Click it and Unblock the Notifications
Just In
Don't Miss
-
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
എനിക്കും റസ്മിനും രണ്ട് ക്ലാരിറ്റിയോ? ജാസ്മിന് ഗബ്രിയോട്; 'ഇത് ഒറ്റ ദിവസം കൊണ്ട് തീര്ക്കാവുന്നതേ ഉള്ളു' -
ആയുസ്സിനും ആരോഗ്യത്തിനും ചെറുധാന്യങ്ങള് ശീലമാക്കാം -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
മോദി വന്നപ്പോള്‍ ദളിതര്‍ക്കെതിരെയുള്ള ആക്രമണങ്ങള്‍ കൂടി? മറിച്ചെന്ന് ബിജെപി
ദില്ലി: നരേന്ദ്ര മോദി സര്‍ക്കാര്‍ അധികാരത്തിലേറിയതിന് ശേഷം രാജ്യത്ത് ദളിതര്‍ക്ക് നേര്‍ക്കുള്ള ആക്രമണങ്ങളില്‍ വന്‍ വര്‍ദ്ധനയെന്ന് റിപ്പോര്‍ട്ട്. എന്നാല്‍ ഇതിനെ പ്രതിരോധിച്ചുകൊണ്ട് ബിജെപി നേതൃത്വം ഇതിനകം തന്നെ രംഗത്തെത്തിക്കഴിഞ്ഞു.
ഹരിയാനയില്‍ ദളിത് കുട്ടികള്‍ ചുട്ടുകൊല്ലപ്പെട്ട സാഹചര്യത്തിലാണ് ദളിതര്‍ക്ക് നേര്‍ക്കുള്ള ആക്രമണങ്ങളുടെ കണക്കെടുപ്പുമായി ദേശീയ മാധ്യമങ്ങള്‍ രംഗത്ത് വന്നത്. കഴിഞ്ഞ ഒരു വര്‍ഷം മാത്രം ഇത്തരം ആക്രമണങ്ങളില്‍ 19 ശതമാനത്തിന്റെ വര്‍ദ്ധനയുണ്ടായിട്ടുണ്ടെന്നാണ് റിപ്പോര്‍ട്ടുകള്‍.
ദളിതര്‍ക്ക് നേരെ ഏറ്റവും അധികം ആക്രമണങ്ങള്‍ നടക്കുന്നത് ഹരിയാനയില്‍ തന്നെയാണ്. 2014 ല്‍ രാജ്യത്താകമാനം 744 ദളിതര്‍ കൊല്ലപ്പെട്ടപ്പോള്‍ അതില്‍ 21 പേരും ഹരിയാനയില്‍ നിന്നായിരുന്നു.
ദേശീയ ക്രൈം റെക്കോര്‍ഡ്‌സ് ബ്യൂറോയുടെ കണക്കുകള്‍ ഉദ്ധരിച്ചാണ് വാര്‍ത്ത. 2011 ലും 2012 ലും ദളിതര്‍ക്കെതിരെയുള്ള ആക്രമണങ്ങളില്‍ 33,655 കേസുകളാണ് രജിസ്റ്റര്‍ ചെയ്യപ്പെട്ടത്. 2103 ല്‍ ഇത് 39,408 കേസുകളായി. എന്നാല്‍ 2014 ല്‍ ഇത് 47,064 കേസുകളായി ഉയര്‍ന്നു. 19 ശതമാനത്തിന്റെ വര്‍ദ്ധന!
ദളിത് സ്ത്രീകള്‍ക്ക് നേര്‍ക്കുളള അതിക്രമങ്ങളിലും കഴിഞ്ഞ വര്‍ഷങ്ങളില്‍ വന്‍ വര്‍ദ്ധനയാണ് ഉണ്ടായിട്ടുള്ളത്. 2012 ല്‍ 1,576 ദളിത് സ്ത്രീകള്‍ ബലാത്സംഗം ചെയ്യപ്പെട്ടു. 2013 ല്‍ ഇത് 2,073 ആയി. 2014 ആയപ്പോള്‍ അത് 2,233 കേസുകളായി ഉയര്‍ന്നു.
എന്നാല്‍ ബിജെപി ഈ കണക്കുകളെ പ്രതിരോധിയ്ക്കാന്‍ ശക്തമായി രംഗത്തുണ്ട്. പക്ഷേ ഒരു കാര്യത്തില്‍ മാത്രമേ അവര്‍ക്ക് തെറ്റ് പറ്റിയിട്ടുള്ളു. കഴിഞ്ഞ യുപിഎ സര്‍ക്കാരിന്റെ കാലത്തെ കണക്കുകള്‍ മാത്രമാണ് അവര്‍ എടുത്തുകാണിയ്ക്കുന്നത്. കേന്ദ്രത്തില്‍ എന്‍ഡിഎ അധികാരത്തിലെത്തിയതിന് ശേഷം ഉള്ള കണക്കുകള്‍ ഒഴിവാക്കിയാണ് അവരുടെ പ്രചാരണം.
