Click it and Unblock the Notifications
Just In
Don't Miss
-
T20 World Cup 2024: സഞ്ജുവിന് നീതി വേണം, ലോകകപ്പില് സീറ്റ് നല്കൂ; ആവശ്യപ്പെട്ട് തരൂര് -
കാരണമില്ലെങ്കിലും ഉണ്ടാക്കിയെടുത്ത് വഴക്ക്; ദമ്പതികളുടെ വഴക്കിന് 10 സാധാരണ കാരണങ്ങള് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം -
കോൾ ഇന്ത്യ ഓഹരി 15% കുതിക്കും, ഇതാണ് കാരണം, ഓഹരി വാങ്ങാൻ ബ്രോക്കറേജ് നിർദ്ദേശം -
സൂക്ഷിച്ചാൽ ദുഖിക്കേണ്ട! സെക്കൻഡ് ഹാൻഡ് ഫോൺ വാങ്ങുന്നവർ ശ്രദ്ധിക്കേണ്ട കാര്യങ്ങൾ -
ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
ഗുജറാത്തില്‍ മുസ്ലീങ്ങള്‍ കോണ്‍ഗ്രസിനെ കൈവിടുന്നു? ആം ആദ്മി പുതിയ ബദലാകുമോ?
അഹമ്മദാബാദ്: ഗുജറാത്ത് നിയമസഭാ തെരഞ്ഞെടുപ്പിനോട് അനുബന്ധിച്ച് ഇന്ന് പുറത്തുവന്ന എക്‌സിറ്റ് പോളുകള്‍ എല്ലാം ബി ജെ പിക്ക് വന്‍ വിജയം പ്രവചിക്കുമ്പോള്‍ ചങ്കിടിപ്പേറുന്നത് കോണ്‍ഗ്രസിന്. ആം ആദ്മിയുടെ കടന്ന് വരന്ന് കോണ്‍ഗ്രസ് വോട്ട് ബാങ്കില്‍ വിള്ളല്‍ വീഴ്ത്തും എന്ന വ്യക്തമായ സൂചനയാണ് എക്‌സിറ്റ് പോളുകളില്‍ പലതും സൂചിപ്പിക്കുന്നത്.
സംസ്ഥാനത്ത് കോണ്‍ഗ്രസിന് ലഭിച്ചിരുന്ന മുസ്ലീം വോട്ടുകളില്‍ ഏറിയ പങ്കും ആം ആദ്മിയിലേക്ക് മാറും എന്നാണ് സൂചന. ഗുജറാത്തില്‍ 19,000 പേര്‍ പങ്കെടുത്ത സര്‍വേയില്‍ മുസ്ലിം വോട്ടര്‍മാര്‍ മത്സരരംഗത്തുള്ള മറ്റേതൊരു പാര്‍ട്ടിയെക്കാളും ആം ആദ്മി പാര്‍ട്ടിയെ അനുകൂലിച്ചേക്കും എന്നാണ് ടൈംസ് നൗ - നവഭാരത് എക്‌സിറ്റ് പോള്‍ പ്രവചിക്കുന്നത്.
40 ശതമാനം മുസ്ലീം വോട്ടര്‍മാര്‍ എ എ പിയില്‍ വിശ്വാസം അര്‍പ്പിക്കുന്നു എന്നാണ് സര്‍വെയില്‍ വ്യക്തമാകുന്നത് എന്ന് ടൈംസ് നൗ - നവഭാരത് എക്‌സിറ്റ് പോള്‍ പ്രവചിക്കുന്നു. 38 ശതമാനം മുസ്ലീങ്ങള്‍ കോണ്‍ഗ്രസിനേയും 18 ശതമാനം മുസ്ലീങ്ങള്‍ ബി ജെ പിയേയും പിന്തുണക്കുന്നു.
സംസ്ഥാനത്തെ മുസ്ലീം വോട്ടര്‍മാര്‍ പരമ്പരാഗതമായി കോണ്‍ഗ്രസിനൊപ്പമാണ് എന്നതിനാല്‍ ഈ പ്രവചനം ഏറെ പ്രാധാന്യമര്‍ഹിക്കുന്നു. ഇത്തവണ കോണ്‍ഗ്രസിനെ കൂടാതെ മുസ്ലീം വോട്ടര്‍മാര്‍ക്ക് എ എ പിയും അസദുദ്ദീന്‍ ഒവൈസിയുടെ നേതൃത്വത്തിലുള്ള എ ഐ എം ഐ എമ്മും ബദലായി രംഗത്ത് വന്നിരുന്നു.
ഗുജറാത്തിലെ 182 നിയമസഭാ സീറ്റുകളില്‍ 42 എണ്ണത്തിലും മുസ്ലീം ജനസംഖ്യ ഗണ്യമായി റോള്‍ വഹിക്കുന്നുണ്ട്. ഇവിടങ്ങളില്‍ 40000 ത്തോളം വോട്ടര്‍മാര്‍ മുസ്ലീങ്ങളാണ്. ഗുജറാത്തിലെ 64 ദശലക്ഷം ജനസംഖ്യയുടെ 10 ശതമാനത്തോളം മുസ്ലീങ്ങളാണ്. ഗുജറാത്ത് നിയമസഭയില്‍ മൂന്ന് മുസ്ലീം എം എല്‍ എമാര്‍ മാത്രമാണുണ്ടായിരുന്നത്. ഇതില്‍ എല്ലാവരും കോണ്‍ഗ്രസില്‍ നിന്നുള്ളവരായിരുന്നു.
എന്നാല്‍ ഇത്തവണ ആഭ്യന്തര പാര്‍ട്ടി പ്രശ്നങ്ങളെ ചൊല്ലി കോണ്‍ഗ്രസ് സംസ്ഥാനത്ത് ചിത്രത്തിലെ ഇല്ലായിരുന്നു. രാഹുല്‍ ഗാന്ധി ഭാരത് ജോഡോ യാത്രയെ ചൊല്ലി ഗുജറാത്ത് തെരഞ്ഞെടുപ്പിലെ കടിഞ്ഞാണ്‍ ഏറ്റെടുക്കുന്നതില്‍ നിന്ന് മാറി നിന്നു. ഈ അവസരത്തിലാണ് എ എ പിയും എ ഐ എം ഐ എമ്മും മുസ്ലീങ്ങള്‍ക്ക് സാധ്യതയുള്ള ഓപ്ഷനുകളായി രംഗപ്രവേശം ചെയ്യുന്നത്.
