ഇടമലക്കുടിയില് വികസനം പുറകില്തന്നെ... 88 കോടിയിലധികം സര്ക്കാര് ഫണ്ടുകള് കുടികളില് വിനിയോഗിച്ചിട്ടില്ലെന്ന് ജില്ല ലീഗൽ സർവ്വീസ് അതോറിറ്റി
മൂന്നാര്: സുപ്രീം കോടതിയുടെ നിര്ദ്ദേശപ്രകാരം ഇടുക്കി ജില്ലാ ജഡ്ജിന്റെ നേത്യത്വത്തില് 45 പേരടങ്ങുന്ന ഉദ്യോഗസ്ഥ സംഘം മൂന്ന് ദിവസമാണ് ഇടമലക്കുടിയില് സന്ദര്ശനം നടത്തിയത്. ഇടമലക്കുടിയില് വികസനം പുറകില്തന്നെയാണെന്നും 88 കോടിയിലധികം സര്ക്കാര് ഫണ്ടുകള് കുടികളില് വിനിയോഗിച്ചിട്ടും വകുപ്പുകളുടെ ഏകോപനമില്ലായ്മയാണ് വികസനത്തിന് തിരിച്ചടിയായതെന്നും സംഘം വിലയിരുത്തി.
കാര്ഷിക കടങ്ങള് എഴുതിതള്ളാന് സര്ക്കാര് തയാറാകണം, ഇടുക്കിയില് കര്ഷകരുടെ ആത്മഹത്യ വേദനാജനകമാണെന്ന് പിസി ജോര്ജ്
ഇടമലക്കുടിയുടെ വികസനത്തിനായി വിവിധ വകുപ്പുകളുടെ നേത്യത്വത്തില് നല്കുന്ന റിപ്പോര്ട്ടുകള് ലഘൂകരിച്ച് കുടികളില് നടത്തേണ്ട വികസന പ്രവര്ത്തനങ്ങളുടെ കരട് രേഖ കേരളപ്പിറവി ദിനത്തില് സര്ക്കാരിനും വിവിധ വകുപ്പുകള്ക്കും കൈമാറുമെന്ന് ജില്ലാ സബ് കോടതി ജഡ്ജും ജില്ലാ ലീഗല് സര്വ്വീസ് അതോറിറ്റി സെക്രട്ടറിയുമായ ദിനേശന് എം പിള്ള പറഞ്ഞു.
സംഘം കുടിയിലെ മൂപ്പന്മാര്, പഞ്ചായത്ത് പ്രസിഡന്റ് ഗോവിന്ദരാജ്, കാണികള് എന്നിവരുമായി ചര്ച്ചകള് നടത്തി. ആദിവാസികളുടെ ക്ഷേമത്തിനായി പ്രവര്ത്തിക്കേണ്ട ട്രൈബല് വകുപ്പ് പ്രവര്ത്തനകള് ഒന്നും ഇടമലക്കുടിയില് നടത്തിയിട്ടില്ലെന്ന് സംഘം കണ്ടെത്തി. വികസന പ്രവര്ത്തനങ്ങള്ക്ക് വനംവകുപ്പ് വിലങ്ങ് തടിയാണെന്ന് കുടിനിവാസികള് ആരോപണങ്ങള് ഉന്നയിച്ചെങ്കിലും വനവകാശ നിയപ്രകാരമുള്ള രേഖകള് വാങ്ങുന്നതിന് ആദിവാസികള് തയ്യറാകാത്തതാണ് പ്രശ്നങ്ങള്ക്ക് കാരണമെന്ന് റേഞ്ച് ഓഫീസര് സുചീന്ദ്രനാഥ് അറിയിച്ചു.
10 ഏക്കര് ഭൂമിയാണ് ആദിവാസികള്ക്ക് നിയമപ്രകാരം നല്കാന് കഴിയുക. എന്നാല് ഇത്തരം കാര്യങ്ങളില് വ്യക്തമായ നിര്ദ്ദേശങ്ങള് നല്കുന്നതിന് വകുപ്പുകള് അലംഭാവം കാണിക്കുകയാണെന്ന ആരോപണമുയര്ന്നു. നിലവില് താമസം ഒരിടത്തും ക്യഷി മറ്റൊരിടത്തുമാണ്. ഇതില് 20 പേര്ക്ക് മാത്രമാണ് 20 മുതല് 40 ഏക്കര്വരെ ഭൂമികളുള്ളത്. എന്നാല് നിയപ്രകാരം കൂടുതല് ഭൂമികള് നല്കാന് കഴിയില്ലെങ്കിലും രണ്ടിടത്തുമായി 10 ഏക്കര് ഭൂമികള് നല്കുന്നതിന് തടസ്സമില്ല. വനവകാശ സര്ട്ടിഫിക്കറ്റുകള് ലഭിക്കുന്നമുറയ്ക്ക് വികസനം യാഥാര്ഥ്യമാക്കാന് കഴിയുമെന്നും അദ്ദേഹം പറഞ്ഞു.
ഇടമലക്കുടിയുടെ സമഗ്രവികസനം യാഥാഥ്യമാക്കുന്നതിന് 26 കുടികളെ 5 ക്ലസ്റ്ററുകളായി തിരിക്കും. കോ-ഓഡിനേറ്റര്, മൂപ്പന്മാര്, കാണികള്, പഞ്ചായത്ത് അംഗങ്ങള്, പ്രമോട്ടര്മാര്, വിവിധ ഉദ്യോഗസ്ഥരടങ്ങുന്ന 20 പേരാവും ക്ലസ്റ്ററിലെ അംഗങ്ങള്. ഇവര്ക്ക് ആവശ്യമായ നിയമസഹായം നല്കുന്നതിന് നിയമസഹായ കേന്ദ്രങ്ങളും ആരംഭിക്കും.
Click it and Unblock the Notifications
Sign in with Google