Click it and Unblock the Notifications
Just In
-
-
-
Don't Miss
-
ആരെക്കുറിച്ചും ഗോസിപ്പ് പറയില്ല, രണ്ബീറിന്റെ ഭാഗ്യമാണവള്; ആലിയ ഭട്ടിനെ പ്രശംസിച്ച് റിദ്ധിമ കപൂര് -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
പൊലീസുകാരിക്കൊപ്പം ഡാന്‍സ് കളിച്ചു: ഷാരൂഖ് വിവാദത്തില്‍
കൊല്‍ക്കത്ത: പൊതു പരിപാടിയില്‍ ക്ഷണിക്കപ്പെട്ടാല്‍ പരിപാടിയ്ക്ക് കൊഴുപ്പുകൂട്ടാന്‍ അവര്‍ക്കൊപ്പം ചേര്‍ന്ന് നൃത്തം ചെയ്യുന്നത് ബോളിവുഡ് കിങ് ഖാന്‍ ഷാരൂഖിന്റെ രീതിയാണ്. മലയാളക്കരയിലായാലും തമിഴകത്തായാലും പുരസ്‌കാരദാനച്ചടങ്ങിലെത്തുന്ന ഷാരൂഖ് നൃത്തം ചെയ്യാറുണ്ട്. എന്നാല്‍ അവാര്‍ഡ് ദാന ചടങ്ങുപോലെയല്ലല്ലോ പൊലീസ് വാര്‍ഷികാഘോഷം.
പൊലീസ് വാര്‍ഷികാഘോഷത്തോടനുബന്ധിച്ചു നടന്ന സാംസ്‌കാരിക പരിപാടിയില്‍ യൂണിഫോമിലുള്ള പൊലീസുകാരിയ്‌ക്കൊപ്പം നൃത്തം ചെയ്ത ഷാരൂഖ് വിവാദത്തിലായിരിക്കുകയാണിപ്പോള്‍. ബംഗാള്‍ മുഖ്യമന്ത്രി മമത ബാനര്‍ജിയുടെ സാന്നിധ്യത്തിലാണ് ഷാരൂഖ് പൊലീസുകാരിയ്‌ക്കൊപ്പം നൃത്തം ചെയ്തത്.
നേതാജി ഇന്റോര്‍ സ്‌റ്റേഡിയത്തില്‍ ശനിയാഴ്ചയായിരുന്നു പരിപാടി. സബ് ഇന്‍സ്‌പെക്ടര്‍ സാംബ ഹല്‍ദാറിനൊപ്പമാണ് ബാംഗാളിന്റെ ബ്രാന്റ് അംബാസിഡര്‍ക്കൂടെയായ ഷാരൂഖ് നൃത്തമാടിയത്. സംഭവം ഇതോടെ വിവാദമായി.
പൊലീസ് ഉദ്യോഗസ്ഥ ഒദ്യോഗിക യൂണിഫോമില്‍ നൃത്തം ചെയ്തത് യൂണിഫോമിന്റെ മഹനീയത നഷ്ടപ്പെടുത്തിയെന്ന് മുന്‍ സിറ്റി പൊലീസ് കമ്മീഷണര്‍ നിരുപാം സോം പറഞ്ഞു. മേല്‍ ഉദ്യോഗസ്ഥര്‍ ഇതിന് എങ്ങനെ അനുവദിച്ചെന്നാണ് അദ്ദേഹം ചോദിക്കുന്നത്.
ഒദ്യോഗിക വേഷത്തില്‍ നൃത്തം ചെയ്യാന്‍ പൊലീസ് നിയമം അനുവദിക്കുന്നില്ലെന്ന് മുന്‍ ഐ പി എസ് ഓഫീസര്‍ സമീര്‍ ഗംഗധ്യാപ്യായ വ്യക്തമാക്കി. ഭരണഘടനയെ അപമാനിക്കാന്‍ കൂട്ടുനിന്നെന്ന് പറഞ്ഞ് മമത ബാനര്‍ജിയ്‌ക്കെതിരെ കൊല്‍ക്കത്ത കോണ്‍ഗ്രസ് അദ്ധ്യക്ഷനും രംഗത്ത് വന്നിട്ടുണ്ട്.
