ഹിന്ദുത്വ ഭക്തര്‍ക്ക് ഇംഗ്ലീഷ് പരിജ്ഞാനമില്ലെന്ന് ചേതന്‍ ഭഗത്

ദില്ലി: നരേന്ദ്ര മോദി തരംഗത്തിനൊപ്പം തുഴഞ്ഞിരുന്ന പ്രശസ്ത എഴുത്തുകാരന്‍ ചേതന്‍ ഭഗത് ബിജെപിക്കെതിരെ തിരിയുന്നു. ഹിന്ദുത്വ ഭക്തരെയും പാര്‍ട്ടിയെയും രൂക്ഷമായ ഭാഷയില്‍ പരിഹസിച്ചും വിമര്‍ശിച്ചും ചേതന്‍ ദൈനിക് ഭാസ്‌കര്‍ എന്ന പത്രത്തിലെഴുതിയ ലേഖനം ഇപ്പോള്‍ വിവാദമായി മാറിയിരിക്കുകയാണ്.

ബിജെപി പ്രവര്‍ത്തകരെ ഹിന്ദുത്വ ഭക്തര്‍ എന്ന് വിശേഷിപ്പിക്കുന്ന ചേതന്‍ ഇവര്‍ക്ക് സ്ത്രീകളോട് എങ്ങനെ പെരുമാറണമെന്ന് അറിയാത്തവരാണെന്നും പരിഹസിക്കുന്നു. അറിവുകേടുകള്‍ ദേശീയതയുടെ പിന്നില്‍ ഒളിപ്പിക്കുകയാണ് ഇവര്‍ ചെയ്യുന്നത്. ഇംഗ്ലീഷ് പരിജ്ഞാനമുള്ള ബിജെപി വിരുദ്ധരായ സ്ത്രീകളെ ആക്രമിക്കുന്നത് പതിവാണെന്നും ചേതന്‍ പറഞ്ഞു.

ചേതന്‍ ഭഗത്തിന്റെ അഭിപ്രായ പ്രകടനത്തെ തുടര്‍ന്ന് അദ്ദേഹത്തിന്‍ ട്വിറ്ററില്‍ വിമര്‍ശന പ്രവാഹമാണ്. ബിജെപി, സംഘ്പരിവാര്‍ അംഗങ്ങള്‍ അദ്ദേഹത്തിന്റെ വാളോങ്ങിയപ്പോള്‍ ഇടതുപക്ഷ ബുദ്ധിജീവികള്‍ ചേതനെ അനുകൂലിച്ചും രംഗത്തെത്തിയിട്ടുണ്ട്. ട്വിറ്ററില്‍ ഏതാണ് 5.2 ദശലക്ഷം പേര്‍ ചേതന്‍ ഭഗത്തിനെ പിന്തുടുന്നുണ്ട്.

ലോക്‌സഭാ ഇലക്ഷന്‍ വേളയിലും തുടര്‍ന്നും മോദിയേയും ബിജെപി നിലപാടുകളെയും ന്യായീകരിച്ച് ചേതന്‍ ഭഗത് രംഗത്തെത്തിയിരുന്നു. മോദിക്ക് ഇന്ത്യയില്‍ മാറ്റം കൊണ്ടുവരാന്‍ കഴിയുമെന്നായിരുന്നു അദ്ദേത്തിന്റെ പ്രതീക്ഷ. എന്നാല്‍ ഭരണത്തിലേറി നാളിതുവരെയായിയിട്ടും യുപിഎ സര്‍ക്കാരിന്റെ ഹാങ് ഓവറില്‍ നിന്നും മുക്തമാകാന്‍ എന്‍ഡിഎ്ക്ക് കഴിഞ്ഞിട്ടില്ലെന്ന് ചേതന്‍ പറയുന്നു.

English summary

Tweeples troll Chetan Bhagat for 'stereotyping' Modi bhakts