ഇടുക്കിയിൽ കാപ്പി കര്‍ഷകര്‍ ദുരിതത്തിൽ; വിളവെടുപ്പ് സീസണിൽ പെരുമഴ

ഇടുക്കി: വി​ള​വെ​ടു​പ്പ് കാലമായപ്പോഴേക്കും തുടരെ തുടരുന്ന പെയ്യുന്ന പെ​രു​മ​ഴ കാ​പ്പി ക​ർ​ഷ​ക​രെ ദു​രി​ത​ത്തി​ലാ​ക്കി. കഴിഞ്ഞ രണ്ട് ആഴ്ചകാലമായി ഹൈ​റേ​ഞ്ച് മേ​ഖ​ല​യി​ല്‍ തു​ട​ർ​ച്ച​യാ​യി മ​ഴ​ പെയ്യുന്ന സാഹചര്യമാണ് നില നിൽക്കുന്നത്. കട്ടപ്പനയിലെ മി​ക്ക തോ​ട്ട​ങ്ങ​ളി​ലും കാ​പ്പി​ക്കു​രു പ​ഴു​ത്തു ​തു​ട​ങ്ങി. അ​ടു​ത്ത​ ആഴ്ചയിൽ കർഷർക്ക് വി​ള​വെ​ടു​പ്പ്​ തു​ട​ങ്ങേ​ണ്ട​താ​ണ്. മഴ കൊണ്ട് ഉണ്ടാകുന്ന പ്രതിസന്ധി കർഷകരെ നിലവിൽ ദുരിതത്തിലാക്കിയിരിക്കുന്നു.

വി​ള​വെ​ടു​പ്പ് കാലമായപ്പോഴേക്കും തുടരെ തുടരുന്ന പെയ്യുന്ന പെ​രു​മ​ഴ കാ​പ്പി ക​ർ​ഷ​ക​രെ ദു​രി​ത​ത്തി​ലാ​ക്കി. കഴിഞ്ഞ രണ്ട് ആഴ്ചകാലമായി ഹൈ​റേ​ഞ്ച് മേ​ഖ​ല​യി​ല്‍ തു​ട​ർ​ച്ച​യാ​യി മ​ഴ​ പെയ്യുന്ന സാഹചര്യമാണ് നില നിൽക്കുന്നത്. കട്ടപ്പനയിലെ മി​ക്ക തോ​ട്ട​ങ്ങ​ളി​ലും കാ​പ്പി​ക്കു​രു പ​ഴു​ത്തു ​തു​ട​ങ്ങി. അ​ടു​ത്ത​ ആഴ്ചയിൽ കർഷർക്ക് വി​ള​വെ​ടു​പ്പ്​ തു​ട​ങ്ങേ​ണ്ട​താ​ണ്. മഴ കൊണ്ട് ഉണ്ടാകുന്ന പ്രതിസന്ധി കർഷകരെ നിലവിൽ ദുരിതത്തിലാക്കിയിരിക്കുന്നു.

ക​ഴി​ഞ്ഞ വ​ര്‍ഷ​വും ഇ​തി​ന് സ​മാ​ന സ്ഥി​തി​യാ​യി​രു​ന്നു കട്ടപ്പനയിൽ ഉണ്ടായത്. അന്ന് വി​ള​വെ​ടു​പ്പി​ന്​ പി​ന്നാ​ലെ അ​പ്ര​തീ​ക്ഷി​ത​മാ​യി മ​ഴ പെ​യ്​​തു. തു​ട​ർ​ന്ന് നി​ര​വ​ധി ക​ര്‍ഷ​ക​രു​ടെ കാ​പ്പി​ക്കു​രു ഉ​ണ​ക്കാ​നാ​വാ​തെ പൂ​പ്പ​ല്‍ ബാ​ധി​ച്ച്​ ന​ശി​ച്ചു. കാപ്പി കുരുവിലെ വിലയിടിവിനെ തുടർന്ന് ക​ര്‍ഷ​ക​ര്‍ കാ​പ്പി​ കൃ​ഷി കൂ​ട്ട​ത്തോ​ടെ ഉ​പേ​ക്ഷി​ക്കാൻ ഇടയായ തീരുമാനത്തിലാണ് കാ​ലാ​വ​സ്ഥ​ വീണ്ടും തി​രി​ച്ച​ടി​യാ​കു​ന്ന​ത്. ഇടുക്കി ജില്ലയിൽ ഏകദേശം 5290 ഹെക്‌ടർ കാപ്പി കൃഷിയാണ് നിലവിൽ ഉള്ളത്. 8000 കർഷകരാണ് കാപ്പി കൃഷിയെ ആശ്രയിച്ചു കഴിയുന്നതും.

കാ​ലം​ തെ​റ്റി​യ കാലാവസ്ഥയിലുണ്ടാകുന്ന മഴയിൽ കാ​പ്പി​ച്ചെ​ടി​ക​ളി​ല്‍ കു​രു പാ​ക​മാ​കു​ന്ന​ത് വി​വി​ധ ഘ​ട്ട​ങ്ങ​ളി​ലാ​യാ​ണ്. ഇ​തും ക​ര്‍ഷ​ക​ര്‍ക്ക് പ്രതിസന്ധിയായി മാറി. പ​ല ഘ​ട്ട​ങ്ങ​ളി​ലാ​യാണ് കാപ്പി കൃഷിയുടെ വിളവെടുപ്പ് നടക്കുന്നത്. ഇത്തരത്തിൽ പല തവണ വി​ള​വെ​ടു​പ്പ് ന​ട​ത്തു​മ്പോ​ള്‍ ക​ര്‍ഷ​ക​രു​ടെ ചെ​ല​വും ഇ​ര​ട്ടി​യാ​കു​ക​യാ​ണ്. ക​ഴി​ഞ്ഞ ദി​വ​സ​ങ്ങ​ളി​ലു​ണ്ടാ​യ പെ​രു​മ​ഴ​യി​ല്‍ കാ​പ്പി​ച്ചെ​ടി​ക​ളി​ല്‍നി​ന്ന്​ വ്യാ​പ​ക​മാ​യി കൊ​ഴി​ച്ചി​ലും ഉ​ണ്ടാ​യിരുന്നു.

കാലങ്ങളായി കാ​പ്പി​ക്കു​രു​വി​ന് വി​ല ഉ​യ​രാ​ത്ത​താ​ണ്​ ക​ര്‍ഷ​ക​ര്‍ വ്യാ​പ​ക​മാ​യി കൃ​ഷി ഉ​പേ​ക്ഷി​ക്കാ​ൻ കാ​ര​ണമായ പ്രധാന കാരണം. മുൻ വർഷങ്ങളെ അപേക്ഷിച്ച് കാപ്പിക്കുരു ഉല്‍പാദനത്തിൽ നല്ല കുറവാണ് ഉണ്ടായിരിക്കുന്നത്. തൊഴിലാളി ക്ഷാമവും കർഷകരെ പ്രതിസന്ധിയിലാക്കുന്നു. ചെറുകിട കർഷകർ പലരും സ്വന്തം സ്വന്തം നിലക്കാണ് കാപ്പി കൃഷി പരിപാലിച്ചു വരുന്നത്. ഇപ്പോൾ വിലത്തകർച്ചയും നേരിട്ടതോടെ കാപ്പി കര്‍ഷകര്‍ മറ്റ് കൃഷികളിലേക്ക് തിരിയുകയാണ്. എങ്കിലും വര്‍ഷങ്ങളുടെ അധ്വാനം കൊണ്ടുണ്ടാക്കിയ കാപ്പിച്ചെടികൾ വെട്ടിക്കളയുവാൻ കർഷരുടെ മനസും അനുവദിക്കുന്നില്ല. ഹൈ​റേ​ഞ്ച് മേ​ഖ​ല​യി​ലെ കാ​പ്പി​ത്തോ​ട്ട​ങ്ങ​ള്‍ക്ക് ബ്രി​ട്ടീ​ഷ് ഭ​ര​ണ​കാ​ല​ത്തോ​ളം പ​ഴ​ക്ക​മു​ണ്ടെന്നാണ് പറയുന്നത്.

ഇവയിൽ പ​ല​തും ഇപ്പോൾ വെ​ട്ടി​മാ​റ്റി. നി​ല​വി​ലെ സ്ഥി​തി തു​ട​ര്‍ന്നാ​ല്‍ ഏ​താ​നും വ​ര്‍ഷ​ങ്ങ​ള്‍ക്കു​ള്ളി​ല്‍ ജി​ല്ല​യി​ല്‍ കാ​പ്പി കൃ​ഷി അ​ന്യ​മാ​കു​മെ​ന്ന ആ​ശ​ങ്ക​യു​മു​ണ്ട്. കാ​പ്പി​ക്കു​രു കി​ലോ​ക്ക്​ 72 രൂ​പ​യും പ​രി​പ്പി​ന് 130 രൂ​പ​യു​മാ​ണ് ഇ​പ്പോ​ൾ വിപണി വി​ല. ഇ​ത് കൂ​ലി​ച്ചെ​ല​വി​ന് പോ​ലും മ​തി​യാ​കി​ല്ലെ​ന്ന്​ ക​ർ​ഷ​ക​ർ വ്യക്തമാക്കുന്നു.
കഴിഞ്ഞ ഒരാഴ്ചയായി കേരളത്തിലുടനീളം നല്ല മഴയാണ് ഉണ്ടാകുന്നത്. ഇതിന്റെ സാഹചര്യത്തിൽ സംസ്ഥാനത്ത് മഴ മുന്നറിയിപ്പുകളും നൽകിയിരുന്നു. പല ജില്ലകളിൽ ഉരുൾപൊട്ടലും ഉണ്ടായി. ഇത്തരത്തിൽ നേരിടേണ്ടി വരുന്ന കാലാവസ്ഥാ വ്യതിയാനങ്ങൾ കർഷകരെ ഏറെ ദുരിതത്തിലാക്കി.

English summary

heavy rains during the harvest period idukki coffee farmers in deep crisis