രണ്ടു വര്ഷത്തെ ഇടവേള; ആലപ്പുഴയ്ക്ക് ആവേശം പകര്ന്ന് സ്വാതന്ത്ര്യദിനാഘോഷം
ആലപ്പുഴ: രണ്ടു വര്ഷത്തെ ഇടവേളയ്ക്കുശേഷം വിപുലമായി സംഘടിപ്പിച്ച സ്വാതന്ത്ര്യ ദിനാഘോഷം ഏറ്റെടുത്ത് ആലപ്പുഴയിലെ പൊതു സമൂഹം. രാജ്യത്തിന്റെ 75ാം സ്വാതന്ത്യദിനത്തില് ആലപ്പുഴ പോലീസ് പരേഡ് ഗ്രൗണ്ടില് നടന്ന ജില്ലാതല ആഘോഷച്ചടങ്ങ് വീക്ഷിക്കാന് സ്ത്രീകളും കുട്ടികളും വയോജനങ്ങളും ഉള്പ്പെടെ വന് ജനാവലിയെത്തി.
രാവിലെ 8.40ന് ആരംഭിച്ച ആഘോഷ പരിപാടികള്ക്കായി വളരെ നേരത്തെതന്നെ ആളുകള് എത്തിത്തുടങ്ങി. ദേശീയ പതാകകള് വീശിയും ഹര്ഷാരവം മുഴക്കിയും ജനം മാര്ച്ച് പാസ്റ്റിന് പിന്തുണയറിച്ചു. ഭാരത് സ്കൗട്ട്സ് ആന്റ് ഗൈഡ്സിന്റെ കബ്സ്, ബുള് ബുള് പ്ലറ്റൂണുകളില് അണിനരന്ന കുട്ടികള് നിറഞ്ഞ കയ്യടി നേടി.
കോവിഡ് പ്രോട്ടോക്കോള് പാലിച്ച് തെര്മല് സ്കാനിംഗ് നടത്തി സാനിറ്റൈസര് നല്കിയാണ് സന്ദര്ശകരെ ആഘോഷ വേദിയിലേക്ക് പ്രവേശിപ്പിച്ചത്. കോവിഡ് പ്രതിരോധ നിയന്ത്രണങ്ങള് നിലനിന്നിരുന്നതിനാല് 2020, 2021 വര്ഷങ്ങളില് പൊതുജന പങ്കാളിത്തമില്ലാതെ പരിമിതമായ രീതിയിലാണ് സ്വാതന്ത്യദിനാഘോഷം സംഘടിപ്പിച്ചിരുന്നത്.
പരേഡിലെ മികവിനുള്ള പുരസ്കാരം ആംഡ് വിഭാഗത്തില് എസ്.ഐ. ഹരിശങ്കര് നയിച്ച ലോക്കല് പോലീസ് പ്ലറ്റൂണ് നേടി. എന്.സി.സി വിഭാഗത്തില് മിധുന് എം. നായരുടെ നേതൃത്വത്തിലുള്ള എസ്.ഡി. കോളേജ് സീനിയര് ബോയിസ് പ്ലാറ്റൂണും സ്കൗട്ട് വിഭാഗത്തില് സിനാജ് നയിച്ച ലിയോ തെര്ട്ടീന്ത് എച്ച്.എസ്.എസ് പ്ലറ്റുണും ഗൈഡ്സ് വിഭാഗത്തില് ഇസാ സജിമോന് ലീഡറായ സെന്റ് ആന്റണീസ് എച്ച്.എസ് പ്ലറ്റൂണും സമ്മാനം നേടി.
അക്ഷയ ജോഷ് നയിച്ച ലിയോ തെര്ട്ടീന്ത് എല്.പി.എസ് പ്ലറ്റൂണും സഫ്റയുടെ നേതൃത്വത്തിലുള്ള സെന്റ് ജോസഫ്സ് എല്.പി.എസ് പ്ലറ്റൂണും യഥാക്രമം കബ്സ്, ബുള് ബുള് വിഭാഗങ്ങളില് സമ്മാനര്ഹമായി. അംബേദ്കര് മെമ്മോറിയല് മോഡല് റെസിഡന്ഷ്യല് സ്കൂള് എസ്.പി.സി. പ്ലറ്റൂണിനെ നയിച്ച കെ.എസ്. പൂജയാണ് മികച്ച പ്ലറ്റൂണ് കമാന്ഡര്. മികച്ച ബാന്ഡ് ട്രൂപ്പായി ആലപ്പുഴ ലജത്തുല് മുഹമ്മദീയ ഹയര് സെക്കന്ഡറി സ്കൂള് ടീമിനെ തിരഞ്ഞെടുത്തു.
ഗ്ലാമറസ് ഓവര്ലോഡഡ്; എസ്തറിന്റെ പൊളി ഫോട്ടോഷൂട്ട്, അടിപൊളി ലുക്കെന്ന് ആരാധകര്
പരേഡ് കമാന്ഡറായ ചേര്ത്തല പോലീസ് സ്റ്റേഷന് ഹൗസ് ഓഫീസര് വിനോദ് കുമാറിനും സായുധ സേന പതാക ദിനത്തോടനുബന്ധിച്ച് ഏറ്റവും കൂടുതല് തുക സമാഹരിച്ച വിദ്യഭ്യാസ സ്ഥാപനമായ ആലപ്പുഴ എസ്.ഡി.വി. ഇംഗ്ലീഷ് മീഡിയം സ്കൂള്, വിദ്യാഭ്യാസ ഇതര വിഭാഗത്തില് രജിസ്ട്രാര് സഹകരണ സംഘം ആലപ്പുഴ എന്നിവയ്ക്കും ചടങ്ങില് മന്ത്രി ഉപഹാരങ്ങള് നല്കി.
അതേസമയം, ജനാധിപത്യത്തിന്റെ കാവല്ഭടന്മാരാകാന് ഓരോ പൗരനും പ്രതിജ്ഞയെടുക്കണമെന്ന് കാര്ഷിക വികസന-കര്ഷക ക്ഷേമ വകുപ്പ് മന്ത്രി പി. പ്രസാദ് നിര്ദേശിച്ചു. രാജ്യത്തിന്റെ 75-ാം സ്വാതന്ത്ര്യ ദിനത്തില് ആലപ്പുഴ പോലീസ് പരേഡ് ഗ്രൗണ്ടില് നടന്ന ജില്ലാതല ആഘോഷച്ചടങ്ങില് ദേശീയ പതാക ഉയര്ത്തിയശേഷം സ്വാതന്ത്ര്യദിന സന്ദേശം നല്കുകയായിരുന്നു അദ്ദേഹം.
ഒരുപാട് വെല്ലുവിളികളെ അതിജീവിച്ച് മുന്നേറിയ രാജ്യമാണ് ഇന്ത്യ. സ്വാതന്ത്ര്യാനന്തരം രാജ്യം കൈവരിച്ച നേട്ടങ്ങളെല്ലാം ഓരോ പൗരനും അഭിമാനത്തിന് വകനല്കുന്നതാണ്. ഐതിഹാസികമായ ഈ പ്രയാണത്തിനു മുന്നില് ഇപ്പോഴും പ്രതിസന്ധികള് ഉയരുന്നു. ഇവയെ അതിജീവിച്ച് മുന്നോട്ടു പോകുന്നതിന് ജനാധിപത്യവും മതനിരപേക്ഷതയും മാനവികതയും ഉയര്ത്തിപ്പിടിച്ച് സ്വാതന്ത്ര്യം കാത്തു സംരക്ഷിക്കുമെന്ന് പ്രതിജ്ഞ ചെയ്യാന് നമുക്ക് കഴിയണം.
സ്വാതന്ത്ര്യത്തെ അപകടത്തിന്റെ അഴിമുഖങ്ങളിലേക്ക് കൊണ്ടുപോകുന്ന പ്രവണതകള്ക്കെതിരെ നിലയുറപ്പിക്കാന് സ്വാതന്ത്ര്യത്തിനുവേണ്ടി പോരാടിയ ധീരദേശാഭിമാനികളുടെ സ്മരണ നമുക്ക് കരുത്താകണം. യുദ്ധങ്ങളും കലാപങ്ങളും മാരക രോഗങ്ങളും കാലാവസ്ഥാ വ്യതിയാനവുമൊക്കെ സൃഷ്ടിക്കുന്ന പ്രതിസന്ധികളോടു പൊരുതി ലോകം മുന്നോട്ടു പോകുന്ന ഈ കാലഘട്ടത്തില് സ്വാതന്ത്ര്യത്തിന്റെയും ജനാധിപത്യത്തിന്റെയും സോഷ്യലിസത്തിന്റെയുമൊക്കെ അര്ത്ഥവ്യാപ്തി വര്ധിക്കുന്നു. ദേശസ്നേഹം എന്നാല് കേവലം ഒരു പ്രദേശത്തോടുള്ള സ്നേഹമല്ല, നാടിനോടും ജനതയോടും പ്രകൃതിയോടുമുള്ള സ്നേഹമാണ്. മനുഷ്യനും പ്രകൃതിയും കേന്ദ്രബിന്ദുവാകുന്ന വികസനത്തെ ഉയര്ത്തിപ്പിടിച്ച് മുന്നോട്ടു പോകുവാന് നമുക്ക് സാധിക്കണം- മന്ത്രി പറഞ്ഞു.
-
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ
Click it and Unblock the Notifications
Sign in with Google