Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
വന്‍ ആയുധ ശേഖരങ്ങളുമായി മദ്ധ്യവയസ്‌ക അറസ്റ്റില്‍
ലക്‌നോ: അമ്പലങ്ങളിലേക്ക് തീര്‍ത്ഥ യാത്ര നടത്തുന്ന മദ്ധ്യവയസ്‌കയില്‍ നിന്നും വന്‍ ആയുധശേഖരം പോലീസ് പിടിച്ചെടുത്തു. സബര്‍മതി എക്‌സ്പ്രസില്‍ ബീഹാറില്‍ നിന്നും അഹമ്മദാബാദിലേയ്ക്ക് പോവുകയായിരുന്ന ഷകുന്‍ ദേവി(55) എന്ന സ്ത്രീയില്‍ നിന്നാണ് റെയില്‍വെ പോലീസിന്റെ സഹായത്തോടെ ആയുധശേഖരം പിടിച്ചെടുത്തത്.
തീവണ്ടിയില്‍ തിരച്ചില്‍ നടത്തുന്നതിനിടെ ഇവരുടെ ബാഗില്‍ ആയുധങ്ങള്‍ കണ്ടെത്തുകയായിരുന്നു. ബാഗില്‍ തന്റെ വസ്ത്രങ്ങളാണെന്നും താന്‍ സ്ഥിരമായി തീര്‍ത്ഥയാത്ര നടത്തുന്നവരാണെന്നുമായിരുന്നു ഇവര്‍ പോലീസിനോട് ആദ്യം പറഞ്ഞിരുന്നത്. സംശയം തോന്നിയ പോലീസ് നടത്തിയ പരിശോധനയിലാണ് ആയുധങ്ങള്‍ കണ്ടെത്തിയത്.
നാലു തോക്കുകളും 90 കാട്രിഡ്ജുകളും 8 മാഗസിനുകളുമാണ് ഇവരില്‍ നിന്നും പിടിച്ചെടുത്തത്. ആയുധങ്ങളുടെ ഉറവിടങ്ങളെക്കുറിച്ച് തനിക്ക് ഒന്നുമറിയില്ലെന്നും അഹമ്മദാബാദില്‍ കാത്തുനില്‍ക്കുന്നയാള്‍ക്ക് കൊടുത്താല്‍ 5000 രൂപ ലഭിക്കുമെന്നും ഇവര്‍ അറിയിച്ചു. അമ്പലങ്ങളില്‍ പോകുന്നതിനായി ഭര്‍ത്താവ് പണം തരാറില്ല. അതിനാല്‍ വണ്ടിക്കൂലി തരാമെന്ന് ഒരാള്‍ പറഞ്ഞതിനാലാണ് പൊതി കൈമാറാന്‍ തയ്യാറായതെന്ന് സ്ത്രീ പറഞ്ഞു.
സമാന രീതിയില്‍ നേരത്തെ മൂന്നുതവണ പൊതി കൈമാറിയിട്ടുണ്ടെന്ന് ഇവര്‍ പോലീസിനെ അറിയിച്ചു. അഹമ്മദാബാദിലെ ഗുണ്ടാ മാഫിയകള്‍ക്കായി ബീഹാറിലെ മുംഗറില്‍ നിര്‍മിക്കുന്ന ആയുധങ്ങളാണ് ഇവയെന്ന് പോലീസ് സംശയിക്കുന്നു. മുംഗറില്‍ നിന്നാണ് യുപി, ബീഹാര്‍, ഛാര്‍ഖണ്ഡ് മുതലായ സംസ്ഥാനങ്ങളിലെ ഗുണ്ടാ സംഘങ്ങള്‍ ആയുധങ്ങള്‍ സംഘടിപ്പിക്കുന്നത്. ഇവരുടെ ഇടപാടുകാരെ ഉടന്‍ പിടികൂടാന്‍ കഴിയുമെന്ന പ്രതീക്ഷയിലാണ് പോലീസ്.
