കെജ്രിവാള് ദില്ലിയുടെ മിസ്ബാ ഉള് ഹഖ്?
ദില്ലി: പ്രതിസന്ധികളില് പെട്ടുകിടക്കുന്ന പാകിസ്താന് ടീമില് വിവാദങ്ങള് വരുമ്പോള് മിണ്ടാതിരിക്കുന്ന ഒരാളുണ്ട്. ക്യാപ്റ്റന് മിസ്ബാ ഉള്ഹഖ്. ഒരു പക്ഷത്തും മിസ്ബ ഉണ്ടാകില്ല. എന്നാലോ എല്ലാവരും മിസ്ബാ ഉള് ഹഖിനെ വിമര്ശിച്ചുകൊണ്ടേയിരിക്കും. ഏതാണ്ടിതേ സ്ഥിതിയിലാണ് ദില്ലി മുഖ്യമന്ത്രിയും ആം ആദ്മി പാര്ട്ടി കണ്വീനറുമായ അരവിന്ദ് കെജ്രിവാള്. വിവാദത്തില് ഒരു പക്ഷവും പിടിക്കാന് കെജ്രിവാള് തയ്യാറല്ല.
പാര്ട്ടിയെ കലാപങ്ങള് തന്നെ വേദനിപ്പിച്ചു എന്ന് പറയുമ്പോഴും കെജ്രിവാള് ആരെയും പേരെടുത്ത് കുറ്റപ്പെടുത്തുന്നില്ല. ദില്ലിയിലെ ജനങ്ങള് തങ്ങളുടെ മേല് അര്പിച്ച പ്രതീക്ഷയാണ് ഇല്ലാതാക്കുന്നതെന്നാണ് കെജ്രിവാള് പറയുന്നത്. തന്റെ പാര്ട്ടിയില് ഇങ്ങനെയൊക്കെ സംഭവിക്കുന്നതില് പ്രയാസമുണ്ട് എന്നും കെജ്രിവാള് മൈക്രോ ബ്ലോഗിംഗ് സൈറ്റായ ട്വിറ്ററിലൂടെ വ്യക്തമാക്കുന്നു.
കഴിഞ്ഞ തവണ മുഖ്യമന്ത്രിയായപ്പോഴത്തേത് പോലെയല്ല, വളരെ ശ്രദ്ധിച്ചാണ് അരവിന്ദ് കെജ്രിവാള് ഇത്തവണ തന്റെ രണ്ടാമിന്നിംഗ്സ് കളിക്കുന്നത്. ദില്ലിയിലെ തിരഞ്ഞെടുപ്പിന് മുമ്പായി ജനങ്ങളോട് ക്ഷമ ചോദിച്ചാണ് കെജ്രിവാള് മുഖ്യമന്ത്രി കസേരയില് എത്തുന്നത്. എന്നാല് യോഗേന്ദ്ര യാദവിനെയും പ്രശാന്ത് ഭൂഷണെയും പോലുള്ള സീനിയര് നേതാക്കള് പാര്ട്ടിയെ പ്രതിസന്ധിയിലാക്കിയിരിക്കുകയാണ്.
അടുത്ത പേജില്: ആപ്പ് പിളരുമോ, കെജ്രിവാളിന് ദു:ഖം