Click it and Unblock the Notifications
Just In
Don't Miss
-
എത്ര വെള്ളി കാശിനാ ജാസ്മിനെ നീ ഈ പാവത്തിനെ ഒറ്റിയത് ? ഈ സീസണിലെ റിയല് പോരാളി ജിന്റോ -
IPL 2024: ഡുപ്ലെസിയുടെ മാരക പ്ലാന്! 'ദുരന്തം' ബൗളിങ് വച്ച് കളി ജയിച്ചതെങ്ങനെ? അറിയാം -
മുടിയുടെ കരുത്ത് ഉറപ്പ് നല്കും മുട്ട, വീട്ടില് എളുപ്പത്തില് തയ്യാറാക്കാവുന്ന എഗ്ഗ് ഹെയര്പാക്കുകള് -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
മാധ്യമം ചാനല്‍ പത്തിന് കണ്ണുതുറക്കും
കോഴിക്കോട്: മാധ്യമം ബ്രോഡ്കാസ്റ്റിംഗ് ലിമിറ്റഡിന്റെ മീഡിയ വണ്‍ ചാനല്‍ ഈ മാസം പത്തിന് സംപ്രേഷണം തുടങ്ങും. വൈകീട്ട് നാല് മണിയ്ക്ക് സ്വപ്‌നനഗരിയില്‍ നടക്കുന്ന ചടങ്ങില്‍ ചാനലിന്റെ സംപ്രേഷണ ഉദ്ഘാടനം കേന്ദ്ര പ്രതിരോധ മന്ത്രി എ കെ ആന്റണി നിര്‍വ്വഹിക്കും. ചടങ്ങ് മുഖ്യമന്ത്രി ഉമ്മന്‍ ചാണ്ടി ഉദ്ഘാടനം ചെയ്യും.
മീഡിയ വണ്‍ ഹെഡ് ക്വാര്‍ട്ടേഴ്‌സ് ബില്‍ഡിംഗ് പ്രതിപക്ഷ നേതാവ് വി എസ് അച്യുതാനന്ദനും ന്യൂസ് സ്റ്റുഡിയോ വ്യവസായവകുപ്പ് മന്ത്രി പി കെ കുഞ്ഞാലിക്കുട്ടിയും ഉദ്ഘാടനം ചെയ്യും. വെബ്‌സൈറ്റ് പ്രകാശനം സാംസ്‌കാരികവകുപ്പ് മന്ത്രി കെ സി ജോസഫും സിഗ്നേച്ചര്‍ മ്യൂസിക് പ്രകാശനം സംവിധായകന്‍ രഞ്ജിത്തും നിര്‍വ്വഹിക്കും. പ്രോഗ്രാം സ്റ്റുഡിയോ എം എ യുസഫലി ഉദ്ഘാടനം ചെയ്യും.
മാധ്യമം ബ്രോഡ്കാസ്റ്റിംഗ് ലിമിറ്റഡിന്റെ എന്റര്‍ടെയ്ന്‍മെന്റ് ചാനലായ മീഡിയ വണ്‍ ലൈഫും പ്രവാസികള്‍ക്കായുള്ള ചാനലായ മീഡിയ വണ്‍ ഗ്ലോബലും വൈകാതെ തന്നെ സംപ്രേഷണം ആരംഭിക്കുമെന്ന് മാധ്യമബ്രോഡ്കാസ്റ്റിംഗ് ലിമിറ്റഡ് മാനേജിംഗ് ഡയറക്ടര്‍ ഡോ. അബ്ദുസലാം അഹമ്മദ്, ഗ്രൂപ്പ് എഡിറ്റര്‍ ഒ അബ്ദുറഹിമാന്‍ എന്നിവര്‍ അറിയിച്ചു.
കോഴിക്കോട് മെഡിക്കല്‍ കോളജിന് സമീപം വെള്ളിപറമ്പിലാണ് മീഡിയ വണ്ണിന്റെ ആസ്ഥാന മന്ദിരവും സ്റ്റുഡിയോ കോംപ്ലക്‌സും പ്രവര്‍ത്തനമാരംഭിക്കുന്നത്. വാര്‍ത്തകള്‍ക്കും വിനോദപരിപാടികള്‍ക്കും തുല്യപ്രാധാന്യം നല്‍കിയാണ് മീഡിയ വണ്‍ സംപ്രേക്ഷണം ആരംഭിക്കുക.
മാധ്യമം ഗ്രൂപ്പ് മുറുകെ പിടിക്കുന്ന മൂല്യങ്ങളില്‍ വിട്ടുവീഴ്ച ചെയ്യാതെ സിനിമയും സിനിമാധിഷ്ഠിത പരിപാടികളും മീഡിയ വണ്‍ സംപ്രേക്ഷണം ചെയ്യുമെന്ന് പ്രോഗ്രാംസ് സീനിയര്‍ ജനറല്‍ മാനേജര്‍ ഷിബു ചക്രവര്‍ത്തി, ഡെപ്യൂട്ടി സി ഇ ഒ എം സാജിദ്, ചീഫ് ഓപ്പറേറ്റിംഗ് ഓഫിസര്‍ എം വെങ്കിട്ടരാമന്‍, എഡിറ്റര്‍ ഇന്‍ ചീഫ് സി എല്‍ തോമസ്, മാനേജിംഗ് എഡിറ്റര്‍ സുനില്‍ ഹസന്‍ എന്നിവര്‍ അറിയിച്ചു.
