Click it and Unblock the Notifications
Just In
Don't Miss
-
T20 World Cup 2024: ആരേയും ഭയമില്ല, അടിച്ചുതകര്ക്കും; അഷുതോഷ് ടി20 ലോകകപ്പ് ടീമില് വേണോ? -
ആ തെറ്റിദ്ധാരണ മൂലം അവസരങ്ങള് വരാതായി, കാസ്റ്റ് ചെയ്യണമെന്ന് ആഗ്രഹിച്ചവര് പോലും വരാതായി: അനന്യ -
കാത്തിരുന്നൊരു കാമുകിയെ കിട്ടിയോ; കൈവിട്ടു പോകാതിരിക്കാന് ശ്രദ്ധിക്കേണ്ട 8 കാര്യം -
അവധി ഇത്തവണ ഹൗറയിൽ... ബെംഗളുരുവിൽ നിന്ന് കൊൽക്കത്തയുടെ ഇരട്ട നഗരത്തിലേക്ക് പോകാം, സ്പെഷ്യൽ ട്രെയിൻ -
ഹൃദയം തകർത്ത് ഓഹരി വിപണി, ഇന്നും ഇടിവോടെ തുടക്കം, നാല് ദിവസത്തെ നഷ്ടം 9 ലക്ഷം കോടി -
റിയൽമി ഇത് എന്ത് ഭാവിച്ചാണാവോ! 10000 രൂപയിൽ താഴെ വിലയിലെ വേഗമേറിയ 5ജി ഫോൺ വരുന്നു -
കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി
പ്രളയക്കെടുതി: ഒറ്റപ്പെടലില്‍ നിന്ന് കരകയറാതെ ഇടുക്കിയിലെ പൂത്തലനിരപ്പും കുത്തുപ്പാറയും
വെള്ളത്തൂവല്‍: പ്രളയകെടുതിയുടെ ഇരുള്‍മൂടി മേഘങ്ങള്‍ ഒറ്റപെടുത്തിയ ഒരു പ്രദേശമുണ്ട് വെള്ളത്തൂവല്‍ പഞ്ചായത്തില്‍. മഴ തോരാതെ പെയ്തിറങ്ങിയപ്പോള്‍ മലയിടിച്ചിലിലും ഉരുള്‍പൊട്ടലിലും ദിവസങ്ങളോളമാണ് വെള്ളത്തൂവല്‍ പഞ്ചായത്തിലെ പൂത്തലനിരപ്പ്, കുത്തുപ്പാറ നിവാസികള്‍ പുറംലോകവുമായി യാതൊരുവിധ ബന്ധങ്ങളുമില്ലാതെ ഒറ്റപ്പെട്ടുപോയത്. നൂറിലധികം കുടുംബങ്ങള്‍ താമസിക്കുന്ന പ്രദേശമാണ് പൂത്തലനിരപ്പ്.
വാര്‍ത്തവിനിമയ സംവിധാനങ്ങള്‍ നിശ്ചലമായപ്പോള്‍ ഇവിടുത്തുകാരുടെ ദുരിത കാഴ്ചകള്‍ പുറംലോകം അറിയാന്‍ ഏറെ വൈകി. ഉരുള്‍പൊട്ടലില്‍ തകര്‍ന്ന വീടുകളും കൃഷിയിടങ്ങളും ഇവിടുത്തുകരുടെ ജീവിതങ്ങളെ തള്ളിയിട്ടത് കറുത്ത ദിനങ്ങളിലേക്കാണ്. പൂത്തലനിരപ്പില്‍ ഉരുള്‍പൊട്ടലില്‍ ഒലിച്ചുപോയത് 20 ഏക്കറിലേറെ കൃഷിയിടമാണ്. കാലങ്ങളായി ഉണ്ടായിരുന്ന ജലസ്ത്രോതസ്സുകള്‍ പൂര്‍ണമായും നികന്നു പോകുകയും കൃഷിയിടങ്ങള്‍ ചതുപ്പായി പോകുകയുമായിരുന്നു പൂത്തലനിരപ്പില്‍. പത്തോളം വീടുകള്‍ ഇവിടെ അപകടമേഖലയില്‍ സ്ഥിതി ചെയ്യുന്നു. പ്രദേശവാസിയായ ഷാജിയുടെ വീട് പൂര്‍ണമായും ചതുപ്പില്‍ താഴ്ന്നു.
വെള്ളത്തൂവല്‍ പഞ്ചായത്തിന്റെ ഭാഗമായ കുത്തുപ്പാറയും പൂത്തലനിരപ്പിന് സമാനമായ സാഹചര്യങ്ങളാല്‍ ഒറ്റപ്പൈട്ടുതന്നെ കിടക്കുന്നു. ഭൂമിയിലുണ്ടായ വിള്ളലും റോഡുകള്‍ പൂര്‍ണമായും ഒലിച്ചുപോയതും ഇവിടെ ജനജീവിതം തടസ്സപെടുത്തി. വീടുകേേള്‍ക്കറ്റ മുറിവുകളേക്കാള്‍ പ്രദേശത്തിനുണ്ടായ വിള്ളലുകളാണ് ഇവിടുത്തുകാരുടെ ആശങ്ക. ഇത്തരത്തില്‍ ഭൂമിയിലുണ്ടായ വിള്ളലുകളാല്‍ സുരക്ഷിതമല്ലാത്ത 20തോളം വീടുകളാണ് ഈ മേഖലയിലുള്ളത്.
പ്രത്യക്ഷത്തില്‍ ഇവിടുത്തെ മിക്കവീടുകളും സുരക്ഷിതമാണെന്നു തോന്നുമെങ്കിലും ഭൂമിയിലുണ്ടായ വിള്ളല്‍ വീടുകകളുടെ സന്തുലനാവസ്ഥതന്നെ തകര്‍ത്തെറിഞ്ഞിരിക്കുന്നു എന്നതാണ് യാഥാര്‍ത്യം. സര്‍ക്കാര്‍ നഷ്ടപരിഹാരങ്ങളുടെ പട്ടികയില്‍ ഈ കുടുംബങ്ങളേകൂടി ഉള്‍പെടുത്തിയില്ലെങ്കില്‍ തലമുറകളായി കൈമാറിവന്ന ഈ പുരയിടങ്ങള്‍ ഈ ജനതക്ക് ഉപേക്ഷിക്കേണ്ടി വരും . അപ്പോഴും ഒരു ചോദ്യം ബാക്കി നില്‍ക്കുന്നു. ഈകൂട്ടര്‍ ഇനിഎവിടേ ചേക്കേറുമെന്ന്...
