68ശതമാനം പാലും മായം;പെയിന്റ്-യൂറിയ വരെ പാലില്
ദില്ലി: ഇന്ത്യയില് വില്ക്കപ്പെടുന്ന 68ശതമാനം പാലും പാല് ഉത്പ്പന്നങ്ങളും ഭക്ഷ്യ സുരക്ഷാമാനദണ്ഡങ്ങള് പാലിക്കാത്തവയാണെന്ന് കേന്ദ്രം സുപ്രീം കോടതിയെ അറിയിച്ചു. ഗ്രാമങ്ങളില് നിന്നും നഗരങ്ങളില് നിന്നും ശേഖരിച്ച കവര് പാലുകളിലും വീടുകളില് നിന്നും മറ്റും വിതരണം ചെയ്യുന്ന പാലിലും മായം കലരുന്നുണ്ടെന്ന് കണ്ടെത്തി. ഫുഡ് സേഫ്റ്റി ആന്റ് സ്റ്റാന്ഡേര്ട്സ് മാനദണ്ഡങ്ങള് പാലിക്കാത്തവയാണ് രാജ്യത്ത് വിതരണം ചെയ്യുന്ന പാലും പാല് ഉത്പ്പന്നങ്ങളും.
സ്വാമി അച്യുതാനന്ദ് തീര്ത്ഥ് കോടതിയില് നല്കിയെ പൊതു താല്പ്പര്യ ഹര്ജിപരിഗണിക്കവേയാണ് കോടതി ഇക്കാര്യം പറഞ്ഞത്. പാലില് യൂറിയ, ഡിറ്റര്ജന്റുകള്, എണ്ണ, കാസ്റ്റിക് സോഡ, വെളുത്ത പെയിന്റ് എന്നിവ ചേര്ക്കുന്നതായും പരാതിക്കാരന് ആരോപിച്ചിരുന്നു.
ഉത്തര്പ്രദേശില് നിന്ന് 136 സാംമ്പിളുകള് പരിശോധിച്ചവയില് ഭക്ഷ്യസുരക്ഷാമാനദണ്ഡങ്ങള് പാലിക്കുന്നവ 17 എണ്ണം മാത്രമാണ് ഉള്ളത്. ബാക്കി 88 ശതമനം പാലും പാല് ഉത്പ്പന്നങ്ങളും മായം ചേര്ത്തതവയാണ്.