തൃശൂരിലെ ഏഴ് ഹോട്ടലുകളില് നിന്ന് പഴകിയ ഭക്ഷണം പിടികൂടി; പരിശോധന ശക്തമാകുന്നു
തൃശൂര്: തൃശൂര് നഗരത്തിലെ ഏഴ് ഹോട്ടലുകളില് നിന്ന് പഴകിയ ഭക്ഷണം പിടികൂടി. തൃശൂര് നഗരത്തിലെ കോര്പ്പറേഷന് ആരോഗ്യ വിഭാഗം ഹോട്ടലുകളില് മിന്നല് പരിശോധന നടത്തിയാണ് പഴകിയ ഭക്ഷണം പിടികൂടിയത്. നഗരത്തിലെ 45 ഹോട്ടലുകളിലാണ് ആരോഗ്യ വിഭാഗം പരിശോധന നടത്തിയത്. ഇതില് ഏഴ് ഹോട്ടലുകളില് നിന്നാണ് പഴകിയ ഭക്ഷണം പിടികൂടിയത്.
അമ്പക്കാടന് ജംഗ്ഷനിലെ അറേബ്യന് ഗ്രില്, മിഷന് കോട്ടേഴ്സിലെ ഹോട്ടല് ഈറ്റില്ലം, വികാസ് ബാബു സ്വീറ്റ്സ് നേതാജി ഹോട്ടര് ചെറൂര്, പ്രിയ ഹോട്ടല് കൊക്കാലെ. ചന്ദ്രമതി ആശുപത്രി കാന്റീന്. എം ജി റോഡിലെ ചന്ദ്ര ഹോട്ടല് എന്നിവിടങ്ങളില് നിന്നാണ് പഴകിയ ഭക്ഷണം പിടികൂടിയത്.
അതേസമയം, സംസ്ഥാനത്ത് ഭക്ഷ്യപരിശോധന കര്ശനമാക്കുന്നതിനിടെയാണ് ഹോട്ടലുകളില് നിന്ന് പഴകിയ ഭക്ഷണം പിടികൂടിയത്. ഇതിനിടെ കൊല്ലം ചാത്തന്നൂരില് ഭക്ഷ്യവിഷബാധയെന്ന് സംശയം. ശരീരിക അസ്വസ്ഥതകളെ തുടര്ന്ന് എട്ട് പേരെ ആശുപത്രിയില് പ്രവേശിപ്പിച്ചു. ചാത്തന്നൂരിലെ കുടുംബ ആരോഗ്യ കേന്ദ്രത്തിലാണ് പ്രവേശിപ്പിച്ചത്. കുടുംബശ്രീ വാര്ഷിക ആഘോഷ പരിപാടിക്കിടെ ഭക്ഷണം കഴിച്ചവരാണ് ചികിത്സ തേടിയത്. ഇവര്ക്ക് വയറുവേദനയും ഛര്ദ്ദിയും അനുഭവപ്പെടുകയായിരുന്നു. ചാത്തന്നൂരിലെ ഗണേഷ് ഫാസ്റ്റ് ഫുഡില് നിന്നാണ് ഭക്ഷണം വാങ്ങിയതെന്ന് സംഘാടകര് അറിയിച്ചു.
അതേസമയം, എഫ്.എസ്.എസ്. ആക്ട് പ്രകാരം മാനദണ്ഡങ്ങള് പാലിക്കാന് എല്ലാ ഭക്ഷ്യ സ്ഥാപനങ്ങളും ബാധ്യസ്ഥമാണെന്ന് ആരോഗ്യമന്ത്രി വീണ ജോര്ജ് നേരത്തെ ഭക്ഷണത്തില് മായം ചേര്ക്കുക എന്നത് ക്രിമിനല് കുറ്റമാണ്. നിയമപരമായി സ്വീകരിക്കാന് കഴിയുന്ന പരമാവധി നടപടികള് സ്വീകരിക്കും. ഒരിക്കല് ലൈസന്സ് സസ്പെന്ഡ് ചെയ്യപ്പെട്ടാല് ഭക്ഷ്യ സുരക്ഷാ കമ്മീഷണര് കണ്ട് മാത്രമേ ലൈസന്സ് പുതുക്കി നല്കുകയുള്ളൂ. ഭക്ഷ്യ സുരക്ഷയുമായി ബന്ധപ്പെട്ടുള്ള നിയമ തുടര് നടപടികള് വേഗത്തിലാക്കാന് ഭക്ഷ്യ സുരക്ഷാ കമ്മീഷണറുടെ ഓഫീസില് ഒരു പ്രത്യേക ഓഫീസറെ നിയോഗിക്കുന്നതാണ്.
ഫെബ്രുവരി മാസം മുതല് സംസ്ഥാനത്ത് കൂടുതല് ശക്തമായ പരിശോധനകളുണ്ടാകും. ലൈസന്സോ രജിസ്ട്രേഷനോ ഇല്ലാത്ത സ്ഥാപനങ്ങള് എത്രയും വേഗം ലൈസന്സ് എടുക്കണം. ഫെബ്രുവരി ഒന്നു മുതല് ഹൈല്ത്ത് കാര്ഡ് നിര്ബന്ധമാക്കിയിട്ടുണ്ട്. ഇവയില്ലെങ്കില് സ്ഥാപനത്തിന്റെ പ്രവര്ത്തനം നിര്ത്തിവയ്പ്പിക്കുന്നത് ഉള്പ്പെടെയുള്ള നിയമപരമായ നടപടി സ്വീകരിക്കുന്നതാണ്.
ഓരോ സ്ഥാപനവും ശുചിത്വ മേല്നോട്ടത്തിനായി സ്ഥാപനത്തിലെ ഒരാളെ ചുമതലപ്പെടുത്തേണ്ടതാണ്. അടപ്പിച്ച സ്ഥാപനങ്ങള് തുറന്നുകൊടുക്കുമ്പോള് മറ്റ് ന്യൂനതകള് പരിഹരിക്കുന്നതിനോടൊപ്പം ജീവനക്കാര്ക്ക് ഭക്ഷ്യ സുരക്ഷാ പരീശീലനം നിര്ബന്ധമാക്കിയിട്ടുണ്ട്. സ്ഥാപനം തുറന്ന ശേഷം ഒരു മാസത്തിനകം ഹൈജീന് റേറ്റിംഗിനായി രജിസ്റ്റര് ചെയ്യേണ്ടതാണ്.
Click it and Unblock the Notifications
Sign in with Google