ഗോള്‍ഫ് ക്ലബ്: ഹര്‍ജി ചൊവ്വാഴ്ചയിലേക്ക് മാറ്റി

കൊച്ചി: ഗോള്‍ഫ് ക്ലബ് ഏറ്റെടുക്കാനുളള സര്‍ക്കാര്‍ നീക്കത്തിനെതിരെ ക്ലബ്ബ് ഭാരവാഹികള്‍ സമര്‍പ്പിച്ച ഹര്‍ജി പരിഗണിക്കുന്നത് ഹൈക്കോടതി ചൊവ്വാഴ്ചയിലേക്ക് മാറ്റി.

ഗോള്‍ഫ് ക്ലബ് ഏറ്റെടുത്തു കൊണ്ടുള്ള സര്‍ക്കാര്‍ ഉത്തരവ് പിന്‍വലിക്കണമെന്ന ഹര്‍ജി നേരത്തെ തിരുവനന്തപുരം ജില്ലാ കോടതി തള്ളിയിരുന്നു. തുടര്‍ന്നാണ് ക്ലബ് അംഗങ്ങള്‍ ഹൈക്കോടതിയെ സമീപിച്ചത്. അതേസമയം കേസ് പരിഗണിക്കുന്നതില്‍ നിന്ന് ജസ്റ്റിസ് പിഎന്‍ രവീന്ദ്രന്‍ പിന്‍മാറി.

ഡിസംബര്‍ നാലാം തീയതി ആയിരുന്നു ഗോള്‍ഫ് ക്ലബ് ഏറ്റെടുക്കാന്‍ സംസ്ഥാന സര്‍ക്കാര്‍ തീരുമാനിച്ചത്. ക്ലബ് ഏറ്റെടുക്കലുമുണ്ടായ സംഭവവികാസങ്ങള്‍ സര്‍ക്കാരിന് ഏറെ നാണക്കേടുണ്ടാക്കിയ പശ്ചാത്തലത്തില്‍ ഹൈക്കോടതി നിര്‍ദ്ദേശങ്ങള്‍ അനുസരിച്ചായിരുന്നു നടപടിക്രമങ്ങള്‍ പൂര്‍ത്തിയാക്കിയത്. ക്ലബ് ഏറ്റെടുക്കുമെന്ന് അറിയിച്ചു കൊണ്ടുള്ള നോട്ടീസ് സര്‍ക്കാര്‍ ഗോള്‍ഫ് ക്ലബ് അധികൃതര്‍ക്ക് കഴിഞ്ഞയാഴ്ച കൈമാറിയിരുന്നു.