Click it and Unblock the Notifications
Just In
Don't Miss
-
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
ജാസ്മിനും ഗബ്രിയും ഫേക്ക് ആണ്, അവരുടെ ബന്ധം സത്യമല്ല! ബിഗ് ബോസിലെ അവസ്ഥകളെ പറ്റി യമുന റാണി -
1 കോടി രൂപ സമ്പാദ്യം എന്നത് യാഥാർത്ഥ്യമാക്കാം, ഇതാണ് നിക്ഷേപ പദ്ധതി, ഇന്ന് തന്നെ തുടങ്ങൂ... -
41,000 വര്ഷങ്ങള്ക്ക് മുമ്പ് ഭൂമിയില് അസാധാരണ നിലയില് കോസ്മിക് റേഡിയേഷന് ഉണ്ടായി -
IPL 2024: റിഷഭാണ് കൂടുതല് മിടുക്കന്, സഞ്ജുവിന് ആ 2 കഴിവുമില്ല! തുറന്നടിച്ച് എബിഡി -
ഐപിഎല് ശമ്പളം 16 കോടി, ബിസിസിഐ നല്കുന്നത് 7 കോടി; എന്നിട്ടും രോഹിത് ശര്മ കറങ്ങുന്നത് മാരുതി കാറില്‍ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
യാചകന്‍മാര്‍ക്കും രക്ഷയില്ല, വിമാനത്തില്‍ നാട്ടിലെത്തിക്കാമെന്ന് പറഞ്ഞു, ഒടുവില്‍ തട്ടിയെടുത്തത്...
ചേര്‍ത്തല: ലോക്ഡൗണിനെ തുടര്‍ന്ന് കേരളത്തില്‍ ഒരുപാട് പേര്‍ കുടുങ്ങി പോയിട്ടുണ്ട്. പലരും പലപേരിലും തട്ടിപ്പിനിരയാവുന്നുണ്ട്. എന്നാല്‍ ഇതുവരെ കേട്ടിട്ടില്ലാത്ത ഒരു തട്ടിപ്പിനിരയായത് ഒരു യാചകനാണ്. ലോക്ഡൗണിനെ തുടര്‍ന്ന് നാല് മാസമായി നാട്ടിലേക്ക് പോകാനാവാതെ കുടുങ്ങിയിരിക്കുകയാണ് ഈ യാചകന്‍. ഭക്ഷണം പോലും കിട്ടാതെ പ്രതിസന്ധിയിലാണ് ഇയാള്‍. നാട്ടുകാര്‍ അന്വേഷിച്ചപ്പോഴാണ് കാര്യം അറിഞ്ഞത്.
വിമാനത്തില്‍ നാട്ടിലെത്തിക്കാമെന്ന് പറഞ്ഞ് സുഹൃത്ത് 11000 രൂപയോളം തട്ടിയെടുത്തെന്നാണ് പരാതി. അര്‍ത്തുങ്കല്‍ ബീച്ചില്‍ ഡിടിപിസി പാര്‍ക്കിനോട് ചേര്‍ന്ന് താമസിക്കുന്ന തമിഴ്‌നാട് തിരുവണ്ണാമലയില്‍ അമാവാസിയാണ് ലോക്ഡൗണിനെ തുടര്‍ന്ന് കുടുങ്ങി പോയത്. കേരളത്തില്‍ 48 വര്‍ഷത്തോളമായി ഭിക്ഷാടനം നടത്തിവരികയാണ് അമാവാസി. മേഖലയില്‍ അമാവാസിജാക്‌സണ്‍ എന്നാണ് ഇയാള്‍ അറിയപ്പെടുന്നത്.
Recommended Video
ചേര്‍ത്തല താലൂക്കിലെ വിവിധ ആരാധനാലങ്ങളിലും വീടുകളിലും ഭിക്ഷാടനം നടത്തിയായിരുന്നു ജീവിതം. ആറ് മാസം കൂടുമ്പോള്‍ വീട്ടില്‍ പോയി സമ്പാദ്യമെല്ലാം നല്‍കും. മരിച്ചുപോയ ചേട്ടന്റെ ഭാര്യയും രണ്ട് പെണ്‍മക്കളുമാണ് അവിടെയുള്ളത്. ഭിക്ഷാടനത്തിന് പോയാല്‍ ദിവസം 300 രൂപയോളം ലഭിക്കും. നൂറ് രൂപയുടെ പരമാവധി ചെലവ് കഴിഞ്ഞ് മിച്ചംപിടിക്കുമെന്ന് അമാവാസി പറയുന്നു.
കഴിഞ്ഞ ഡിസംബറിലാണ് അമാവാസി അവസാനമായി നാട്ടില്‍ പോയത്. ലോക്ഡൗണ്‍ കാലത്ത് ഭിക്ഷാടനത്തിന് പോയെങ്കിലും നാട്ടുകാരും പോലീസും ചേര്‍ന്ന് പിടികൂടി തിരിച്ചയച്ചു. തുടര്‍ന്ന് മുമ്പ് ഒരുമിച്ച് ഭിക്ഷാടനം നടത്തിയ മട്ടാഞ്ചേരിയിലെ സുഹൃത്തിനെ ഓട്ടോയില്‍ പോയി കണ്ടു. ഇയാള്‍ നെടുമ്പാശ്ശേരിയില്‍ നിന്നും ചെന്നൈയിലേക്ക് വിമാനത്തില്‍ ഒരുമിച്ച് പോകാമെന്നും വിമാനക്കൂലിയും വിമാനത്താവളത്തില്‍ നിന്നും കാറില്‍ പോകാനായി 11000 രൂപയും വാങ്ങിച്ചു. പിന്നീട് വിളിച്ചിട്ട് ഫോണ്‍ എടുക്കുന്നില്ലെന്നും ജാക്‌സണ്‍ പറയുന്നു. അര്‍ത്തുങ്കലില്‍ പരിചിതര്‍ നല്‍കുന്ന ഭക്ഷണം കഴിച്ചാണ് ഇയാള്‍ ദിവസം തള്ളി നീക്കുന്നത്.
