എസ്ഐ തെറ്റ് ചെയ്തിട്ടില്ലെന്ന് ഐജി റിപ്പോര്ട്ട്
യൂത്ത് കോണ്ഗ്രസ് നേതാവിനെ എസ്ഐ മര്ദ്ദിച്ചെന്നാരോപിച്ചാണ് സുധാകരന് പോലിസ് സ്റ്റേഷനില് 'വിളയാട്ടം' നടത്തിയത്. മണല്കടത്തിയ രണ്ടു പേരെ അറസ്റ്റ് ചെയ്ത പോലിസ് നടപടി ചോദ്യം ചെയ്ത കല്ലിക്കോടന് രാഗേഷ് എന്ന പ്രാദേശിക നേതാവ് പോലിസുകാരെ കൈയേറ്റം ചെയ്യാന് ശ്രമിച്ചതാണ് പ്രശ്നങ്ങളുടെ തുടക്കം.
രാഗേഷിനെ മര്ദ്ദിച്ചുവെന്നാരോപിച്ചുകൊണ്ട് സ്റ്റേഷനിലെത്തിയ സുധാകരന് രാഗേഷിനെ വിട്ടുതരണമെന്ന് ആവശ്യപ്പെട്ട് എസ്ഐയുടെ മുറിയിലേക്ക് തള്ളികയറി ഭീഷണിപെടുത്തുകയുമായിരുന്നു. എംപിയും എംഎല്എമാരായ കെഎംഷാജിയും അബ്ദുല്ലക്കുട്ടിയും അടങ്ങിയ സംഘം യൂത്ത് കോണ്ഗ്രസ് നേതാവിനെ മോചിപ്പിച്ച് കൊണ്ടു പോവുകയും ചെയ്തു.
കേരള പോലിസ് ആക്ടിലെ 117ാം വകുപ്പ് പ്രകാരം സുധാകരനെതിരേ കേസെടുത്തിട്ടുണ്ട്. പോലിസ് ഉദ്യോഗസ്ഥനെതിരേ നടപടിയുണ്ടാകില്ലെന്നും സംഭവത്തെ കുറിച്ച് ഐജി അന്വേഷിക്കുമെന്നുമുള്ള ആഭ്യന്തരമന്ത്രി തിരുവഞ്ചൂര് രാധാകൃഷ്ണന്റെ പ്രതികരണം കോണ്ഗ്രസിലെ ഗ്രൂപ്പ് വഴക്ക് വീണ്ടു സജീവമാക്കിയിരുന്നു.