മരണത്തിന് തൊട്ടുമുമ്പ് ശരീരം നൽകുന്ന സൂചനകൾ; ഞെട്ടിക്കുന്ന പഠനം

മരണം എന്ന അനിവാര്യത എപ്പോഴും മനുഷ്യരാശിക്ക് ഒരു നിഗൂഢതയാണ്. ഒരാളുടെ മരണ സമയത്ത് അവരുടെ ശ്വസനം മന്ദഗതിയിലാകുകയോ, വേഗത്തിലാകുകയോ, ഹൃദയമിടിപ്പ് ദുർബലമാകുകയോ, കൈകാലുകൾ തണുക്കുകയോ, കണ്ണുകൾ പകുതി തുറന്നിരിക്കുകയോ ചെയ്യുന്നത് പലരും നിരീക്ഷിച്ചിട്ടുണ്ട്. എന്നാൽ ഈ അവസ്ഥയിലെത്തുമ്പോൾ ഒരാൾക്ക് അവരുടെ മനസ്സിലൂടെ കടന്ന് പോകുന്ന ചിന്തകൾ എന്താണെന്ന് ആരെങ്കിലും ആലോചിച്ചിട്ടുണ്ടോ?

യഥാർത്ഥത്തിൽ പരലോകത്തിലേക്കെന്ന പോലെ ഒരു 'വെളുത്ത വെളിച്ചം' കാണുന്നുണ്ടോ അതോ അവരുടെ പഴയ ഓർമ്മകൾ ഒരു സിനിമ പോലെ കൺമുന്നിൽ മിന്നിമറയുന്നുണ്ടോ? അടുത്തിടെ, ശാസ്ത്രജ്ഞർ ഒരു പഠനത്തിൽ ഈ നിഗൂഢത മറനീക്കാനായി ശ്രമിച്ചു. അതിനാൽ, ശാസ്ത്രത്തിന്റെ വീക്ഷണത്തിൽ നിന്ന്, ഒരു വ്യക്തി മരിക്കുമ്പോൾ ഉള്ളിൽ എന്താണ് തോന്നുന്നതെന്ന് നമുക്ക് പരിശോധിക്കാം.

Metro.co.uk പ്രശസ്ത ജേണൽ പ്രസിദ്ധീകരിച്ച ഒരു റിപ്പോർട്ട് അനുസരിച്ച് , ശരീരത്തിന്റെ പ്രവർത്തനം നിലയ്ക്കുമ്പോഴും, തലച്ചോറിന്റെ ചില ഭാഗങ്ങൾ സജീവമായി തുടരുന്നു. മരണത്തിന് തൊട്ടുമുമ്പ് "ഗാമാ ആന്ദോളനങ്ങൾ" എന്നറിയപ്പെടുന്ന മസ്തിഷ്ക തരംഗങ്ങൾ വർദ്ധിക്കുന്നതായി ഗവേഷകർ കണ്ടെത്തി. സ്വപ്നം കാണുമ്പോഴോ, ധ്യാനിക്കുമ്പോഴോ, പഴയ ഓർമ്മകൾ പുനരുജ്ജീവിപ്പിക്കുമ്പോഴോ നമുക്ക് അനുഭവപ്പെടുന്ന അതേ തരംഗങ്ങളാണിവ.

മരണസമയത്ത്, ഒരു വ്യക്തിക്ക് തന്റെ ജീവിതത്തിലെ ഏറ്റവും മികച്ച നിമിഷങ്ങൾ ഒരു സിനിമ ഫ്ലാഷ്ബാക്ക് എന്ന പോലെ അനുഭവപ്പെടാം. ഈ അനുഭവങ്ങളെ മരണത്തോടടുത്ത അനുഭവങ്ങൾ എന്ന് വിളിക്കുന്നു, അതിൽ മരിക്കുന്ന വ്യക്തി പ്രിയപ്പെട്ടവരുടെ മുഖം കണ്ടതായി റിപ്പോർട്ട് പറയുന്നു. ഹൃദയാഘാതം സംഭവിച്ച രോഗികളിൽ തലച്ചോറിന്റെ പ്രവർത്തനം രേഖപ്പെടുത്തി നടത്തിയ ഈ കണ്ടെത്തൽ, മരണം വെറുമൊരു ഇരുണ്ട യാത്രയല്ല, മറിച്ച് ഒരു സംതൃപ്തിദായകമായ യാത്രയാണെന്ന് സൂചിപ്പിക്കുന്നു. അതിനാൽ മരണസമയത്ത് മനുഷ്യ മസ്തിഷ്കം "ജീവിത ഓർമ്മകൾ" എന്നറിയപ്പെടുന്ന ഒരു അവസ്ഥയിലേക്ക് പ്രവേശിക്കുമെന്ന് ശാസ്ത്രജ്ഞർ വിശ്വസിക്കുന്നു.

2023-ൽ ഫ്രോണ്ടിയേഴ്‌സ് ഇൻ ഏജിംഗ് ന്യൂറോ സയൻസിൽ പ്രസിദ്ധീകരിച്ച മറ്റൊരു പഠനത്തിൽ, മരണത്തിന് തൊട്ടുമുമ്പ്, ഷട്ട്ഡൗൺ ചെയ്യുന്നതിന് പകരം, തലച്ചോറ് കൂടുതൽ സജീവമാവുകയും ഹൃദയം നിലച്ചതിനുശേഷവും കുറച്ചുനേരം സജീവമായി തുടരുകയും ചെയ്യുന്നുവെന്ന് കണ്ടെത്തി. യുഎസിലെ ലൂയിസ്‌വില്ലെ സർവകലാശാലയിലെ ന്യൂറോ സർജനായ ഡോ. അജ്മൽ ജെമറിന്റെ നേതൃത്വത്തിൽ നടത്തിയ പഠനത്തിൽ, അപസ്മാരം ബാധിച്ച് ഇഇജി ഉപയോഗിച്ച് ചികിത്സയിലായിരുന്ന 87 വയസ്സുള്ള ഒരു രോഗിക്ക് ഹൃദയാഘാതം സംഭവിക്കുകയും മരിക്കുകയും ചെയ്തു. രോഗിയുടെ ഹൃദയം നിലച്ചപ്പോൾ, ഹൃദയസ്തംഭനത്തിന് ശേഷം ഏകദേശം 30 സെക്കൻഡ് നേരത്തേക്ക് ഉയർന്ന തലത്തിലുള്ള തലച്ചോർ പ്രവർത്തനം നിലനിൽക്കുമെന്ന് അദേഹം നിരീക്ഷിച്ചു.

മരണത്തോടടുത്ത അനുഭവമുള്ള ആളുകൾ പലപ്പോഴും ഇരുണ്ടതും തുരങ്കം പോലുള്ളതുമായ ഒരു ഇടവഴിയും അവസാനം ഒരു വെളുത്ത വെളിച്ചവും കാണുന്നുവെന്ന് അവകാശപ്പെടുന്നുവെന്ന് ശാസ്ത്രജ്ഞർ പറയുന്നു. ഹൃദയം പ്രവർത്തിക്കുന്നത് നിർത്തുമ്പോൾ, തലച്ചോറിലേക്കുള്ള രക്തയോട്ടം നിലയ്ക്കുകയും ഓക്സിജൻ കുറയുകയും ചെയ്യുന്നു. കണ്ണുകളുടെ റെറ്റിനയും തലച്ചോറിന്റെ വിഷ്വൽ കോർട്ടക്സും തമ്മിലുള്ള ബന്ധം തടസ്സപ്പെടുകയും, ടണൽ വിഷൻ എന്ന ഒരു പ്രതിഭാസം സൃഷ്ടിക്കപ്പെടുകയും ചെയ്യുന്നു. അതുകൊണ്ടാകാം ആളുകൾക്ക് ഇരുണ്ട തുരങ്കത്തിലൂടെ വെളിച്ചത്തിലേക്ക് നടക്കുന്നതായി തോന്നുന്നത്.

മരണത്തോട് അടുക്കുമ്പോൾ തലച്ചോറ് വലിയ അളവിൽ എൻഡോർഫിനുകളും മറ്റ് ന്യൂറോകെമിക്കലുകളും പുറത്തുവിടുന്നുവെന്ന് ഗവേഷണങ്ങൾ തെളിയിച്ചിട്ടുണ്ട്. ശരീരത്തിലെ ഭയവും വേദനയും കുറയ്ക്കാൻ ഈ രാസവസ്തുക്കൾ പ്രവർത്തിക്കുന്നു, അതുകൊണ്ടാണ് ജീവിതത്തിലേക്ക് തിരിച്ചുവന്നവരോ മരിച്ചവരിൽ നിന്ന് ബോധം വീണ്ടെടുത്തവരോ ആയ ആളുകൾക്ക് വിചിത്രമായ ഒരു സമാധാനവും ശാന്തതയും അനുഭവപ്പെടുന്നത്.

English summary

According to scientists, this is what happens to you at the moment of death