പ്രൊഫസർ ജോലി ഉപേക്ഷിച്ച് പച്ചക്കറി വിൽപനയുമായി പിഎച്ച്ഡിക്കാരൻ; കാരണം വെളിപ്പെടുത്തിയത് ഇങ്ങനെ...
നാല് ബിരുദാനന്തര ബിരുദവും, പിഎച്ച്ഡിയും കൈമുതലായുള്ള ഒരാൾ ഇപ്പോൾ പഞ്ചാബിലെ തെരുവുകളിൽ പച്ചക്കറി വിറ്റുനടക്കുകയാണ് എന്ന് പറഞ്ഞാൽ ഒരുപക്ഷേ നിങ്ങൾ വിശ്വസിക്കണമെന്നില്ല. പട്യാലയിലെ പഞ്ചാബി യൂണിവേഴ്സിറ്റിയിൽ താൽകാലിക പ്രൊഫസറായിരുന്ന ഡോ. സന്ദീപ് സിംഗിന്റെ ജീവിതം ഇന്ന് കാണുന്ന നിലയിലേക്ക് എത്തിയത് അപ്രതീക്ഷിതമായ ചില സംഭവ വികാസങ്ങളുടെ അകമ്പടിയോടെയാണ്.
നിർഭാഗ്യകരമായ ചില സാഹചര്യങ്ങൾ കാരണമാണ് അദ്ദേഹത്തിന് ജോലി ഉപേക്ഷിക്കേണ്ടി വന്നത്. 39 കാരനായ സന്ദീപ് പഞ്ചാബി സർവകലാശാലയിലെ നിയമ വിഭാഗത്തിൽ 11 വർഷത്തോളം കരാർ പ്രൊഫസറായി ജോലി ചെയ്തിരുന്നു. നിയമത്തിൽ പിഎച്ച്ഡി നേടിയ സന്ദീപിന് പഞ്ചാബി, ജേണലിസം, പൊളിറ്റിക്കൽ സയൻസ് എന്നിവയുൾപ്പെടെ നാല് വിഷയങ്ങളിൽ ബിരുദാനന്തര ബിരുദ യോഗ്യതയുമുണ്ട്.
ഇതിലെ ഏറ്റവും രസകരമായ കാര്യം എന്തെന്നാൽ ഇപ്പോൾ പച്ചക്കറി വിൽക്കുന്ന പ്രൊഫസർ ഇപ്പോഴും തന്റെ പഠനം തുടരുന്നു എന്നതാണ്. ജോലി സ്ഥലത്തെ അസമത്വം തന്നെയാണ് സന്ദീപ് എന്ന യുവാവിനെ ഇത്തരമൊരു തീരുമാനത്തിലേക്ക് തള്ളിവിട്ടത്. ശമ്പളം വെട്ടിക്കുറയ്ക്കൽ, ക്രമരഹിതമായ ശമ്പളം തുടങ്ങിയ പ്രശ്നങ്ങൾ നേരിട്ടതിനെ തുടർന്നാണ് പ്രൊഫസർ ജോലി ഉപേക്ഷിക്കാൻ അദ്ദേഹം നിർബന്ധിതനായത്.
'11 വർഷത്തോളം ഞാൻ പട്യാലയിലെ പഞ്ചാബി യൂണിവേഴ്സിറ്റിയിൽ പ്രൊഫസറായി ജോലി ചെയ്തിരുന്നു, എന്നാൽ ഇത്രയും വർഷത്തെ കഠിനാധ്വാനം കണക്കിലെടുത്ത് പോലും സർക്കാർ എന്നെ അംഗീകരിച്ചില്ല" സന്ദീപ് ചൂണ്ടിക്കാണിക്കുന്നു. തനിക്ക് ഇപ്പോഴും പ്രൊഫസറായി ജോലി ചെയ്യാൻ ആഗ്രഹമുണ്ടെന്നും, പക്ഷേ സാഹചര്യങ്ങൾ അനുവദിക്കുന്നില്ലെന്നും അദ്ദേഹം കൂട്ടിച്ചേർത്തു. ജീവിതകാലം മുഴുവൻ താൻ പഠനം തുടരുമെന്നാണ് സന്ദീപ് സിംഗ് പറയുന്നത്.
പ്രൊഫസറായി ജോലി നോക്കുന്ന സമയത്ത് കിട്ടിയതിനേക്കാൾ കൂടുതൽ പണം പച്ചക്കറി വിൽപ്പനയിലൂടെ സമ്പാദിക്കുന്നുണ്ടെന്ന് സന്ദീപ് സിംഗ് വെളിപ്പെടുത്തി. 'പിഎച്ച്ഡി സബ്സി വാല' എന്നെഴുതിയ സൈക്കിളിലാണ് സന്ദീപിന്റെ പച്ചക്കറി വിൽപന. പകൽ മുഴുവൻ ജോലി ചെയ്ത ശേഷം വൈകീട്ട് വീട്ടിലെത്തിയ ശേഷമാണ് അദ്ദേഹം പഠനം തുടരുന്നത്.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google