വിവാഹാഘോഷത്തിനിടെ തീപിടുത്തം:25 മരണം
ദമാം: സൗദിയിലെ ദമാമില് വിവിഹാഘോഷത്തിനിടെ ഉണ്ടായ അഗ്നിബാധയില് 25 പേര് മരിക്കുകയും മുപ്പത് പേര്ക്ക് പരിക്കേല്ക്കുകയും ചെയ്യും. ചൊവ്വാഴ്ച രാത്രി അബ്ഖൈഖ് ഭാഗത്താണ് അപകടം സംഭവിച്ചിരിക്കുന്നത്. ദമാമില് നിന്നും 75 കിലോമീറ്റര് അകലെയാണിത്.
മരിച്ചവരില് ഇന്ത്യക്കാരാരും ഉള്പ്പെട്ടിട്ടില്ല എന്നാണ് റിപ്പോര്ട്ട്. വിവാഹ ആഘോഷത്തിനിടെ ചില യുവാക്കള് ആകാശത്തേക്ക് വെടി ഉതിര്ത്തതിനെ തുടര്ന്നാണ് അഗ്നിബാധയുണ്ടായത്. ഐന് ദാര് എന്ന ഗ്രാമത്തിലായിരുന്നു വിവാഹം.
വിവാഹ മണ്ഡപത്തിന് തൊട്ടടുത്ത് വെച്ചാണ് യുവാക്കള് വെടി ഉതിര്ത്തത്. വെടി ുതിര്ത്തപ്പോള് മണ്ഡപത്തിനു സമീപത്തെ വൈദ്യുതി കമ്പി പൊട്ടി വീണതാണ് തീപിടുത്തത്തിന് ഇടയാക്കിയത്.
വൈദ്യുതാഘാതം ഏറ്റും, തുടര്ന്നുണ്ടായ തീപിടുത്തത്തില് പൊള്ളലേറ്റും ആണ് മരണം സംഭവിച്ചിരിക്കുന്നത്. സ്ത്രീകളും കുട്ടികളും ഉണ്ട് മരിച്ചവരില്.
അരംകോ ആശുപത്രിയിലും, അബ്ഖൈഖ് ജനറല് ആശുപത്രിയിലും ആണ് പരിക്കേറ്റവരെ പ്രവേശിപ്പിച്ചിരിക്കുകയാണ്.
അപകടത്തില് പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്. അപകടത്തിന് കാരണമായ യുവാക്കള് ആരെല്ലാം ആണ് എന്ന് തിരിച്ചറയാനായിട്ടില്ല.