കേരളത്തെ ഭ്രാന്താലയമാക്കരുത്: ആന്റണി
തിരുവനന്തപുരം: സൂക്ഷിച്ചില്ലെങ്കില് കേരളം വീണ്ടും ഭ്രാന്താലയമാകുമെന്നും അതിന് നാം അനുവദിക്കരുതെന്നും മുഖ്യമന്ത്രി ആന്റണി. ചെമ്പഴന്തി ഗുരുകുലത്തില് 149ാമത് ശ്രീനാരായണഗുരു ജയന്തിയാഘോഷത്തോടനുബന്ധിച്ച് മതസൗഹാര്ദ്ദ സമ്മേളനം ഉദ്ഘാടനം ചെയ്യുകയായിരുന്നു ആന്റണി.
കേരള ഭ്രാന്താലയം ആകാതിരിക്കാന് മതസൗഹാര്ദ്ദം പുലര്ത്തണം. വീണ്ടുമൊരു ഭ്രാന്താലയമാകുന്നതില് നിന്നും കേരളത്തെ തടയേണ്ടത് രാഷ്ട്രീയ-മത നേതാക്കളാണ്. - ആന്റണി പറഞ്ഞു.
അന്യന്റെ വിശ്വാസങ്ങളോടും ആചാരങ്ങളോടും സഹിഷ്ണുത പുലര്ത്തണം. ശ്രീനാരായണഗുരു ഏല്പിച്ച പൈതൃകം കാത്തുസൂക്ഷിക്കണം. ആധുനിക കേരളത്തിന്റെ നവോത്ഥാനനായകനാണ് ശ്രീനാരായണഗുരു. -മുഖ്യമന്ത്രി പറഞ്ഞു. സമ്മേളനത്തിന് മുമ്പ് ശ്രീനാരായണഗുരു ജനിച്ച ചെമ്പഴന്തിയിലെ വയല്വാരം വീട് മുഖ്യമന്ത്രി സന്ദര്ശിച്ചു.
മന്ത്രി ബാബുദിവാകരന് ചടങ്ങില് അധ്യക്ഷനായിരുന്നു. എം.എ. വാഹിദ് എംഎല്എ, സ്വാമി സൂക്ഷ്മാനന്ദ, എന്എസ്എസ് പ്രസിഡന്റ് അഡ്വ. പി.വി. നീലകണ്ഠപിള്ള, ആര്ച്ച് ബിഷപ്പ് സിറിള് മാര് ബസേലിയസ്, ചങ്ങനാശേരി ഇമാം പാങ്ങോട് ആര്. അബ്ദുള് അസീസ് മൗലവി എന്നിവര് പ്രസംഗിച്ചു.