പുതുപ്പള്ളിയിലെ സ്വന്തന്ത്രന്മാർ; ഓട്ടോ ഡ്രൈവറും അരിക്കൊമ്പൻ ഫാനും, ഒരു വിമതനും
കോട്ടയം: പുതുപ്പള്ളി ഉപതിരഞ്ഞെടുപ്പിന്റെ ചൂടിൽ നിൽക്കുകയാണ്. കോൺഗ്രസ് സ്ഥാനാർത്ഥി ചാണ്ടി ഉമ്മനും സിപിഎമ്മിന്റെ ജെയക്ക് സി തോമസും പരമാവധി വോട്ട് സ്വന്തമാക്കാൻ വേണ്ടിയുള്ള ഓട്ടത്തിലാണ്. ചാണ്ടി ഉമ്മനും ജെയ്ക്കും തമ്മിൽ ശകതമായ പോരാട്ടം ഉറപ്പാണ്.
എന്നാൽ ചാണ്ടി ഉമ്മനും ജെയ്ക്കും പ്രചാരണ പരിപാടിയുമായി മുന്നോട്ട് പോകുമ്പോൾ മറ്റൊരു വശത്ത് മൂന്ന് സ്വതന്ത്ര സ്ഥാനാർത്ഥികൾ കൂടി അങ്കത്തിന് തയ്യാറെടുക്കുന്നുണ്ട്. പാലയിൽ നിന്നുള്ള സന്തോഷ് പുളിക്കൽ, മൂവാറ്റുപുഴയിൽ നിന്നുള്ള പി കെ ദേവദാസ്, പള്ളിക്കത്തോടിൽ നിന്ന് ഷാജി കേശവൻ .
സാധരാണക്കാർക്ക് വേണ്ടി പ്രവർത്തിക്കാനാണ് സന്തോഷ് മത്സരിക്കുന്നത്, ദേവദാസ് മത്സരിക്കുന്നത് അരിക്കൊമ്പന് നീതി നേടി കൊടുക്കാനാണ് ഷാജി കേശവന് പ്രത്യേകിച്ച് ലക്ഷ്യങ്ങളൊന്നുമില്ല, വെറുതേ മത്സരിക്കാൻ തോന്നിയത് കൊണ്ടാണ് ഷാജി കേശവൻ മത്സരിക്കുന്നത്..
ഓട്ടോ ഡ്രൈവർ ആയ സന്തോഷ്...
പാലാ-രാമപുരം റൂട്ടിൽ ആയുർവേദ ആശുപത്രി ജംഗ്ഷനിൽ താമസിക്കുന്ന സന്തോഷ് ഓട്ടോറിക്ഷ ഡ്രൈവറാണ്. രാഷ്ട്രീയവും തിരഞ്ഞെടുപ്പും
അദ്ദേഹത്തിന് പുത്തരിയല്ല. 19-ാം വയസ്സിൽ കോൺഗ്രസ് പ്രവർത്തകനായാണ് അദ്ദേഹം രാഷ്ട്രീയ പ്രവർത്തനം ആരംഭിച്ചത്. അതൊരു തുടക്കം മാത്രമായിരുന്നു.
ഇപ്പോൾ 37 വയസ്സുള്ള അദ്ദേഹം രാഷ്ട്രീയ ജനതാദൾ (ആർജെഡി), കമ്യൂണിസ്റ്റ് മാർക്സിസ്റ്റ് പാർട്ടി (സിഎംപി), റവല്യൂഷണറി സോഷ്യലിസ്റ്റ് പാർട്ടി (ആർഎസ്പി), എഎപി എന്നിവയുമായി ബന്ധപ്പെട്ട് പ്രവർത്തിച്ചിരുന്നു. തനിക്ക് യോജിച്ച സ്ഥലമല്ലെന്ന് തോന്നിയതിനെ തുടർന്നാണ് താൻ ആ പാർട്ടികളെല്ലാം ഉപേക്ഷിച്ചതെന്നും അദ്ദേഹം പറഞ്ഞു.
2020ൽ പാലാ മുനിസിപ്പാലിറ്റിയിൽ ആർജെഡി സ്ഥാനാർത്ഥിയായി മത്സരിച്ചിരുന്നു. പാലാ നിയമസഭാ മണ്ഡലത്തിൽ നിന്ന് ജനവിധി തേടി 444 വോട്ടുകൾ ആണ് അന്ന് ലഭിച്ചത്.. പാലാ ബൈപ്പാസ് നിർമാണം, തന്റെ പ്രദേശത്തെ വെള്ളക്കെട്ട് തുടങ്ങിയ വിഷയങ്ങളിൽ സന്തോഷ് 14 ഒറ്റയാൾ സമരങ്ങൾ നടത്തിയിട്ടുണ്ട്. ജീവകാരുണ്യ പ്രവർത്തനങ്ങളിലും അദ്ദേഹം സജീവമായി ഇടപെടുന്നു.
"യോഗ്യതയുള്ള ആർക്കും നിയമസഭാ തിരഞ്ഞെടുപ്പിൽ മത്സരിക്കാമെന്നാണ് സന്തോഷ് പറയുന്നത്. ജനപ്രതിനിധികൾ സമൂഹത്തിന്റെ താഴേത്തട്ടിൽ നിന്ന് ഉയർന്നുവരണമെന്നും സന്തോഷ് 'ഓൺമനോരമ'യോട് പറഞ്ഞു. സന്തോഷ് തന്നൊയാണ് പോസ്റ്ററുകൾ എല്ലായിടത്തും ഒട്ടിക്കുന്നത്.
അരീക്കൊമ്പന് വേണ്ടി....
ഇടുക്കി ജില്ലയിലെ ചിന്നക്കനാലിൽ നിന്ന് നാടുകടത്തപ്പെട്ട കാട്ടാനയായ അരീക്കൊമ്പന് നീതി ആവശ്യപ്പെട്ടുള്ള കൂട്ടായ്മയുടെ പ്രതിനിധിയായാണ് പി കെ ദേവദാസ് (44) . വാഴക്കുളത്തിനടുത്ത് മഞ്ഞളൂർ പഞ്ചായത്തിലെ മണിയന്തടത്താണ് താമസം. ആനയുടെ സ്വാഭാവിക ആവാസവ്യവസ്ഥയിൽ നിന്ന് അകന്നുപോയി എന്ന് താൻ വിശ്വസിക്കുന്ന ആനയുടെ ആശങ്ക ഉയർത്താനാണ് ഉപതെരഞ്ഞെടുപ്പിൽ മത്സരിക്കാൻ തീരുമാനിച്ചതെന്നാണ് ദേവദാസ് പറയുന്നത്...
"ഞങ്ങൾ നിരവധി പ്രക്ഷോഭങ്ങൾ നടത്തിയെങ്കിലും, ജനകീയ അഭിപ്രായം ഉയർത്തിപ്പിടിച്ചുകൊണ്ട് സർക്കാർ അവയെല്ലാം അവഗണിച്ചു. പരിസ്ഥിതിയെയും വനങ്ങളെയും ആദിവാസികളുടെ ഉപജീവനത്തെയും നശിപ്പിക്കുന്ന വ്യവസ്ഥയ്ക്കെതിരെ കൂടിയാണ് എന്റെ പോരാട്ടം," ദേലദാസ് പറയുന്നു.
ഒരു കാരണവുമില്ലാതെ ഷാജി...
സന്തോഷിനെയും ദേവദാസിനെയും പോലെ ഷാജി കേശവന് പറയാൻ കാരണങ്ങളൊന്നുമില്ല. "ഞാൻ മത്സരിക്കാൻ വേണ്ടി മാത്രമാണ് നിന്നത്," അദ്ദേഹം ഒൺമനോരമയോട് പറഞ്ഞു. പള്ളിക്കത്തോട് അരീപ്പറമ്പ് സ്വദേശിയാണ് ഷാജി; കോൺഗ്രസ് പ്രവർത്തകനും പ്രദേശത്തെ സഹകരണ ബാങ്ക് ബോർഡ് അംഗവുമാണ്.
മൂന്ന് സ്വതന്ത്രരിൽ പുതുപ്പള്ളിയിലെ വോട്ടർ മാത്രമാണ് അദ്ദേഹം. കോൺഗ്രസ് പ്രവർത്തകൻ എന്ന നിലയിൽ ചാണ്ടി ഉമ്മന് വേണ്ടി പ്രചാരണം നടത്തേണ്ടതായിരുന്നു. "ഞാൻ എന്റെ നാമനിർദ്ദേശ പത്രിക സമർപ്പിച്ചതിന് ശേഷം അത് ചെയ്യുന്നില്ല," അദ്ദേഹം പറഞ്ഞു. ത
ഉപതിരഞ്ഞെടുപ്പ് സെപ്തംബർ അഞ്ചിന് നടക്കും, ഫലം സെപ്തംബർ എട്ടിന് പ്രഖ്യാപിക്കും.
Click it and Unblock the Notifications
Sign in with Google