് മന്നം പറഞ്ഞിട്ടുണ്ട് എന്നും അദ്ദേഹം അത് 80 വര്‍ഷങ്ങള്‍ക്ക് മുന്‍പാണ് പറഞ്ഞത് എന്നും ശശി തരൂര്‍ പ്രസംഗത്തില്‍ പറഞ്ഞിരുന്നു. രാഷ്ട്രീയത്തില്‍ ഇപ്പോള്‍ താന്‍ അത് അനുഭവിക്കുന്നുണ്ട് എന്നും ശശി തരൂര്‍ പറഞ്ഞിരുന്നു. താന്‍ മുമ്പും പെരുന്നയില്‍ വന്നിട്ടുണ്ട് എന്നും എന്നാല്‍ മന്നം ജയന്തി സമ്മേളനത്തില്‍ പങ്കെടുക്കുന്നത് ആദ്യമാണെന്നും തരൂര്‍ പറഞ്ഞിരുന്നു.
2013 ല്‍ എ കെ ആന്റണിയെ മന്നം ജയന്തിക്ക് ക്ഷണിച്ച് 10 വര്‍ഷത്തിന് ശേഷമാണ് ഒരു കോണ്‍ഗ്രസ് നേതാവിനെ പെരുന്നയിലേക്ക് മന്നം ജയന്തി ആഘോഷങ്ങള്‍ക്കായി ക്ഷണിക്കുന്നത്. അതേസമയം ഇന്ന് മറ്റ് മുതിര്‍ന്ന കോണ്‍ഗ്രസ് നേതാക്കള്‍ക്ക് ചടങ്ങിലേക്ക് ക്ഷണമുണ്ടായിരുന്നില്ല. അതിനിടെ താന്‍ മുന്‍പ് ശശി തരൂരിനെ ദല്‍ഹി നായര്‍ എന്ന് വിളിച്ചിരുന്നു എന്നും ആ തെറ്റ് തിരുത്താനാണ് ഇന്ന് ശശി തരൂരിനെ വിളിച്ചതെന്നും എന്‍ എസ് എസ് ജനറല്‍ സെക്രട്ടറി ജി സുകുമാരന്‍ നായര്‍ പറഞ്ഞു.
തരൂര്‍ കേരളത്തിന്റെ വിശ്വപൗരനാണ് എന്നും മറ്റാരെയും തനിക്ക് ആ സ്ഥാനത്ത് കാണാന്‍ കഴിയുന്നില്ലെന്നും സുകുമാരന്‍ നായര്‍ പറഞ്ഞിരുന്നു. പ്രതിപക്ഷ നേതാവ് വി ഡി സതീശന്‍, മുന്‍ പ്രതിപക്ഷ നേതാവ് രമേശ് ചെന്നിത്തല എന്നീ മുതിര്‍ന്ന കോണ്‍ഗ്രസ് നേതാക്കളുമായി ജി സുകുമാരന്‍ നായര്‍ ഏറെ കാലമായി അകല്‍ച്ചയിലാണ് എന്നതിനാല്‍ ശശി തരൂരിന്റെ സന്ദര്‍ശത്തിന് പ്രാധാന്യമേറെയാണ്.
