മുത്തലാഖ് വഴി വിവാഹമോചനം, മുസ്ലിം യുവതി യുപിയില് ആത്മഹത്യ ചെയ്തു
മുത്തലാക്ക് അവസാനിപ്പിക്കാന് ആവശ്യപ്പെട്ടുകൊണ്ട് ഒട്ടനവധി കത്തുകളാണ് ദിവസവും മുസ്ലിം യുവതികള് പ്രധാനമന്ത്രിക്ക് അയച്ചുകൊണ്ടിരിക്കുന്നത്.
ലക്നൗ: ഉത്തര് പ്രദേശിലെ ബസ്തി പ്രവിശ്യയില് മുത്തലാക്ക് കഴിഞ്ഞ് രണ്ടാഴ്ചയ്ക്ക് ശേഷം മുസ്ലിം യുവതി ആത്മഹത്യ ചെയ്തു. 25 കാരിയായ ശബ്നം നിസ്സയാണ് വിവാഹമോചനത്തിന്റെ പേരില് ഈ കടുംകൈ ചെയ്തത്. നാല് വര്ഷം മുന്പ് വിവാഹിതയായ ശബ്നം രണ്ടാഴ്ച മുന്പാണ് സ്വന്തം വീട്ടില് തിരിച്ചെത്തിയത്. മുത്തലാക്ക് ചൊല്ലി ബന്ധം വേര്പ്പെടുത്തിയ ശേഷം വീട്ടില് വന്ന ശബ്നം മകനെ ഭര്ത്താവ് വന്നു കൂട്ടിക്കൊണ്ടു പോയതിന്റെ മാനസികവിഷമത്തിലാണ് ആത്മഹത്യ ചെയ്തത്.
സല്ത്ത്വ ദിഗറിലുള്ള ബാബുവിലെയാണ് നാല് വര്ഷം മുന്പ് ശബ്നം വിവാഹം കഴിച്ചത്. ദമ്പതികള്ക്ക് ഒരു മകനുമുണ്ട്. മുത്തലാക്ക് ചൊല്ലി ബന്ധം വേര്പിരിഞ്ഞ ശബ്നം പതിനഞ്ച് ദിവസം മുന്പ് മകന് ഫര്ഹാനെയും കൊണ്ട് സ്വന്തം വീട്ടിലേക്ക് വരികയായിരുന്നു. മൂന്ന് ദിവസം മുന്പ് ബാബു വന്ന് മകനെ മാത്രം കൂട്ടിക്കൊണ്ടു പോയത് ശബ്നത്തിന് താങ്ങാന് കഴിഞ്ഞിരുന്നില്ല എന്ന് ശബ്നത്തിന്റെ അച്ഛന് ജഗ്ഗന് പറഞ്ഞു. മകന് പോയതിനാല് മാനസികമായി തകര്ന്ന ശബ്നം തിങ്കളാഴ്ച ആത്മഹത്യ ചെയ്യുകയായിരുന്നു.
മുത്തലാക്ക് രാജ്യത്താകമാനം ചര്ച്ചയായി വരുന്നതിനിടയിലാണ് ശബ്നത്തിന്റെ ആത്മഹത്യ റിപ്പോര്ട്ട് ചെയ്തത്. ഉത്തര് പ്രദേശിലെ മുസ്ലിം സ്ത്രീകള് ബിജെപിയെ വോട്ട് നല്കി വിജയിപ്പിച്ചത് മുത്തലാക്ക് നിര്ത്തലാക്കും എന്ന വാഗ്ദാനത്തിന്റെ പേരിലായിരുന്നു. മുത്തലാക്ക് അവസാനിപ്പിക്കാന് ആവശ്യപ്പെട്ടുകൊണ്ട് ഒട്ടനവധി കത്തുകളാണ് ദിവസവും മുസ്ലിം യുവതികള് പ്രധാനമന്ത്രിക്ക് അയച്ചുകൊണ്ടിരിക്കുന്നത്. അസ്വാഭാവിക മരണത്തിന് പോലീസ് കേസെടുത്തിട്ടുണ്ട്.