രാഷ്ട്രീയപാര്ട്ടികള്ക്ക് വിവരാവകാശനിയമംബാധകമല്ല?
പൊതു അധികാരസ്ഥാപനങ്ങളെന്നനിലയില് രാഷ്ട്രീയപാര്ട്ടികള് വിവരാവകാശനിയമത്തിന്റെ പരിധിയില് വരുമെന്ന് കേന്ദ്രതെരഞ്ഞെടുപ്പ് കമ്മീഷന് ഉത്തരവിട്ടിരുന്നു. കോണ്ഗ്രസ്, ബിജെപി, സിപിഎം, സിപിഐ, എന്സിപി, ബി എസ് പി, എസ് പി തുടങ്ങിയ ആറ് രാഷ്ട്രീയ പാര്ട്ടികള്ക്കാണ് കമ്മീഷന് ഉത്തരവയച്ചിരുന്നത്. എന്നാല് വിവരാവകാശനിയമത്തില് രാഷ്ട്രീയ പാര്ട്ടികളെ പൊതു അധികാര സ്ഥപനങ്ങളായി കണക്കാക്കിയിരുന്ന നിയമം ഭേദഗതി ചെയ്യാനാണ് രാഷ്ട്രീയ പാര്ട്ടികള് ഇപ്പോള് ശ്രമിയ്ക്കുന്നത്.
രാഷ്ട്രീയപാര്ട്ടികള് വിവരാവകാശ നിയമത്തിന്റെ പരിധിയില് വന്നാല് അവരുടെ സ്വത്ത് വിവരങ്ങള് , പാര്ട്ടികള്ക്ക് പണം നല്കുന്ന സംഘടനകള് വ്യക്തികള് എന്നിയെപ്പറ്റിയുള്ള വിവരങ്ങളെല്ലാം വിവരാവകാശനിയമത്തിലൂടെ പൊതുജനത്തിന് അറിയാന് കഴിയും. എന്നാല് നിയമം ഭേദഗതി ചെയ്തുകഴിഞ്ഞാല് ഇവയൊന്നും നടപ്പാകില്ല. എന്നാല് രാഷ്ട്രീയപാര്ട്ടികളുടെ സ്വത്ത് വിവരം വെളിപ്പെടുത്തുന്നതിനോട് സിപിഐ ക്ക് എതിര്പ്പില്ല. നിയമം ഭേദഗതി ചെയ്യുന്നതിനോട് കേന്ദ്രമന്ത്രി വീരപ്പ മൊയ്ലി വിയോജിപ്പ് രേഖപ്പെടുത്തി. എന്നാല് രാഷ്ട്രീപാര്ട്ടികളുടെ ശക്തമായ ആവശ്യത്തെത്തുടര്ന്ന് നിയമം ഭേദഗതി ചെയ്യുകയേ നിവര്ത്തിയുള്ളൂ എന്ന് നഗരവികസനകാര്യ വകുപ്പ് മന്ത്രി കമല്നാഥ് പറഞ്ഞു. വിവരാവകാശ നിയമപ്രകാരം പൊതുഭരണസ്ഥാപനങ്ങളെപ്പറ്റിയും മറ്റുമുള്ള വിവരങ്ങള് അറിയാന് സാധിയ്ക്കും.