ആരോ മറന്നുവെച്ച സ്വര്ണം; അവകാശിക്കായി ഒരു വര്ഷം കാത്തിരുന്ന് ജ്വല്ലറി ഉടമ; ഒടുവില് കൈമാറി; യാദൃശ്ചികം
നഷ്ടപ്പെട്ടുപോയ സ്വര്ണവും പണവുമൊക്കെ തിരിച്ചുകിട്ടുക എന്നത് അത്ര ചെറിയ കാര്യമല്ല. അത് കളഞ്ഞുകിട്ടിയ ആള് നല്ല മനസ്സുള്ള ആളാണെങ്കില് തിരിച്ചുകിട്ടിയേക്കാം.. അല്ലെങ്കില് പോയതുപോയി എന്ന് ആലോചിച്ചിരിക്കാനേ പറ്റുള്ളൂ. അല്ലെങ്കില് പിന്നെ നല്ല ഭാഗ്യം വേണം. ഇനി പറയാന് പോകുന്നത് ഒരുവർഷം മുമ്പ് നഷ്ടപ്പെട്ടുപോയ സ്വര്ണം ഒരു കുടുംബത്തിന് തിരിച്ചുകിട്ടിയതിനെക്കുറിച്ചാണ്. അതും വളരെ യാദൃശ്ചികമായി... സംഭവം വിശദമായി അറിയാം...
കോഴിക്കോട് ആണ് സംഭവം. ഒരു വർഷം മുമ്പാണ് കെ.എം.സി.ടി മെഡിക്കൽ കോളജിലെ അധ്യാപക ദമ്പതികളായ ജയദേവും, ബ്രിജിറ്റയും
സ്വർണം മറന്നുവെച്ചത്. മുക്കം ശ്രീ രാഗം ജ്വല്ലറിയിലായിരുന്നു ഇവർ സ്വർണം മറന്നുവെച്ചത്. എന്നാൽ എവിടെയാണ് സ്വർണം പോയതെന്ന് ഇവർക്ക് ഒരു ധാരണയും ഉണ്ടായിരുന്നില്ല.
എന്നാൽ ജ്വല്ലറിയിൽ നിന്ന് ലഭിച്ച സ്വർണത്തിന്റെ ഉടമയെ കണ്ടെത്താനുള്ള ശ്രമം ജ്വല്ലറി ഉടമയായ ഷാജി തുടങ്ങിയിരുന്നു. ഇദ്ദേഹം പലവഴി ആളെ കണ്ടെത്താൻ ശ്രമിച്ചു. സ്വർണത്തിന്റെ ആൾക്കാർ വരുമെന്ന ഉറപ്പിൽ അദ്ദേഹം ആ സ്വർണം സൂക്ഷിച്ചുവെച്ചു. കഴിഞ്ഞ ദിവസമാണ് സ്വർണത്തിന്റെ ഉടമകൾക്ക് സ്വർണം തിരികെ നൽകിയത്.
2021 നവംബറിലാണ് മുക്കം കെ.എം.സി.ടി മെഡിക്കൽ കോളജിലെ അധ്യാപക ദമ്പതികളായ ജയദേവും, ബ്രിജിറ്റയും മുക്കം ശ്രീരാഗം ജ്വല്ലറിയിൽ സ്വർണം വാങ്ങാനെത്തിയത്. പുതിയ സ്വർണം വാങ്ങി ഇവർ പോയെങ്കിലും, കയ്യിലുണ്ടായിരുന്ന സ്വർണത്തിൽ ചിലതു ജ്വല്ലറിയിൽ മറന്നു വെക്കുകയായിരുന്നു. ഏറെ നേരം കഴിഞ്ഞാണ് ജ്വല്ലറി ഉടമ ഷാജിക്ക് ഈ സ്വർണം ലഭിക്കുന്നത്. പക്ഷെ ആരുടേതാണെന്ന് മനസിലായിരുന്നില്ല.
സി.സി.ടി.വി ദൃശ്യങ്ങളടക്കം പരസ്യം നൽകിയെങ്കിലും ആരും സ്വർണം തേടി എത്തിയില്ല. ഈ സ്വർണം ഷാജി സൂക്ഷിച്ചു വെച്ചു. സ്വർണം നഷ്ടപ്പെട്ടവർ എവിടെയാണ് സ്വർണം വെച്ചതെന്നറിയാതെ അന്വേഷിച്ചു. പല സ്ഥലത്തും അന്വേഷിച്ച് സ്വർണം കിട്ടാതായതോടെ അന്വേഷണം അവസാനിപ്പിച്ചു. എന്നാൽ. ഒരു വർഷത്തിനിപ്പുറം ഇവർ ബുധനാഴ്ച വീണ്ടും ജ്വല്ലറിയിൽ എത്തി.
സംസാരത്തിനിടെ സ്വർണം നഷ്ട്ടപ്പെട്ട വിവരം പറയുകയായിരുന്നു. അപ്പോഴാണ് ഇവരുടെ സ്വർണമാണ് നഷ്ടമായതെന്ന് മനസ്സിലായത്. ഇതോടെ സ്വർണം യാഥാർത്ഥ അവകാശികൾക്ക് ലഭിച്ചു. വ്യാപാരി വ്യവസായി സമിതി മുക്കം യൂണിറ്റ് പ്രസിഡന്റ് റഫീഖ് കക്കാടിന്റെയും, പ്രമുഖ വ്യക്തികളുടെയും സാന്നിധ്യത്തിൽ രണ്ടു വളകളും ഒരു ബ്രേസ്ലെറ്റും അടങ്ങുന്ന ആഭരണങ്ങൾ യഥാർഥ ഉടമക്ക് തന്നെ നൽകിയപ്പോൾ ജയദേവിനും, ബ്രിജിറ്റയ്ക്കും ജ്വല്ലറി ഉടമ ഷാജിക്കും സന്തോഷമായി
-
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
സ്വർണത്തിന് ഇന്ത്യയിൽ 'പുല്ലുവില'യാകുമോ; വർഷം 600 കിലോഗ്രാം ഖനനം ചെയ്യും, വമ്പൻ ലോട്ടറിയാകാൻ ജോന്നഗിരി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
എല്ലാ ആഴ്ചയിലും ഒരു ഗ്രാം പൊന്ന്! കൊച്ചിക്കാരെ പോലെ സ്വര്ണം വാങ്ങി നോക്കിയാലോ? -
സ്വര്ണ വിപണി ദുബായില് നിന്ന് മാറുമോ? ഏഷ്യയിലെ ഗോള്ഡ് ഹബ്ബാകാന് സിംഗപ്പൂര് -
സ്വർണത്തിൽ ഇന്ത്യയ്ക്ക് പുതിയ തന്ത്രം വേണം; ഇറക്കുമതി കുറക്കാൻ ആശയം ഇങ്ങനെ -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
കേരളത്തില് വീണിട്ടും ഗള്ഫില് സ്വര്ണത്തിന് അനക്കമില്ല...; ഇന്നത്തെ ഗ്രാം വില ഇങ്ങനെ -
സ്വർണം വാങ്ങിക്കൂട്ടി, ഇപ്പോൾ വിറ്റൊഴിവാക്കുന്നു: 3 രാജ്യങ്ങളുടെ നീക്കം ഇങ്ങനെ..ഇനി സ്വർണ വില താഴേക്ക്?
Click it and Unblock the Notifications
Sign in with Google