Click it and Unblock the Notifications
Just In
Don't Miss
-
'ആർട്സ് ക്ലബ്ബ് ഉദ്ഘാടനത്തിന് ക്ഷണിക്കാൻ പോയപ്പോൾ കിട്ടിയ വേഷമാണ്, ആദ്യ സീൻ വിജയ്ക്കൊപ്പമായിരുന്നു'; പൂർണിമ -
IPL 2024: ഹാര്ദിക് അല്ല, ലോകകപ്പ് കളിക്കേണ്ടത് ശിവം ദൂബെ; താരത്തിന് പിന്നില് അണിചേര്ന്ന് ആരാധകര് -
വെറും 2.99 ലക്ഷം മാത്രം! വർക്കിലും ലുക്കിലും നിഞ്ചയെ തൂക്കും മാക് 2 പതിപ്പുമായി അൾട്രാവയലറ്റ് -
സ്ത്രീകൾക്ക് സാമ്പത്തിക സുരക്ഷിതത്വം ഉറപ്പാക്കാൻ 4 പോസ്റ്റ് ഓഫീസ് പദ്ധതികൾ -
കാപ്പി കുടിച്ചാല് മുടി കൊഴിയുമോ, കഫീന് മുടിയില് പുരട്ടിയാല് മുടി വളരുമോ? -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
വിവാഹമോചനത്തില്‍ ഭാര്യയെ പോലെ ഭര്‍ത്താവിനും ജീവനാംശത്തിന് അര്‍ഹതയുണ്ടെന്ന് കോടതി വിധി
മുംബൈ: വിവാഹമോചനത്തില്‍ ഭാര്യയെ പോലെ ഭര്‍ത്താവിനും ജീവനാംശത്തിന് അവകാശമുണ്ടെന്ന് ബോംബെ ഹൈക്കോടതി. വിവാഹ മോചനത്തിന് ശേഷം വരുമാന മാര്‍ഗമില്ലെന്ന് പരാതിപ്പെട്ട മുന്‍ ഭര്‍ത്താവിന് സ്‌കൂള്‍ അധ്യാപിക ജീവനാംശം നല്‍കണമെന്ന് കീഴ് കോടതി ഉത്തരവ് ബോംബെ ഹൈക്കോടതി ശരിവെക്കുകയായിരുന്നു. ഹിന്ദു വിവാഹ നിയമപ്രകാരം ഭാര്യയോ ഭര്‍ത്താവോ എന്ന വിവേചനമില്ലാതെ ദാരിദ്ര്യമുള്ള ജീവിത പങ്കാളിക്ക് ജീവനാശം ആവശ്യപ്പെടാമെന്ന് ജസ്റ്റിസ് ഭാരതി ഡാംഗ് പറഞ്ഞു. 1992ല്‍ വിവാഹിതരായ ദമ്പതികളില്‍ ഭാര്യയുടെ അപേക്ഷ പ്രകാരം 2015ലാണ് വിവാഹ മോചനം അനുവദിച്ചത്.
ഭര്‍ത്താവിന് മാസം മൂവായിരം രൂപ രൂപ ജീവനാംശമായി നല്‍കണമെന്നാണ് അധ്യാപികയായ ഭാര്യയോട് കോടതി നിര്‍ദേശിച്ചിരുന്നു. 2017ലാണ് കീഴ്‌ക്കോടതി ഈ വിധി പറഞ്ഞത്. ഇതിനെതിരെ അവര്‍ ഹൈക്കോടതിയെ സമീപിക്കുകയായിരുന്നു. 2019ലും സമാനമായ വിധി കോടതിയില്‍ നിന്നുണ്ടായിരുന്നു. ഭര്‍ത്താവിന് പണം കൊടുക്കില്ലെന്ന് ഭാര്യ തീരുമാനിച്ചപ്പോള്‍ സ്‌കൂളിലെ ഹെഡ് മാസ്റ്ററോട് ഇവരുടെ ശമ്പളത്തില്‍ നിന്ന് 5000 രൂപ പിടിച്ച് ആ പണം കോടതിയിലേക്ക് നല്‍കാനായിരുന്നു നിര്‍ദേശം. ഈ രണ്ട് വിധിയുമാണ് ഹൈക്കോടതിയില്‍ ചോദ്യം ചെയ്തത്. എന്നാല്‍ കോടതി ഇത് തള്ളുകയായിരുന്നു.
ഭാര്യയില്‍ നിന്ന് പ്രതിമാസം 15000 രൂപ ജീവനാംശം ആവശ്യപ്പെട്ടാണ് ഭര്‍ത്താവ് കീഴ്‌ക്കോടതിയില്‍ ഹര്‍ജി നല്‍കിയത്. ഹര്‍ജി തീര്‍പ്പാകും വരെ പ്രതിമാസം മൂവായിരം രൂപ ഭര്‍ത്താവിന് നല്‍കാനായിരുന്നു കീഴ്‌ക്കോടതി വിധി. ഇതിനെതിരെയാണ് അധ്യാപിക ഹൈക്കോടതിയിലെത്തിയത്. ഭര്‍ത്താവിന് ഇതര വരുമാനങ്ങളുണ്ടെന്നായിരുന്നു ഇവര്‍ വാദിച്ചത്. എന്നാല്‍ വിവാഹ മോചനം തന്നെ കടുത്ത നിരാശയിലേക്ക് നയിച്ചെന്നും, ജോലി ചെയ്യാനാകാതെ വിധം അനാരോഗ്യമുണ്ടെന്നും ഭര്‍ത്താവ് കോടതി അറിയിക്കുകയായിരുന്നു.
