എംടി രമേശിനെ 'എയറില് നിര്ത്തി' സോഷ്യല് മീഡിയ! സൗജന്യ കിറ്റിലേക്ക് കേന്ദ്ര അരിയെന്ന്... ഉറപ്പായ പൊങ്കാല
എന്തുകൊണ്ടാണ് കേരളത്തില് ബിജെപി ക്ലച്ച് പിടിക്കാത്തത് എന്നത് കുറച്ച് കാലമായി നിലനില്ക്കുന്ന ഒരു ചോദ്യമാണ്. അതിന് ഒ രാജഗോപാല് പറഞ്ഞ ഒരു ഉത്തരം സോഷ്യല് മീഡിയയില് വൈറല് ആണ്.
കഴിഞ്ഞ ദിവസം സംസ്ഥാന ജനറല് സെക്രട്ടറിമാരില് ഒരാളായ എംടി രമേശ് ഫേസ്ബുക്കില് ഇട്ട പോസ്റ്റ് ഈ ചര്ച്ച വീണ്ടും ചൂടുപിടിപ്പിക്കുന്നുണ്ട്. പ്രധാനമന്ത്രി ഗരീബ് കല്യാണ് അന്നയോജന വഴി കേരളത്തിന് അരി എത്തിയെന്നും സൗജന്യ കിറ്റ് വിതരണം ഈ മാസം തുടരും എന്നും പറയുന്ന ഒരു പോസ്റ്റര് ആയിരുന്നു ഫേസ്ബുക്കില് പോസ്റ്റ് ചെയ്തത്. അപ്പോള് എയറില് കയറിയതാണ് അദ്ദേഹം. കാരണം കൂടി നോക്കാം...
ഇന്ത്യ-യുറോപ്യന് യുണിയന് യോഗത്തില് പങ്കെടുത്ത് പ്രധാനമന്ത്രി നരേന്ദ്ര മോദി, ചിത്രങ്ങള്
സൗജന്യ കിറ്റ്
സംസ്ഥാന സര്ക്കാര് നല്കുന്ന സൗജന്യ ഭക്ഷ്യ കിറ്റില് അരി ഇല്ല എന്നതാണ് യാഥാര്ത്ഥ്യം. അത് മനസ്സിലാക്കാതെ ആണ് എംടി രമേശ് ഇത്തരത്തില് ഒരു പോസ്റ്റ് ഫേസ്ബുക്കില് ഇട്ടത്. അപ്പോള് പിന്നെ പൊങ്കാല കിട്ടുന്നതില് എന്തെങ്കിലും അത്ഭുതമുണ്ടോ എന്നാണ് ചോദ്യം.
അരി വേറെ, കിറ്റ് വേറെ
അരി വേറെ, കിറ്റ് വേറെ എന്നത് പോലും രമേശ്ജിയ്ക്ക് അറിയില്ലേ എന്നാണ് ചിലര് പുച്ഛത്തോടെ ചോദിക്കുന്നത്. റേഷന് കട വഴിയുള്ള സൗജന്യ അരി വിതരണത്തില് കേന്ദ്ര സര്ക്കാരിന്റേയും സംസ്ഥാന സര്ക്കാരിന്റെ വിഹിതം തിരിച്ചുള്ള കണക്കും ചിലര് വ്യക്തമാക്കുന്നുണ്ട്.
പൊങ്കാലയോടെ പൊങ്കാല
ഒന്നും രണ്ടും പേരൊന്നും അല്ല എംടി രമേശിന്റെ ഈ പോസ്റ്റില് കമന്റ് ചെയ്തിരുന്നത്. നാലായിരത്തി അഞ്ഞൂറിലേറെ പേരാണ്. അതില് ഭൂരിപക്ഷം പേരും നല്ല 'പൊങ്കാല' ഇട്ടാണ് പോസ്റ്റില് നിന്ന് മടങ്ങിയിട്ടുള്ളതും.
നാട്ടില് ഇറങ്ങണം
രാഷ്ട്രീയ നേതാവാണ് എന്ന് പറഞ്ഞ് നടന്നതുകൊണ്ട് കാര്യമില്ല. എന്താണ് നാട്ടില് നടക്കുന്നത് എന്നെങ്കിലും മിനിമം അറിയണം എന്നാണ് ചിലരുടെ വിമര്ശനം. സ്വന്തം വീട്ടില് കിട്ടിയ കിറ്റില് എന്തായിരുന്നു ഉണ്ടായിരുന്നത് എന്നെങ്കിലും നോക്കിയിട്ട് വേണം ഇങ്ങനെ വ്യാജവിമര്ശനങ്ങള് ഉന്നയിക്കാന് എന്നും ചിലര് പറയുന്നുണ്ട്.
അറിയാഞ്ഞിട്ടല്ല
എംടി രമേശ് ഇത്തരം ഒരു ഫേസ്ബുക്ക് പോസ്റ്റ് ഇട്ടത് കാര്യങ്ങള് അറിയാഞ്ഞിട്ടല്ല എന്നാണ് ഒരു വിഭാഗത്തിന്റെ വിലയിരുത്തല്. മനപ്പൂര്വ്വം കുത്തിത്തിരിപ്പുണ്ടാക്കാനാണ് നീക്കമെന്ന് ഇവര് പറയുന്നു. കേന്ദ്ര വിഹിതമായ കിട്ടുന്ന അരി, റേഷന് കടകള് വഴി നിര്ദ്ദിഷ്ട കാര്ഡ് ഉടമകള്ക്ക് കൃത്യമായി ലഭിക്കുന്നുണ്ട് എന്നും ഇവര് പറയുന്നു.
ഗ്യാസ് സബ്സിഡിയുടെ കാര്യം
മുമ്പ് പാചക വാതക സബ്സിഡിയുടെ കാര്യം ചോദിച്ചപ്പോള് ബിജെപി സംസ്ഥാന അധ്യക്ഷന് കെ സുരേന്ദ്രന് പറഞ്ഞ മറുപടിയും മലയാളികള് മറന്നിട്ടില്ല. സബ്സിഡി നിര്ത്തിയിട്ടില്ലെന്നും രണ്ട് മാസം മുമ്പ് വരെ തനിക്ക് കിട്ടിയിരുന്നു എന്നുമാണ് അദ്ദേഹം പറഞ്ഞത്. എന്നാല് പാചകവാതക സബ്സിഡി കിട്ടിയിട്ട് അപ്പോള് തന്നെ മാസങ്ങള് ആയിരുന്നു.
കേന്ദ്രത്തിന്റെ അരി
കേന്ദ്ര സര്ക്കാര് നല്കുന്ന അരി കേരളത്തില് ബിപിഎല് കാര്ഡ് ഉള്ളവര്ക്ക് മാത്രമാണ് ലഭിക്കുന്നത് എന്നും ചിലര് എംടി രമേശിനെ ഓര്മിപ്പിക്കുന്നുണ്ട്. കേരളത്തില് സംസ്ഥാന സര്ക്കാര് എപിഎല്, ബിപിഎല് വ്യത്യാസമില്ലാതെ എല്ലാവര്ക്കും സൗജന്യ കിറ്റ് നല്കുന്ന കാര്യവും ഓര്മിപ്പിക്കുന്നുണ്ട്.
വേറിട്ട ലുക്കില് നടി ദക്ഷ നാഗര്ക്കര്: ചിത്രങ്ങള് കാണാം
-
പത്തനംതിട്ടയിൽ അഞ്ചിടത്തും പഞ്ചതന്ത്രം പയറ്റി മുന്നണികൾ -
‘ഒന്ന് മാറിത്തന്നൂടെ...’- ഇനി അപരന്മാർക്ക് ഡിമാന്റുള്ള രണ്ടുനാൾ -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
'പാലക്കാട് നേമം ആവർത്തിക്കാനുളള പുറപ്പാട്, ബിജെപിയെ നേരിടേണ്ടത് കോമഡി കൊണ്ടല്ല', രമേഷിനെതിരെ ഐസക് -
ആരും കേരളത്തിൽ സർക്കാരുണ്ടാക്കാം, നേരിയ മുൻതൂക്കം ഈ മുന്നണിക്ക്, വോട്ട് വൈബ് സര്വ്വേ ഫലം പറയുന്നത് -
ത്രികോണപ്പോര് മുറുകി തലസ്ഥാന ജില്ല, മൂന്ന് ഹോട്ട്സ്പോട്ടുകൾ -
രാജീവ് ഗാന്ധിയുടെ സോറി- ‘ഡീൽ’ ആരോപണം ചൂടുപിടിക്കുമ്പോൾ മൂന്നര പതിറ്റാണ്ടിനിപ്പുറവും ലൈവായി ‘കോലീബി സഖ്യം’ -
സാങ്കേതിക പിഴവ്; ബിജെപി സീലിൽ വിശദീകരണവുമായി തിരഞ്ഞെടുപ്പ് കമ്മീഷൻ -
പിണറായിയുടേത് 'സംഘി ക്യാബിനറ്റ്'! പിഷാരടിയെ തൊട്ടാൽ വിവരം അറിയും; ആഞ്ഞടിച്ച് ഷാഫി പറമ്പിൽ -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..!
Click it and Unblock the Notifications
Sign in with Google