എന്താണ് സ്‌ക്വയര്‍ ഓഫ് ടൈം?

ഇന്‍ട്രാഡേ ട്രേഡിങ് നടത്തുന്നവര്‍ക്കുള്ള സ്‌ക്വയര്‍ ഓഫ് എപ്പോഴാണെന്ന് മനസ്സിലാക്കി വയ്ക്കണം. ചില കമ്പനികള്‍ 2.45നും മറ്റു ചിലവ 3.15നുമാണ് ഇത് സെറ്റ് ചെയ്തിട്ടുള്ളത്. ഐ.സി.ഐ.സി ഐ ബാങ്ക് 3.10നു സ്‌ക്വയര്‍ ഓഫ് ചെയ്യാറുണ്ട്. എന്താണ് സ്‌ക്വയര്‍ ഓഫ്? നിങ്ങള്‍ ഒരു ഓഹരി ഇന്‍ട്രാഡേയില്‍ വാങ്ങിയാലോ വിറ്റാലോ അത് അന്നു തന്നെ വില്‍ക്കുകയോ വാങ്ങുകയോ വേണം.

അതല്ലെങ്കില്‍ വാങ്ങിയത് ഡെലിവറിയാക്കി മാറ്റണം. ഇന്നു തരാമെന്നു പറഞ്ഞ് നിങ്ങള്‍ ഒരു സാധനം വാങ്ങിയാല്‍ അത് ഇന്നു തന്നെ കൊടുക്കണമെന്നു ചുരുക്കം. ഇനി അങ്ങനെ നിങ്ങള്‍ കൊടുത്തില്ലെങ്കില്‍ നിശ്ചിതസമയത്തില്‍ അത് വില്‍പ്പനയാവുകയും ലാഭമാണെങ്കില്‍ ലാഭം നഷ്ടമാണെങ്കില്‍ അത് നിങ്ങളുടെ എക്കൗണ്ടില്‍ എത്തുകയും ചെയ്യും.

ഏതായാലും ട്രേഡിങ് ആവശ്യങ്ങള്‍ക്കായി ഒരു സ്ഥാപനം തിരഞ്ഞെടുക്കുകയാണ്. ഈ സ്ഥാപനത്തിന് ഓണ്‍ലൈനായി ഐ.പി.ഒകളും മ്യൂച്ചല്‍ഫണ്ടുകളും നല്‍കാനുള്ള ശേഷിയുണ്ടെങ്കില്‍ അത് നല്ലതല്ലേ? ഈ സൗകര്യങ്ങളെല്ലാം ഉള്ള പ്ലാറ്റ്‌ഫോമാണോ കമ്പനി നല്‍കുന്നത്?
ഒരു നല്ല കമ്പനിയുടെ ഐ.പി.ഒ(ആദ്യമായി വിപണിയില്‍ ഓഹരി വില്‍പ്പനയ്‌ക്കെത്തുക) പുറത്തിറങ്ങുകയാണ്. വാങ്ങണമെന്നാഗ്രഹമുണ്ട്. അതിനായി നീളമുള്ള ഫോമുകള്‍ പൂരിപ്പിച്ചുകൊടുക്കാനോ വരി നില്‍ക്കാനോ സമയമില്ലെങ്കില്‍ എന്തു ചെയ്യും.

പല പ്രമുഖ കമ്പനികളും ഐ.പി.ഒകളും മ്യൂച്ചല്‍ഫണ്ടുകളും ഇന്‍ഷുറന്‍സ് ഉല്‍പ്പന്നങ്ങളും ഓണ്‍ലൈനായി നല്‍കുന്നുണ്ട്. അക്കാര്യം കൂടി ചോദിച്ചു മനസ്സിലാക്കുക. മുകളില്‍ പറഞ്ഞ കാര്യങ്ങളെല്ലാം മനസ്സിലാക്കിയതിനുശേഷം ഓഹരി വിപണിയില്‍ പരിചയമുള്ള ഒരാളുമായി ചര്‍ച്ച നടത്തിയതിനുശേഷം കമ്പനി തിരഞ്ഞെടുക്കുക. ട്രേഡിങിന്റെ തുടക്കത്തിലും ഇയാളുടെ ഉപദേശം സ്വീകരിക്കേണ്ടത് അത്യാവശ്യമാണ്.

If you would also like to contribute or ask

us a question, then e-mail to malayalam (at)

oneindia (dot) co (dot) in. You can

contact at e (dot) shinod (at) oneindia

(dot) co (dot) in

oneindia.in DISCLAIMER: The

views expressed in this article are the

views of the author and do not reflect the

views of our company. oneindia.in

does not take any responsibility for any

losses incurred by investors who take

their cues from the above article

English summary

How we can select a good online share trading firm.You select your self or identify the top online stock brockers in india, through some simple methods. Tips and Tricks to identify good online broker