ബെംഗളൂരുവില് ഫ്ളാറ്റുകളില് താമസിക്കുന്നവര് ശ്രദ്ധിക്കണേ... പുതിയ നിയമവുമായി ഗ്രേറ്റര് ബെംഗളൂരു അതോറിറ്റി
ബെംഗളൂരു നഗരത്തില് താമസിക്കുന്നവര് നേരിടുന്ന ഏറ്റവും വലിയ വെല്ലുവിളിയാണ് മാലിന്യ സംസ്കരണം. മാലിന്യം സംസ്കരിക്കുന്നതിന് നിയമങ്ങള് നിലവിലുണ്ടെങ്കിലും റോഡ് അരികിലും നദികളിലുമൊക്കെ മാലിന്യം വലിച്ചെറിയുന്നവരുടെ എണ്ണം പ്രതിദിനം വര്ധിച്ചുവരികയാണ്. ഇതിനൊരു ശാശ്വത പരിഹാരം കണ്ടെത്തുക എന്നത് അധികൃതര്ക്കും വലിയ വെല്ലുവിളിയാണ്.
ഇപ്പോഴിതാ, ബെംഗളൂരു നഗരത്തിലെ മാലിന്യ പ്രശ്നങ്ങള്ക്ക് ശാശ്വത പരിഹാരം കാണുന്നതിന്റെ ഭാഗമായി പുതിയ നിയമം കൊണ്ടുവന്നിരിക്കുകയാണ് ഗ്രേറ്റര് ബംഗളൂരു അതോറിറ്റി (ജി.ബി.എ). മൂന്ന് നിലകളില് കൂടുതല് ഉയരമുള്ള എല്ലാ കെട്ടിടങ്ങളിലും നനഞ്ഞതും ഉണങ്ങിയതുമായ മാലിന്യങ്ങള്ക്കായി പ്രത്യേക ബിന്നുകള് സ്ഥാപിക്കാന് ഗ്രേറ്റര് ബെംഗളൂരു അതോറിറ്റി ഉത്തരവിട്ടു. ജിബിഎ ചീഫ് കമ്മീഷണര് എം. മഹേശ്വര് റാവു ആണ് ഉദ്യോഗസ്ഥര്ക്ക് ഇതുസംബന്ധിച്ച നിര്ദേശം നല്കിയത്.
ജൈവ, അജൈവ മാലിന്യങ്ങള് പ്രത്യേക ബിന്നുകളില് നിക്ഷേപിക്കണം. മാലിന്യങ്ങള് കൃത്യമായി തരംതിരിക്കാത്ത സാഹചര്യം ഒഴിവാക്കാന് ഉടന് തന്നെ സര്ക്കുലര് പുറപ്പെടുവിക്കുമെന്നും കെട്ടിട ഉടമകള്ക്ക് നോട്ടീസ് നല്കുമെന്നും അദ്ദേഹം അറിയിച്ചു. ആരോഗ്യ വിഭാഗം ഉദ്യോഗസ്ഥര് ഈ നിയമം കൃത്യമായി പാലിക്കപ്പെടുന്നുണ്ടെന്ന് ഉറപ്പുവരുത്തണം.
ബെംഗളൂരു ഈസ്റ്റ് സിറ്റി കോര്പ്പറേഷനില് നടന്ന ജനസമ്പര്ക്ക പരിപാടിയിലാണ് കമ്മീഷണര് ഈ സുപ്രധാന തീരുമാനം കൈക്കൊണ്ടത്. പരിപാടിയില് പൊതുജനങ്ങളില് നിന്ന് നൂറ്റിയന്പതിലധികം പരാതികളും അതോറിറ്റി സ്വീകരിച്ചു. രാമമൂര്ത്തി നഗര് സര്ക്കാര് ആശുപത്രിയില് ഡോക്ടര്മാരുടെ സേവനം ഉറപ്പാക്കുക, താമസമേഖലകളിലെ അനധികൃത പേയിംഗ് ഗസ്റ്റ് (പി.ജി) കേന്ദ്രങ്ങള്ക്കെതിരെ നടപടി എടുക്കുക തുടങ്ങിയ ആവശ്യമാണ് നഗരവാസികള് ഉന്നയിച്ചത്.
റോഡ് വികസനത്തിനായി മാറ്റിവെച്ചിട്ടുള്ള ഭൂമി ഏറ്റെടുക്കാനും ബോര്വെല് റോഡിന്റെ വീതി കൂട്ടാനുമുള്ള നടപടികള് വേഗത്തിലാക്കാന് കമ്മീഷണര് നിര്ദേശിച്ചു. ഇതുകൂടാതെ കെ.ആര് പുരം മണ്ഡലത്തിലെ പ്രധാന റോഡുകള് പരിശോധിച്ച് തകര്ന്ന നടപ്പാതകള് നന്നാക്കാനും എ.ഇ.സി.എസ് ലേഔട്ടിലെ നടപ്പാതകളിലെ കയ്യേറ്റങ്ങള് ഒഴിവാക്കാനും ഉദ്യോഗസ്ഥര്ക്ക് കര്ശന നിര്ദേശം നല്കി. ഇത്തരം വികസന പ്രവര്ത്തനങ്ങള് ഘട്ടം ഘട്ടമായി പൂര്ത്തിയാക്കാനാണ് അതോറിറ്റി ലക്ഷ്യമിടുന്നത്. നഗരത്തിലെ അടിസ്ഥാന സൗകര്യങ്ങള് മെച്ചപ്പെടുത്തുന്നതിനൊപ്പം ശുചിത്വം ഉറപ്പാക്കുന്നതിനും മുന്ഗണന നല്കുമെന്ന് മഹേശ്വര് റാവു വ്യക്തമാക്കി.
-
ബെംഗളൂരു മെട്രോ സമയം നീട്ടിയത് അറിഞ്ഞോ? ഐപിഎല്ലിന് തിരക്ക് കൂട്ടേണ്ട; പുതിയ ക്രമീകരണം ഇങ്ങനെ -
"മോഹൻലാൽ ജീവിക്കുന്നത് ശരിക്കും ഒരു രാജാവിനെ പോലെ, ഗുഡ് മോർണിംഗ് പറഞ്ഞിട്ടും മമ്മൂട്ടി മൈൻഡ് ചെയ്തില്ല" -
സ്വർണം ഇനിയും താഴേക്ക് പോകുമെന്നത് സ്വപ്നം മാത്രം; 1.40 ലക്ഷത്തിലേക്ക്..പണിതരുന്നത് ചൈന അടക്കമുള്ള രാജ്യങ്ങൾ -
വിദേശത്തുളളവർ ജോലി പോയി നാട്ടിലേക്ക് മടങ്ങേണ്ടി വരും, വീട് പണി നിർത്തേണ്ടി വരും, നാൾഫലം അറിയാം -
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം
Click it and Unblock the Notifications
Sign in with Google