സ്പായില് വെച്ച് ദിവസവും 10-15 പേര് ബലാത്സംഗം ചെയ്തു; കൗമാരക്കാരിയുടെ വെളിപ്പെടുത്തല്
സ്പായില് വെച്ച് നിരവധിപേര് ചേര്ന്ന് പതിനാല് വയസുകാരിയെ ബലാത്സംഗം ചെയ്തതായി പരാതി.ദിവസവും പത്ത് മുതല് പതിനഞ്ച് വരെ ആളുകള് തന്നെ ബലാത്സംഗം ചെയ്തിട്ടുണ്ടെന്നാണ് പെണ്കുട്ടി പറഞ്ഞത്.സ്പാ നടത്തിപ്പുകാരിയാണ് ആളുകളുമായി നിര്ബന്ധിച്ച് ലൈംഗിക ബന്ധില് ഏര്പ്പെടുവിപ്പിച്ചതെന്നും 14 കാരി പറയുന്നു.
പരതിയില് സ്പാ നടത്തിപ്പുകാരിക്കും സഹായികള്ക്കുമെതിരെ കേസ് എടുത്തു. എന്നാല് ബലാത്സംഗം ചെയ്ത ആളുകളുടെ പേരില് കേസെടുത്തിട്ടില്ല. ബുധനാഴ്ച രാത്രി സെക്ടര് 51ലെ വനിതാ പോലീസ് സ്റ്റേഷനില് സ്പാ ഓപ്പറേറ്റര് ഉള്പ്പെടെ നാല് പേര്ക്കെതിരെ എഫ്ഐആര് രജിസ്റ്റര് ചെയ്തു.
ഇത് രണ്ടാം തവണയാണ് പോലീസില് പരാതിപ്പെടുന്നതെന്ന് ഇരയായ പെണ്കുട്ടിആരോപിച്ചു.ആദ്യമായി പോലീസില് പോയപ്പോള്, പ്രതികളിലൊരാളായ റൂബലുമായി താന് പ്രണയത്തിലാണെന്ന് കള്ളം പറയാന് നിര്ബന്ധിതനാവുകയും വിവാഹം കഴിക്കാമെന്ന് വാഗ്ദാനം ചെയ്യുകയും ചെയ്തതായാണ് പറയുന്നത്. പ്രതി പിന്നീട് തന്നെ വിവാഹം കഴിക്കാന് വിസമ്മതിക്കുകയും തന്നെയും കുടുംബത്തെയും കൊല്ലുമെന്ന് ഭീഷണിപ്പെടുത്തുകയും ചെയ്തതായി അവര് പറഞ്ഞു.രാഹുലിനെ കുറിച്ച്
ഇരയായ കുട്ടി ഇതുവരെ തന്റെ യഥാര്ത്ഥ വയസ്സ് തെളിയിക്കുന്ന തെളിവുകള് പങ്കുവെച്ചിട്ടില്ലെന്നും പ്രായപൂര്ത്തിയാകാത്ത ആളാണോ എന്ന് ഇതുവരെ സ്ഥിരീകരിച്ചിട്ടില്ലെന്നും പോലീസ് പറഞ്ഞു. പ്രതികളെ പിടികൂടാന് റെയ്ഡ് നടത്തുകയാണ്. പരാതിയില് പറയുന്നതിന് അനുസരിച്ച് പെണ്കുട്ടി, സെക്ടര് 49 ഏരിയയില് താമസിക്കുകയായിരുന്നു. ജോലി അന്വേഷിക്കുകയായിരുന്നു, ഏകദേശം ഒരു മാസം മുമ്പ് നിര്വാണ കോര്ട്ട്യാര്ഡില് വച്ച് പൂജ എന്ന സ്ത്രീയെ കണ്ടുമുട്ടി, അവള് ഒരു ഡോക്ടറുടെ ക്ലിനിക്കില് ജോലി വാഗ്ദാനം ചെയ്തു.
പെണ്കുട്ടി ഡോക്ടറുടെ ക്ലിനിക്കില് പോയി.എന്നാല് രണ്ട് ദിവസത്തിന് ശേഷം പിരിച്ചുവിട്ടതായി പെണ്കുട്ടി പറഞ്ഞു. ഏകദേശം 15 ദിവസത്തിന് ശേഷം, പൂജ അവളെ വീണ്ടും കണ്ടുമുട്ടി, ഇത്തവണ ഒമാക്സ് ഗുരുഗ്രാം മാളിന്റെ ഒന്നാം നിലയിലുള്ള കിംഗ് സ്പായില് റിസപ്ഷനിസ്റ്റായി ജോലി വാഗ്ദാനം ചെയ്തു. സ്പാ നടത്തിയിരുന്നത് ഒരു ജുമാ ആണെന്നാണ്, പൂജ അവളുടെ അമ്മായിയാണെന്ന് പോലീസ് പറഞ്ഞു.
"എന്നെ ബലാത്സംഗം ചെയ്ത ഒരു പുരുഷനോടൊപ്പം അവർ എന്നെ സ്പായിലെ മുറിയിലേക്ക് ബലമായി പറഞ്ഞയച്ചു. എന്റെ ജോലിയുടെ ആദ്യ ദിവസം തന്നെ എന്റെ കഷ്ടപ്പാടുകൾ ആരംഭിച്ചു," പെൺകുട്ടി പരാതിയിൽ പറഞ്ഞതായി പോലീസ് പറയുന്നു.ജോലി ഉപേക്ഷിക്കാൻ ആഗ്രഹിക്കുന്നുവെന്ന് പെൺകുട്ടി പറഞ്ഞപ്പോൾ, പുരുഷനുമായുള്ള ലൈംഗിക ബന്ധത്തിന്റെ വീഡിയോ കാണിക്കുകയും "ജോലിയിൽ" തുടരാൻ നിർബന്ധിക്കുകയും ചെയ്തുവെന്ന് പോലീസ് പറഞ്ഞു.
"അഞ്ച് ദിവസം കൂടി സ്പായിൽ പോകാൻ എന്നെ നിർബന്ധിച്ചു, അതിനിടയിൽ ദിവസവും 10 മുതൽ 15 വരെ പുരുഷന്മാർ എന്നെ ലൈംഗികമായി ചൂഷണം ചെയ്തു," പെൺകുട്ടി തന്റെ പരാതിയിൽ എഴുതി. എഫ്ഐആർ പ്രകാരം, ഇരയായ പെൺകുട്ടി അമ്മയുടെ പിന്തുണയോടെ ജോലി ഉപേക്ഷിച്ചു, എന്നാൽ പ്രതികളായ ജുമ, പൂജ, റൂബൽ, സദ്ദാം എന്നിവർ അവളെ ഉപദ്രവിക്കുന്നത് നിർത്തിയില്ല.
രണ്ടാഴ്ച മുമ്പ് അവൾ രണ്ടാം തവണയാണ് പോലീസിന്റെ അടുത്ത് എത്തുന്നത്."എന്റെ മാതാപിതാക്കളുടെയും എന്റെയും ജീവൻ അപകടത്തിലായതിനാൽ, ഞാൻ ഇപ്പോൾ പരാതി നൽകുന്നു. നിഷ്കളങ്കരായ പെൺകുട്ടികളെ കെണിയിൽപ്പെടുത്തി ചൂഷണം ചെയ്യുന്ന സംഘമാണിത്," പരാതിയിൽ പറയുന്നുണ്ട്.
Click it and Unblock the Notifications
Sign in with Google