Click it and Unblock the Notifications
Just In
Don't Miss
-
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
അച്ഛന്റെ കൂടെ സംസാരിക്കാനോ പുറത്ത് പോകാനോ അനുവാദമില്ലായിരുന്നു; ബ്രേക്കപ്പിന്റെ സമയത്ത് മരണം; സൗഭാഗ്യ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
കര്‍ണാടകയില്‍ സമ്പൂര്‍ണ ലോക്ക്ഡൗണ്‍ പ്രഖ്യാപിച്ചു, മെയ് 10 മുതല്‍ 24 വരെയാണ് ലോക്ക്ഡൗണ്‍
ബെംഗളൂരു: സമ്പൂര്‍ണ്ണ ലോക്ക്ഡൗണ്‍ പ്രഖ്യാപിച്ച് കര്‍ണാടകയും. കൊവിഡ് സംസ്ഥാനത്ത് രൂക്ഷമായി തുടരുന്ന പശ്ചാത്തലത്തിലാണ് കര്‍ണാടക സര്‍ക്കാര്‍ 14 ദിവസത്തെ ലോക്ക്ഡൗണ്‍ പ്രഖ്യാപിച്ചിരിക്കുന്നത്. നേരത്തെ സംസ്ഥാനത്ത് കൊറോണ കര്‍ഫ്യൂ പ്രഖ്യാപിച്ചിരുന്നു. എന്നാല്‍ കൊവിഡ് വ്യാപനം നിയന്ത്രിക്കുന്നതില്‍ കര്‍ഫ്യൂ പരാജയപ്പെട്ട പശ്ചാത്തലത്തിലാണ് ലോക്ക്ഡൗണ്‍ പ്രഖ്യാപിക്കുന്നത് എന്ന് കര്‍ണാടക മുഖ്യമന്ത്രി ബിഎസ് യെഡിയൂരപ്പ മാധ്യമങ്ങളോട് പറഞ്ഞു
മെയ് 10ന് രാവിലെ 6 മണി മുതല്‍ മെയ് 24 രാവിലെ 6 മണി വരെയാണ് സംസ്ഥാനത്ത് സമ്പൂര്‍ണ ലോക്ക്ഡൗണ്‍ പ്രഖ്യാപിച്ചിരിക്കുന്നത്. എല്ലാ ഹോട്ടലുകളും പബ്ബുകളും ലോക്ക്ഡൗണ്‍ കാലയളവില്‍ അടച്ചിടും. ഇറച്ചി വില്‍പന ശാലകള്‍, പച്ചക്കറി കടകള്‍, ഭക്ഷണവസ്തുക്കള്‍ വില്‍ക്കുന്ന കടകള്‍ എന്നിവ രാലെ 6 മണി മുതല്‍ 10 മണി വരെ തുറന്നിരിക്കുന്നു. ആശുപത്രികളിലേക്കും മറ്റ് അത്യാവശ്യ കാര്യങ്ങള്‍ക്കും വേണ്ടി മാത്രമേ സ്വകാര്യ വാഹനങ്ങളിലെ യാത്ര അനുവദിക്കുകയുളളൂ.
സ്‌കൂളുകള്‍, കോളേജുകള്‍, കോച്ചിംഗ് സെന്ററുകള്‍ അടക്കമുളളവ അടഞ്ഞ് കിടക്കും. ഓണ്‍ലൈന്‍- ഡിസ്റ്റന്‍സ് പഠന രീതികളാവും നടപ്പിലാക്കുക. ഹോട്ടലുകളിലും മറ്റും പാഴ്‌സലും ഡോര്‍ ഡെലിവറിയും അനുവദിക്കും. അതിനായി സ്വകാര്യ വാഹനങ്ങള്‍ ഉപയോഗിക്കാന്‍ അനുവാദമില്ല. നടന്ന് പോയി മാത്രമേ പാഴ്‌സലുകള്‍ വാങ്ങിക്കാന്‍ പാടുളളൂ. അതേസമയം ഹോട്ടലുകള്‍ക്കും റെസ്‌റ്റോറന്റുകള്‍ക്ക് ഡെലിവറി നടത്താന്‍ വാഹനങ്ങള്‍ ഉപയോഗിക്കാവുന്നതാണ്.. തിയറ്ററുകള്‍, ഷോപ്പിംഗ് മാളുകള്‍, ജിം, സ്‌പോര്‍ട്‌സ് കോംപ്ലക്‌സ്, സ്വിംമ്മിംഗ് പോളുകള്‍, പാര്‍ക്കുകള്‍, ക്ലബ്ബുകള്‍, ബാറുകള്‍, ഓഡിറ്റോറിയങ്ങള്‍ എന്നിവ അടഞ്ഞ് കിടക്കും.
