ഭര്ത്താവ് ഹൂതി വിമതരുടെ തടവില്, ഭാര്യ യുക്രൈനിലെ ബോംബ് ഷെല്ട്ടറില്; കണ്ണീര്ക്കയത്തില് ഒരു മലയാളി കുടുംബം
ആലപ്പുഴ: കായംകുളം ചേപ്പാട് സ്വദേശികളായ അഖില്-ജിതിന ദമ്പതികളും കുടുംബവും അഭിമുഖീകരിക്കുന്നത് സമാനതകളില്ലാത്ത ദുരന്തം. ഹൂതി വിമതര് തട്ടിയെടുത്ത യു എ ഇ കപ്പലിലെ ജീവനക്കാരനായ അഖിലടക്കമുള്ളവരെ ബന്ദികളാക്കിയിട്ട് രണ്ട് മാസം പിന്നിടുകയാണ്. അതിനിടെയാണ് യുക്രൈനില് കഴിയുന്ന ഭാര്യ ജിതിന യുദ്ധഭീതിയില് അകപ്പെട്ടിരിക്കുന്നത്. കീവിലെ ബോംബ് ഷെല്ട്ടറില് മണിക്കൂറുകളായി കഴിയുകയാണ് ജിതിന. കീവ് മെഡിക്കല് യൂണിവേഴ്സിറ്റിയിലെ മെഡിക്കല് വിദ്യാര്ത്ഥിനിയാണ് ജിതിന. ജീവന് പണയം വച്ചാണ് ഇടയ്ക്ക് ഫ്ളാറ്റിലെത്തി ഫോണ് ചാര്ജ് ചെയ്ത് മറ്റുള്ളവരെ ബന്ധപ്പെടുന്നതെന്ന് ജിതിന പറയുന്നു.
റഷ്യയുടെ മിസൈലാക്രമണത്തില് നിന്ന് രക്ഷ തേടി കാര്പാര്ക്കിലെ ബോംബ് ഷെല്ട്ടറിലാണ് ജിതിനയും സഹപാഠികളും കഴിയുന്നത്. അഞ്ച് സഹപാഠികളും ഇവിടെയുണ്ട്. മറ്റ് രണ്ടു സുഹൃത്തുക്കളെ കുറിച്ച് യാതൊരു വിവരവുമില്ലെന്ന് കുടുംബാംഗങ്ങള്ക്ക് അയച്ച വീഡിയോ സന്ദേശത്തില് ജിതിന പറയുന്നു. തിരുവനന്തപുരം സ്വദേശികളായ സഹോദരങ്ങളും വയനാട്, തമിഴ്നാട് എന്നിവിടങ്ങളില് നിന്നുള്ളവരുമാണ് ജിതിനയ്ക്കൊപ്പമുള്ളത്.
(ചിത്രം കടപ്പാട്- ദി ന്യൂ ഇന്ത്യന് എക്സ്പ്രസ്)
കഴിഞ്ഞ വര്ഷം ഓഗസ്റ്റ് 20 നാണ് അഖിലും ജിതിനയും വിവാഹിതരായത്. സെപ്റ്റംബറില് അഖില് യു എ ഇയിലേക്കും ജിതിന യുക്രൈനിലേക്കും മടങ്ങുകയായിരുന്നു. കായംകുളം രാമപുരത്ത് ആലഞ്ഞിലിമൂട്ടില് വിജയകുമാറിന്റെയും വീണയുടെയും മകളാണ് ജിതിന. 14 ദിവസത്തെ ക്വാറന്റൈനിനു ശേഷം ഒക്ടോബര് 10 നാണ് അഖില് കമ്പനിയില് വീണ്ടും ചേര്ന്നത്.
കഴിഞ്ഞ വര്ഷം ഡിസംബര് 31 ന് ചെങ്കടലില് നിന്ന് തട്ടിക്കൊണ്ടുപോയ ലിവ മറൈന്റെ ഉടമസ്ഥതയിലുള്ള റവാബീ എന്ന കപ്പലിലായിരുന്നു അഖില് ഉണ്ടായിരുന്നത്. വിമതരുടെ നിയന്ത്രണത്തില് കപ്പല് നങ്കൂരമിട്ടിരിക്കുന്ന സന തുറമുഖത്ത് നിന്ന് ഏതാനും തവണ കുടുംബവുമായി ബന്ധപ്പെട്ടിട്ടുണ്ടെന്ന് അഖിലിന്റെ സഹോദരന് രാഹുല് പറയുന്നു. താന് സുരക്ഷിതനാണെന്ന് അദ്ദേഹം പറയുന്നു, പക്ഷേ അദ്ദേഹത്തെയും ആറ് ഇന്ത്യക്കാര് ഉള്പ്പെടെ മറ്റ് 14 ജീവനക്കാരെയും രക്ഷിക്കാന് ഒരു നീക്കവും ഉണ്ടായിട്ടില്ല,' രാഹുല് പറഞ്ഞു.
യെമനിലെ സോഹോത്ര ദ്വീപില് സൗദി അറേബ്യയുടെ ഫീല്ഡ് ആശുപത്രിയിലെ സാധന സാമഗ്രികള് തെക്കന് സൗദിയിലേക്കു കൊണ്ടുപോകവേയാണ് ഹൂതി വിമതര് അഖില് സഞ്ചരിച്ച കപ്പല് തട്ടിയെടുത്തത്. ഹൂതി വിമതരെ ആക്രമിക്കാനുള്ള ആയുധങ്ങള് ഉണ്ടെന്നാരോപിച്ചാണ് ഹൂതി വിമതര് കപ്പല് തട്ടിയെടുത്തത്. അഖിലിന്റെ മോചനത്തിനായി കേന്ദ്രസര്ക്കാരിന് പല നിവേദനങ്ങള് നല്കി കാത്തിരിക്കവേയാണ് ജിതിന യുദ്ധഭൂമിയില് കുടുങ്ങിയ വിവരം കുടുംബാംഗങ്ങളെ തേടിയെത്തിയത്.
-
വിദേശത്തുളളവർ ജോലി പോയി നാട്ടിലേക്ക് മടങ്ങേണ്ടി വരും, വീട് പണി നിർത്തേണ്ടി വരും, നാൾഫലം അറിയാം -
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ...
Click it and Unblock the Notifications
Sign in with Google