ബെംഗളൂരു വായു മലിനീകരണം: ലോകാരോഗ്യ സംഘടനയുടെ നിലവാരത്തേക്കാൾ കൂടുതലെന്ന് ഗ്രീൻപീസ് റിപ്പോർട്ട്

ബെംഗളൂരു: ബെംഗളൂരുവിലെ മലിനീകരണ തോത് ലോകാരോഗ്യ സംഘടനയുടെ നിലവാരത്തേക്കാൾ കൂടുതലെന്ന് ഗ്രീൻപീസ് റിപ്പോർട്ട്. ബെംഗളൂരു നഗരത്തിലെ 10 എയർ ക്വാളിറ്റി മോണിറ്ററിംഗ് സ്റ്റേഷനുകളിലും ലോകാരോഗ്യ സംഘടനയുടെ (ഡബ്ല്യു എച്ച് ഒ ) നിലവാരത്തേക്കാൾ ഉയർന്ന മലിനീകരണം രേഖപ്പെടുത്തി.

പരിസ്ഥിതി അഭിഭാഷക ഗ്രൂപ്പായ ഗ്രീൻപീസ് റിപ്പോർട്ടിലാണ് ഇക്കാര്യം വ്യക്തമാക്കുന്നത്. ഇന്ത്യയിൽ ഉടനീളമുള്ള നഗരങ്ങൾ മലിനമായ വായു ശ്വസിക്കുന്നു. ഈ മലിനീകരണം ഉത്തരേന്ത്യൻ നഗരങ്ങളിൽ മാത്രം ഒതുങ്ങില്ല എന്നും റിപ്പോർട്ടിൽ പറയുന്നു.

" കേന്ദ്ര മലിനീകരണ നിയന്ത്രണ ബോർഡിനറെ ദേശീയ ആംബിയന്റ് എയർ ക്വാളിറ്റി സ്റ്റാൻഡേർഡ്സ് പ്രകാരം, പി എം 10-ന് 60 µg /എം 3 പരിധിക്ക് മുകളിൽ ഉള്ള എം എം 10 ലെവലുകൾ 80 % നഗരങ്ങളിലും പട്ടണങ്ങളിലും ഉണ്ട്. വായു മലീനികരണത്തെ കുറിച്ച് വ്യക്തമാക്കുന്ന പുസ്തകത്തിലാണ് ഇക്കാര്യം വ്യക്തമാക്കുന്നത്.

ബെംഗളൂരുവിലെ എല്ലാ സ്ഥലങ്ങളിലും പി എം 2.5, പി എം 10 എന്നിവയുടെ വാർഷിക ശരാശരി മൂല്യങ്ങളെ പരാമർശിക്കുന്ന മലിനീകരണ തോത് ലോകാരോഗ്യ സംഘടനയുടെ നിലവാരത്തേക്കാൾ കൂടുതൽ ആണ്. " ഇത് കൂടാതെ, എല്ലാ സ്റ്റേഷനുകളും പി എം 2.5 മൂല്യങ്ങൾ ദേശീയ ആംബിയന്റ് എയർ ക്വാളിറ്റി സ്റ്റാൻഡേർഡുകൾ മാനദണ്ഡങ്ങൾക്കുള്ളിലാണ്. കൂടാതെ എട്ട് സ്റ്റേഷനുകൾ പി എം 10 മൂല്യങ്ങൾ ദേശീയ ആംബിയന്റ് എയർ ക്വാളിറ്റി സ്റ്റാൻഡേർഡുകൾ നിലവാരത്തേക്കാൾ ഉയർന്നതാണ്." - ദക്ഷിണേന്ത്യയിലെ നഗരങ്ങൾ സുരക്ഷിതമായ വായു ശ്വസിക്കുന്നുണ്ടോ?" എന്ന തലക്കെട്ടിലുള്ള റിപ്പോർട്ട് പറയുന്നു.

അതേ സമയം, പൊതു ഗതാഗതത്തിൽ കോവിഡ് ബാധിക്കാനുള്ള സാധ്യത ഒഴിവാക്കാൻ നഗരങ്ങളിലെ ആളുകൾ സ്വകാര്യ വാഹനങ്ങൾക്ക് മുൻഗണന നൽകിയരന്നു. ഈ സമയത്താണ് റിപ്പോർട്ട് വരുന്നത്. കൊവിഡിനെ പ്രതിരോധിച്ച് ലോക്ക്ഡൗൺ ഉണ്ടായിരുന്നിട്ടും, 10 ദക്ഷിണേന്ത്യൻ നഗരങ്ങളിലെയും പി എം 2.5, പി എം 10 എന്നിവയുടെ വാർഷിക ശരാശരി മൂല്യങ്ങൾ ലോകാരോഗ്യ സംഘടനയുടെ പുതുക്കിയ മാനദണ്ഡങ്ങളെക്കാൾ ഉയർന്നു.

അതേ സമയം, 12 ദശലക്ഷത്തിൽ അധികം ജന സംഖ്യയുള്ള ബെംഗളൂരുവിൽ 800 ചതുരശ്ര കിലോമീറ്റർ വിസ്തൃതിയിൽ ഏകദേശം 10 ദശലക്ഷം വാഹനങ്ങൾ ഉണ്ട്. ഒരു കാലത്ത് ഇന്ത്യയുടെ പൂന്തോട്ട നഗരം എന്നാണ് ബെംഗളൂരുനെ അറിയപ്പെട്ടിരുന്നത്. എന്നാൽ, മോശം റോഡുകൾ, മോശം ആസൂത്രണം, വർദ്ധിച്ചു വരുന്ന സ്വകാര്യ വാഹനങ്ങൾ എന്നിവയാൽ ഇവിടുത്തെ ജീവിത നിലവാരം അതിവേഗം തകർച്ചയിലേക്ക് പോയി. നെതർലാൻഡ്സ് ആസ്ഥാനമായുള്ള ടോംടോം സൂചികയുടെ റിപ്പോർട്ട് അനുസരിച്ച്, വാഹന ഗതാഗതം വളരെ മന്ദ ഗതിയിലായ നഗരം എന്നതിലും നഗരം ഇടം പിടിച്ചു. ലോകത്തിലെ ഏറ്റവും മോശം ട്രാഫിക്ക് നഗരം എന്ന ആഗോള പ്രശസ്തിയാണ് ബെംഗളൂരുവിന് ലഭിച്ചത്.

അതേസമയം, നാവിഗേഷൻ, ട്രാഫിക്, മാപ്പ് ഉൽപ്പന്നങ്ങൾ എന്നിവയുടെ ആഗോള ദാതാക്കളായ ടോംടോമിന്റെ വാർഷിക ട്രാഫിക് സൂചികയുടെ ഒമ്പതാം പതിപ്പ് അനുസരിച്ച്, 2019 ൽ 57 രാജ്യങ്ങളിലായി 415 നഗരങ്ങളെ പിന്തള്ളി ബെംഗളൂരു പട്ടികയിൽ ഒന്നാം സ്ഥാനത്തെത്തി ദക്ഷിണേന്ത്യൻ നഗരത്തിലെ ശരാശരി 71 % ഡ്രൈവർമാർ കൂടുതൽ സമയവും ട്രാഫിക്കിൽ കുടുങ്ങി കിടക്കുന്നു. ആയതിനാൽ, ഈ വർഷം ബെംഗളൂരു ഒന്നാം സ്ഥാനത്തെത്തിയതായി ടോംടോം റിപ്പോർട്ട് പറയുന്നു. എന്നാൽ, ബംഗളൂരുവിലെ നിർമാണത്തിന് പിന്നാലെ അന്തരീക്ഷ മലിനീകരണത്തിന് ഏറ്റവും വലിയ സംഭാവന നൽകുന്നത് വാഹന മലിനീകരണമാണ്.

English summary

According to Greenpeace report, the level of pollution in Bengaluru is higher than the standards of the WHO