നിലമ്പൂര് എംഎല്എ പിവി അന്വറിന്റെ ഭാര്യാപിതാവിനെതിരെ കേസ്, റസ്റ്റോറന്റിനുള്ള അനുമതിയുടെ മറവില് റോപ് വെ കെട്ടി!!
മലപ്പുറം: നിയമംലംഘിച്ച് നിലമ്പൂര് എംഎല്എ പിവി അന്വറിന്റെ ഭാര്യാപിതാവ് റോപ് വെ കെട്ടിയ സംഭവത്തില് തദ്ദേശ സ്വയംഭരണസ്ഥാപനങ്ങളുടെ ഓംബുഡ്സ്മാന് കേസെടുത്തു. റസ്റ്റോറന്റിനുള്ള അനുമതിയുടെ മറവിലാണ് നിലമ്പൂര് ചീങ്കണ്ണിപ്പാലിയിലെ വിവാദതടയണക്ക് കുറുകെ പിവി അന്വര് എംഎല്എയുടെ ഭാര്യാപിതാവ് റോപ് വെ കെട്ടിയതെന്നായിരുന്നു പരാതി.
നിലമ്പൂര് സ്വദേശി എംപി വിനോദ് നല്കിയ പരാതിയിലാണ് ഓംബുഡ്സ്മാന് ജസ്റ്റിസ് കെ.കെ ദിനേശന് കേസെടുത്തത്. പിവി അന്വര് എംഎല്എയുടെ ഭാര്യാപിതാവ് കോഴിക്കോട് നടുവണ്ണൂര് ഹഫ്സ മഹല് സികെ അബ്ദുല്ലത്തീഫ്, ഊര്ങ്ങാട്ടിരി പഞ്ചായത്ത് സെക്രട്ടറി, പഞ്ചായത്ത് ഡെപ്യൂട്ടി ഡയറക്ടര് മലപ്പുറം എന്നിവര്ക്ക് നോട്ടീസ് അയക്കാന് ഉത്തരവിട്ടു.
ഊര്ങ്ങാട്ടിരി പഞ്ചായത്തിലെ ചീങ്കണ്ണിപ്പാലിയില് വനത്തിലേക്കൊഴുകുന്ന കാട്ടരുവിക്ക് കുറുകെ കെട്ടിയ തടയണ പൊളിച്ചുനീക്കാന് മലപ്പുറം കളക്ടര് ഉത്തരവിട്ടിരുന്നു. ഇതോടെയാണ് സികെ അബ്ദുല്ലത്തീഫ് ഊര്ങ്ങാട്ടിരി പഞ്ചായത്തില് നിന്നും റസ്റ്ററന്റ് കം ലോഡ്ജിങ് കെട്ടിടം പണിയാന് പെര്മിറ്റ് നേടിയ ശേഷം തടയണക്ക് കുറുകെ റോപ് വേ നിര്മ്മിച്ചത്.
ഇക്കാര്യം ചൂണ്ടിക്കാട്ടി 2017 മെയ് 18ന് ഊര്ങ്ങാട്ടിരി പഞ്ചായത്ത് സെക്രട്ടറിക്ക് പരാതി നല്കിയെങ്കിലും നിയമവിരുദ്ധമായി കെട്ടിയ റോപ് വേ പൊളിച്ചുനീക്കാന് നടപടിയുണ്ടായില്ല. അഴിമതി നടത്തി റോപ് വെ പണിയാന് നിയമവിരുദ്ധമായി സൗകര്യം ചെയ്തുകൊടുത്ത പഞ്ചായത്ത് സെക്രട്ടറിക്കെതിരെ നടപടിയാവശ്യപ്പെട്ട് മലപ്പുറം പഞ്ചായത്ത് ഡെപ്യൂട്ടി ഡയറക്ടര്ക്ക് പരാതി നല്കിയെങ്കിലും ഒരു നടപടിയുമുണ്ടായില്ല. ഇതോടെയാണ് ഇക്കാര്യങ്ങള് ചൂണ്ടിക്കാട്ടി തദ്ദേശസ്വയംഭരണ സ്ഥാപനങ്ങള്ക്കായുള്ള ഓംബുഡ്സ്മാനെ സമീപിച്ചത്.
ഉരുള്പൊട്ടലിനെ തുടര്ന്ന് കോഴിക്കോട് കളക്ടര് അടച്ചുപൂട്ടിയ പി.വി അന്വര് എം.എല്.എയുടെ കക്കാടംപൊയിലിലെ വിവാദ വാട്ടര്തീം പാര്ക്കില് നിന്നും ഒന്നര കിലോമീറ്റര് അകലെയാണ് ചീങ്കണ്ണിപ്പാലിയിലെ തടയണയും തടയണക്ക് കുറുകെ മൂന്നു മലകളെ ബന്ധിപ്പിച്ച് പണിത റോപ്വെയും. വനഭൂമിയോട് ചേര്ന്ന് റോപ് വെയും ടൂറിസം പദ്ധതിയും വരുന്നത് വനത്തെയും വന്യജീവികളെയും ദോഷകരമായി ബാധിക്കുമെന്ന് കാണിച്ച് നേരത്തെ നിലമ്പൂര് നോര്ത്ത് ഡി.എഫ്.ഒ, പെരിന്തല്മണ്ണ സബ് കളക്ടര്ക്ക് റിപ്പോര്ട്ട് നല്കിയിരുന്നു.
Click it and Unblock the Notifications
Sign in with Google